EBG-ის ნივთების კატალოგი ინტეგრირებულია eBay.com-ის სისტემასთან და მოიცავს ნებისმიერ შეთავაზებას, რომელსაც eBay-ზე ნახავთ. არსებობს შეძენის ორი გზა. ესენია პირდაპირი შესყიდვა (Buy It Now) და აუქციონი. პირდაპირი შესყიდვის ინსტრუქციისთვის დააჭირეთ აქ.

აუქციონში მონაწილეობის მისაღებათ საჭიროა EBG-ის ბალანსზე გქონდეთ საგარანტიო თანხა (ნივთის ღირებულების 10%).

ბიდის სახით მიუთითეთ თანხის ის მაქსიმალური ოდენობა, რომლის გადახდისთვისაც მზად ხართ. სისტემა დაიმახსოვრებს თქვენს თანხას და მის ფარგლებში განათავსებს ბიდებს აუქციონზე.

გაითვალისწინეთ, რომ ბიდების დადება რეკომენდებულია აუქციონის დამთავრებამდე მინიმუმ ერთი წუთით ადრე. ბოლო წუთის განმავლობაში დადებული ბიდი შესაძლოა არ აისახოს სისტემაში.

სისტემა თქვენს მიერ მითითებული თანხის ფარგლებში დადებს ბიდს აუქციონის დამთავრებამდე რამდენიმე წამით ადრე (დაახლოებით 5წმ). ეს თქვენ გაძლევთ უპირატესობას, რადგან სხვა მომხმარებლებს რჩებათ მცირე დრო ბოლო წამებზე განთავსებულ თქვენს ბიდზე საპასუხოდ.

მაგალითად: თუ მიმდინარე შეთავაზება ნივთისათვის არის $100, და თქვენ მზად ხართ მაქსიმუმ $200 გადაიხადოთ ამ ნივთში, მიუთითეთ აღნიშნული თანხა როგორც თქვენი მაქსიმალური ბიდი. ამ შემთხვევაში სისტემა $200-ის ფარგლებში დადებს ბიდებს თქვენს ნაცვლად. მაგალითად, თუ ბიჯი არის $1.5, მაშინ სისტემა პირველ რიგში თქვენ შეთავაზებად მიუთითებს $101.5-ს. თუ ეს თანხა იქნება მაქსიმალური (სხვა მყიდველების მიერ მითითებულ ბიდებთან შედარებით), მაშინ თქვენ $101.5-ად მოიგებთ ნივთს აუქციონზე. ხოლო თუ სხვა მყიდველი მიუთითებს $101.5 -ზე მეტს, მაშინ სისტემა შეთავაზებას გაზრდის კიდევ $1.5 -ით. თუ სხვა მყიდველის შეთავაზება გადააჭარბებს $200-ს, მაშინ თქვენ ავტომაურად გამოეთიშებით აუქციონიდან.

მიმდინარე, მოგებული ან წაგებული აუქციონების სანახავად გადადით, საიტის მარჯვენა, ზედა კუთხეში არსებული მენიუდან აუქციონის გვერდზე.

თუ თქვენ მოიგებთ აუქციონს, 4 დღის განმავლობაში უნდა გადაიხადოთ მოგებული ნივთის ღირებულება. წინააღმდეგ შემთხვევაში ამტომატურად დაკარგავთ საგარანტიო თანხას. ხოლო თუ წააგებთ, საგარანტიო თანხა დაგიბრუნდებათ ბალანსზე.