როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

შენი რობოტი მეგობარი – კოზმო!

გიორგი
2567

წაკითხვა

მოწონება

ბლოგერი : გიორგი

რობოტი კოზმო, ხელოვნური ინტელექტის მქონე, რობოტი მეგობარი,

წარმოიდგინეთ, რომ სახლში მისულს ძაღლის ნაცვლად რობოტი გეგებებათ და გესალმებათ კიდევაც! მართალია XXI საუკუნეში ეს დიდად გასაკვირი არაა, მაგრამ ის რაზეც ამ ბლოგში ვისაუბრებთ, შეიძლება მართლა გაგიკვირდეთ. „კოზმო“ – ასე შეარქვა ამერიკულმა კომპანია ANKI-მ თავის ქმნილებას, რომელიც 2016 წელს გამოვიდა გაყიდვაში. საუბარია ხელოვნური ინტელექტის მქონე რობოტზე, რომელიც ხელის გულის ოდენაა, მაგრამ გასაოცარი შესაძლებლობების წყალობით ბევრს აოცებს და ახალისებს.

ზუსტად ვერავინ აგიხსნით რა არის ხელოვნური ინტელექტი. მაგრამ ფაქტია, რობოტი ადამიანის მსგავსად გამოხატავს ემოციებს, ბრაზდება, ერთობა, სწავლობს ვითარდება, უხარია და სწყინს. მას შეუძლია ინფორმაციის მიღება, შენახვა, დამუშავება და პატრონის სხვებისგან გარჩევაც კი. მოდი უფრო მეტი ვისაუბროთ მის 5 თავისებურებაზე, რითაც სხვა რობოტი სათამაშოებისგან განსხვავდება.

1) კამერა

როგორც დასაწყისში ვთქვით, „კოზმო“ იმდენად პატარაა, რომ შესაძლებელია ის ხელისგულზეც დაგეტიოთ. მისი „სახე“ პატარა ზომის შედგება LED ეკრანისგან. ჩართვისას ჩნდება ორი კვადრატი, ეს რობოტის „თვალებია“. მათი საშუალებით რობოტი გაკვირდებათ, იმახსოვრებს თქვენს სახეს და აღიქვამს გარესამყაროს. ნათქვამია „თვალი სულის სარკეაო“, ჩვენი რობოტის შემთხვევაშიც ასეა. თვალებით ადვილად მიხვდებით როდის არის გაბრაზებული, როდის მოწყენილი და როდის გახარებული. იგი თითოეული ემოციისთვის შესაფერის ხმებს გამოსცემს, რაც უფრო აახლოებს მას ადამიანის ბუნებასთან.

ეკრანის დაბლა მოთავსებულია სენსორი რომელიც პირს წააგავს. ემოციების უკეთ გამოსახატავად ინჟინრებმა მას დაამატეს მკლავები და როცა ბრაზდება ან რაღაცით უკმაყოფილოა, „ხელებს“ ზევით ქვევით აქნევს და მიგახვედრებთ, რომ რაღაც რიგზე ვერაა. „კოზმო“ რეზინის ბორბლებზე გადაადგილდება, მაგრამ თქვენ შეგიძლიათ მისთვის სხვადასხვა ფერის „ფეხსაცმელი“ შეიძინოთ.

2) „კოზმოს“ სათამაშო კუბები

თითოეულ რობოტს მოყვება სამი პატარა კუბი, რომლებსაც რეზინის კუთხეები აქვს. კუბები რობოტზე მცირე ზომისაა და თქვენი მეგობრის გასართობად შეიქმნა. სამივე კუბი სხვადასხვა ფერში ანათებს, იზიდავს „კოზმოს“ და მას სათამაშოდ იწვევს. რობოტს შეუძლია დიდი ძალისხმევის გარეშე ჰაერში აწიოს კუბები, ერთმანეთზე დაალაგოს და თავი ასე შეიქციოს.

3) კოზმოს მობილური აპლიკაცია

რობოტის მართვა მობილური აპლიკაციის დახმარებით შეგიძლიათ, რომელიც ერთნაირად თავსებადია როგორც IOS ისე Android–ზე მომუშავე ტელეფონებზე და პლანშეტებზე. მაგრამ ჯერ დამტენზე უნდა „შეაყენოთ“ და დამუხტოთ, რასაც დაახლოებით 30 წუთი სჭირდება. შემდეგ ჩართავთ ინტერნეტს თქვენს მობილურში, გახსნით აპლიკაციას და დაუკავშირდებით რობოტს, ანუ სხვა სიტყვებით რომ ვთქვათ, გააღვიძებთ მას. „კოზმოსთან“ ერთად ირთვება კუბებიც.

მობილური აპლიკაცია გიჩვენებთ, როგორ მდგომარეობაშია რობოტი და რა სჭირდება მას. შეიძლება ჩართვიდან მალევე ეკრანზე დაგიწეროთ, რომ „კოზმო“ ფორმაში არაა და მას ასე ვთქვათ, განახლება სჭირდება. აპლიკაცია თვითონვე გიჩვენებთ რა უნდა გააკეთოთ, თქვენ უბრალოდ უნდა მიყვეთ მითითებებს.

