როგორ შევიძინო?

ავტორიზაცია

ყველა კატეგორია

რა ვაჩუქო?
აქსესუარები სილამაზე და კოსმეტიკა საჩუქარი ბავშვებისთვის დეკორი სხვადასხვა
ავტო ნაწილები ბავშვებისათვის ვიდეო თამაშები & კონსოლები ზოო პროდუქცია კომპიუტერული ტექნიკა მობილური ტელეფონები & აქსესუარები მუსიკა მუსიკალური ინსტრუმენტები საათები სათამაშოები & ჰობი
ასაწყობი სათამაშოები ბურთები, ფრიზბი & ბუმერანგები გამჭვირვალე & ფერადი ბურთულები დრონები თამაშები კლასიკური სათამაშოები მანქანები, თვითმფრინავები, გემები & ძრავები მატარებლები მოდელები & კომპლექტი მოქმედებითი / მოძრავი მცირე წლოვნებისთვის რობოტები, მონსტრები, კოსმოსური მხეცები საბავშვო დისტანციური მანქანები საბავშვო სატერფულიანი მანქანები საბითუმო გაყიდვები საგანმანათლებლო სათამაშო ჯარისკაცები საპნის ბუშტები სატელევიზიო & ფილმის პერსონაჟები სწრაფი კვების სათამაშოები ფაზლები, თავსატეხები, რუბიკის კუბები ფუმფულა / ბეწვის სათამაშოები ცნობილი ცხოველები ძველებური & ანტიკვარული სათამაშოები საბითუმო გაყიდვები
სამკაულები სამომხმარებლო ელექტროტექნიკა სახლი და ეზო სპორტული საქონელი ტანსაცმელი, ფეხსაცმელი და აქსესუარები ფოტო და ვიდეო კამერები წიგნები ჯანმრთელობა და სილამაზე

შინაური ცხოველების მოვლა: სირთულეები და მათი გადაჭრის გზები

ქეთი ლომიძე
7343

წაკითხვა

მოწონება

ბლოგერი : ქეთი ლომიძე

რა სჭირდებათ ჩვენს ცხოველებს ყველაზე მეტად?,როგორ ვიგრძნოთ თავი მშვიდად ოთხფეხა მეგობართან ერთად მოგზაურობისას?

ყველას, ვისაც საყვარელი ოთხფეხა არსება ჰყავს, სურს, რაც შეიძლება, კარგად მოუაროს პატარა მეგობარს, რადგან შინაური ცხოველებისგან მიღებული სითბო და მოგონებები შეუცვლელია, მაგრამ სამწუხაროდ, მედალს ორი მხარე აქვს და მოვლის დროს უამრავ პრობლემას ვაწყდებით. მართალია, ისინი ძალიან საყვარლად აქიცინებენ კუდს და აბრიალებენ თვალებს, მაგრამ ხშირად იმითაც "დაიკვეხნიან", რომ რევენ სახლს, ხევენ და ანადგურებენ ავეჯს, ზოგჯერ კი იმის საფრთხეც არსებობს, რომ გაიქცნენ და დაიკარგონ.

სოფლებში, დამეთანხმებით, ცხოველების მოვლა შედარებით ადვილია, რადგან ბუნებაში მათ სრული თავისუფლება ეძლევათ და თქვენზე დამოკიდებულები არ არიან. ჩემი გამოცდილებით გეტყვით, რომ ქალაქში მათი ყოლა უამრავ დისკომფორტთან არის დაკავშირებული. ოთხ კედელს შუა გამოკეტილები, კატა თუ ძაღლი, მათთვის საჭირო გარემოს შექმნის გარეშე, ენერგიას სათანადოდ ვერ ხარჯავენ, ზოგჯერ საჭმელზეც უარს ამბობენ და შეიძლება, დაავადდნენ.

იმისთვის, რომ აიცილოთ ეს პრობლემები, ამ ბლოგში შემოგთავაზებთ ცხოველებისთვის აუცილებელ (მათგან უმეტესობა 5 ლარზე ნაკლები ფასისაა) ნივთებს, რომელთა შესაძენად სახლიდან გასვლა, საათობით ზოომაღაზიების ძებნა და ფულის უაზრო ფლანგვა არ მოგიწევთ. ამასთან ერთად, ისწავლით, რა არის აუცილებელი, რომ თქვენმა შინაურმა ცხოველმა თავი რაც შეიძლება კარგად და კომფორტულად იგრძნოს.

 

1. საყელო

საყელო საკმაოდ მნიშვნელოვანი აქსესუარია. ის, პირველ რიგში, იმის ნიშანია, რომ ცხოველს პატრონი ჰყავს და დაკარგვის შემთხვევაში ძაღლისა თუ კატის პოვნას ადვილს ხდის. საზღვარგარეთ ხშირად საყელოზე ცხოველის სახელსა და მისი პატრონის საკონტაქტო ინფორმაციას უთითებენ და საბელს სწორედ მასზე აბამენ. ძაღლების პატრონებს საყელო მათ გაწვრთნაშიც ეხმარება.

 

2. საბელი

ეს ნივთი ძაღლს ყოველდღიურად სჭირდება, რადგან მის აღზრდაში მნიშვნელოვანი სწორედ გარეთ სეირნობაა. საბელის გარეშე ძაღლის სასეირნოდ გაყვანა თითქმის შეუძლებელია - ის ყველგან დაიწყებს სირბილს, გამვლელებს შეაშინებს, შეიძლება, ავტომობილებით სავსე გზაზე გადაირბინოს და ბორბლებს შეუვარდეს, ან სულაც, დაიკარგოს. ამ მოზღვავებული ენერგიის ცხოველს ქალაქში დევნას ვერ დაუწყებთ, ამიტომ, ჯობს, საბელი გეჭიროთ და ძაღლთან ერთად იმ ტემპით იაროთ, რაც თქვენთვისაა მოსახერხებელი.

 

3. სამგზავრო ჩანთა

დასასვენებლად წასვლის დროს საკმაოდ ძნელია შინაური ცხოველის გზაზე წაყვანა. ხშირად მიტოვებაც არ შეგვიძლია და გვინდა, თან წავიყვანოთ, ან უბრალოდ, ვერავისთან ვტოვებთ. ცხოველები თავიანთ ძველ გარემოს არიან მიჩვეულები და შეიძლება, სულაც არ ესიამოვნოთ შორ გზაზე წასვლა. სამგზავრო ჩანთა ამ პრობლემის გადაჭრაში დაგვეხმარება. ასეთი ჩანთები უფრო ხშირად პატარა ზომის ცხოველებისთვისაა შექმნილი, სადაც გამოძინებას, თავისი კომფორტის მოწყობას შეძლებენ და ნებას მოგცემენ, დაბინავებამდე იქ გადააადგილოთ, სადაც გინდათ. სამგზავრო ჩანთით შეგეძლებათ მათი არა მხოლოდ ხელით, არამედ - ავტომობილით, თვითმფრინავით ან მატარებლით გადაადგილება. მათი უცნობ გარემოში დაკარგვის საფრთხეც გაქრება და თქვენც ნებისმიერ ადგილას შეგეძლებათ წასვლა.

 

4. ხელთათმანი

ჩვენი პატარა მეგობრები ხშირად ისვრებიან და სახლში ყველაფერს აბინძურებენ - ეხებიან ავეჯს, იფერთხებიან, დარბიან. სწორედ ამიტომ, შემოგთავაზებთ ამ ხელთათმანს, რომლის საშუალებითაც ცხოველის გასუფთავება ძალიან გაგიადვილდებათ, ხელების წყალში გაუხეშებას აირიდებთ და ბეწვიდან ჭუჭყს კარგად ამოიყვანთ. დაბანის გარდა, ხელთათმანის გამოყენება, რომელსაც მასაჟორის ფუნქციაც აქვს, მოფერების დროს, მშრალადაც შეგიძლიათ.