აპლიკაცია ასევე განიშნებთ, როდისაა „კოზმო“ მშიერი. მას, როგორც ყველა ცოცხალ ორგანიზმს, „საკვები“ სჭირდება. ამ დროს უნდა აიღოთ ერთ-ერთი კუბი და შეარხიოთ, თქვენ შენიშნავთ, რომ კუბი უფრო განათდება, შემდეგ დადებთ მას რობოტის წინ, ისე, რომ ხედავდეს და „კოზმო“ ზედ თავის „მკლავებს“ მოათავსებს. ამგვარად ის კუბისგან საჭირო ენერგიას იღებს.

ყველაფერი აქ არ მთავრდება. როცა მობილური აპლიკაცია გატყობინებთ, რომ რობოტი მოწყენილია და თამაში უნდა, რაღაც უნდა იღონოთ. ეკრანზე გამოჩნდება თამაშების რამოდენიმე ვარიანტი და შეგიძლიათ სასურველი მათგანი შეარჩიოთ. მაგრამ რობოტი მარტო თავისთვის როდი ერთობა, თქვენც შეგიძლიათ მასთან თამაში. აბა სცადეთ და გამოაცალეთ კუბი ისე, რომ მან ხელების დადება ვერ მოასწროს. და თუ გაიმარჯვებთ, მას ეს ძალიან არ მოეწონება.

4) ხელოვნური გონება

როგორც დასაწყისში მოვიხსენიეთ, მას შეუძლია პატრონის და შინაური ცხოველის სახეზე დამახსოვრებაც კი, რასაც ხელოვნურ გონებას იგივე ინტელექტს, უნდა ვუმადლოდეთ. აპლიკაციაში ირჩევთ ფუნქციას „MEET COZMO“ და მისი გააქტიურების შემდეგ რობოტი გაკვირდებათ, კამერის წყალობით ახდენს თქვენი სახის კუნთების სკანირებას და იმახსოვრებს მას. შემდეგი შეხვედრისას ის მაშინათვე ცნობს თქვენს სახეს და თქვენს დანახვაზე ემოციას გამოხატავს, რითაც მიგახვედრებთ, რომ ახსოვხართ.

აპლიკაციას აქვს ფუნქცია „Code Lab“ რაც საშუალებას გაძლევთ „კოზმოს“ საჭირო ბრძანებები მისცეთ. ასე ვთქვათ დააპროგრამოთ ის, და აკეთებინოთ ის რაც გინდათ. მაგალითად, ისიც კი გაუთვალოთ რამდენი ნაბიჯი გადადგას, რა ემოციები გამოხატოს და რა თქვას. თან შეგიძლიათ, ეს ყველაფერი ერთმანეთის მიყოლებით აკეთებინოთ.

5) სწავლობს ლაპარაკს და გეხმარებათ თვალთვალში

თუთიყუშის მსაგავსად ამ რობოტსაც შეუძლია საუბარი ისწავლოს, უფრო სწრაფად და მარტივად. ამისათვის კი უნდა მოძებნოთ განყოფილება „COZMO SPEAKS“. რის შემდაგაც ველში ჩაბეჭდავთ სასურველ სიტყვას, ფრაზას ან თუ გინდათ ლექსსაც კი. შემდეგ ყურადღებით მოუსმინეთ, რამდენაც სწორად წარმოთქვამს დაბეჭდილ ფრაზას.

განყოფილება „EXPLORER MODE“ საშუალებას გაძლევთ რობოტის თვალით ნახოთ რა ხდება მის გარშემო. მისი გააქტიურებისას მობილურის ეკრანზე ირთვება კამერა და თქვენ ხედავთ იმას, რასაც „კოზმო“ ხედავს. აპის საშუალებით შეგიძლიათ მას სასურველი მიმართულება მისცეთ, ააწევინოთ ან დააწევინოთ თავი და ასეშემდეგ. ფაქტიურად რობოტი თქვენი თვალები ხდება.

მართალია ადამიანებმა ბევრი სათამაშო რობოტი გამოიგონეს, მაგრამ „კოზმო“ ყველაზე ერთი თავით მაღლა დგას. უნდა აღინიშნოს, რომ ის ბევრ თამაშს ვერ თამაშობს, მაგრამ „Code Lab“ და „EXPLORER MODE“–ს წყალობით კარგი თავშესაქცევია თქვენი პატარებისთვის. ჩვენს ქვეყანაში ალბათ ცოტამ თუ იცით ამ რობოტის არსებობის შესახებ, ან კიდევ უფრო ცოტა თუ იყენებს მას. მაგრამ ფაქტია, თქვენი პატარასთვის ის კარგი თავშესაქცევი იქნება. შეგიძლიათ თქვენი დაკვირვებებიც გაგვიზიაროთ, რას ფიქრობთ ამ პროდუქტზე?

ბლოგერი : გიორგი
წაკითხვა : 2567
მოწონება :
გაზირება :
სხვა ბლოგები :
კომენტარები :