 

5. საწოლი

ძაღლები და კატები, თუ სახლში დასაძინებელი ადგილი მიჩენილი არ აქვთ, ყველგან კოტრიალობენ ხოლმე. ხშირად მათი ეს ჩვევა აუტანელი ხდება, რადგან ავეჯი სულ ბეწვით ივსება და მათი ნებივრობა არეული სახლის ტოლფასია. ამასთანავე, ეს საქციელი მათი ჯანმრთელობისთვის მთლად კარგი არ არის. მოზრდილი ძაღლისთვის თუ კატისთვის ცივ ან ცხელ, მაგარ იატაკზე ძილი არ შეიძლება, რადგან მის ძვლებს კომფორტისა და დასვენებისთვის რბილი და ზომიერი ტემპერატურის მატერია სჭირდება . სწორედ ამიტომ, აუცილებელია, შეიძინოთ საწოლი, სადაც თქვენი შინაური ცხოველი ძილს მიეჩვევა და ოთახის დაბინძურებას შეწყვეტს. ასე აიცილებთ ავეჯის ნაკაწრებით გაფუჭებასა და ბეწვის ყველგან მოხვედრას, ცხოველის ჯანმრთელობასაც პრობლემა არ შეექმნება.

 

6. სათამაშოები

ხშირად დაღლილობის გამო ჩვენს შინაურ ცხოველებს ყურადღებას ვეღარ ვაქცევთ, მათ კი არ შეუძლიათ, თავიანთი მოზღვავებული ენერგია სადმე წაიღონ და დახარჯონ, ჩვენ გარეშე თამაშის სურვილს ვერ იკმაყოფილებენ. სწორედ ამიტომ, აუცილებელია, შევიძინოთ სათამაშოები - მათთან ერთად თავს მარტივად გაირთობენ და თამაშს ჩვენთვის ხელის შეშლის გარეშე შეძლებენ. თვით გართობასთან ერთად, სწორად შერჩეული სათამაშოები ცხოველებს ეხმარება ფიზიკურ და გონივრულ განვითარებაში. შეგიძლიათ, შეიძინოთ "ძვლები" ძაღლისთვის, სათამაშო თაგვი კატისთვის, ბურთი,სხვადასხვა ფორმის რბილი სათამაშოები და სხვა.

 

7. საკვების ჯამი

საჭიროა, ძაღლს თუ კატას გამოყოფილი ჭურჭელი - საკვების ჯამი ჰქონდეს, რათა იცოდეს, სად უნდა ელოდოს საჭმელს, არ დადიოდეს სახლში მშიერი და სევდიანი თვალებით მაგიდისკენ არ იყურებოდეს იმის მოლოდინში, რომ ადამიანი საკუთარ კერძს უწილადებს. შესაფერისი ჯამის ყიდვის შემდეგ, საკვებს იქვე შეჭამს, სახლში მათ დაყრას არ დაიწყებს და თვითონ მიგანიშნებთ ხოლმე, როცა მოშივდება (მივა ჯამთან). ცხოველებისთვის ჯამის სწორად არჩევა საკმაოდ მნიშვნელოვანია, რათა მათ ჭამა არ გაუჭირდეთ. უნდა გაითვალისწინოთ თქვენი ცხოველის პირის, ცხვირის, ასევე, თვითონ მისი ზომა და ამის მიხედვით იყიდოთ მაღალი ან დაბალი ჯამი.

 

8. ტანსაცმელი

ცხოველებისთვის ტანსაცმლის ჩაცმა აქტუალური გახდა და ამიტომაც, აღარავის უკვირს "მოდას აყოლილი" ოთხფეხების დანახვა. უმეტეს შემთხვევაში მათ პატარა ჯიშის ძაღლებისა და კატებისთვის ყიდულობენ, რადგან პატარებს სიცივის გასაძლებად საკმარისი იმუნიტეტი არ აქვთ. ამიტომ, თბილი სამოსის ჩაცმა არა მხოლოდ სილამაზისთვისაა, არამედ, ცხოველებს სიცივისა და წვიმაში დასველებისგანაც იცავს.

 

ყველა ამ ჩამოთვლილი რჩევის გათვალისწინეიბთ, შეძლებთ, უკეთ მოუაროთ თქვენს საყვარელ ცხოველს, კომფორტული გარემო შეუქმნათ დაბალ ფასში და ამავდროულად, თავი აარიდოთ სახლის მთელი დღე ლაგებას. იმედია, სტატია დაგეხმარებათ, თუ ოთხფეხა მეგობრის მოვლასთან დაკავშირებით რამე სირთულე გაქვთ. გთხოვთ, გაგვიზიაროთ კომენტარებში, თუ ისურვებდით რამის დამატებას.

ბლოგერი : ქეთი ლომიძე
წაკითხვა : 7343
მოწონება :
გაზირება :
სხვა ბლოგები :
კომენტარები :