პრაიმ მაღაზია გაიხსნა
 ყველა პრაიმ პროდუქტი ერთ სივრცეში 
სიახლე
დაგვიმეგობრდი
ონლაინ დახმარება
ვიდეოინსტრუქცია
სიახლე -ზე.

მალე:

×
რეგისტრაცია
ბალანსის შევსება
ყიდვის ინსტრუქცია
აქუციონის ინსტრუქცია
×

დახმარების ცენტრი

ხშირად დასმული კითხვები

რამდენ ხანში ჩამოვა ამანათი?

ამანათი ჯერ აშშ-ში, ჩვენს საწყობში ჩადის. საწყობში მიწოდების დრო ინდივიდუალურია და მითითებულია თითოეული პროდუქტის აღწერაში. საწყობში ამანათებს გადაახარისხებენ და გაამზადებენ ტრანსპორტირებისთვის. აშშ-დან ამანათები იგზავნება სამშაბათობით და პარასკევობით და ჩამოდის 7 დღეში.

რა თანხა უნდა გადავიხადო ამანათის მისაღებად?

ამანათის მისაღებად, პირველ რიგში, იხდით პროდუქტის ღირებულებას. აშშ-ს საწყობში მიწოდების შემდეგ მის გატანამდე - ტრანსპორტირების საფასურს. ხოლო თუ პროდუქტი ექვემდებარება განბაჟებას, გადმოგეცემათ საბაჟო დეკლარაცია, რომელიც ერთი თვის განმავლობაში უნდა დაიფაროს.

რა დამიჯდება ამანათის საქართველმდე ჩამოტანა?

აშშ-ის საწყობში ანგარიშობენ ამანათის წონას. ავიაკომპანია ტრანსპორტირების ღირებულებას ითვლის მხოლოდ რეალური წონის მიხედვით. 1კგ = $8 და წონა მრგვალდება 100 გრამის სიზუსტით.

რა შემთხვევაში ექვემდებარება ამანათი განბაჟებას?

სახელმწიფო განბაჟებას ექვემდებარება:

  • ერთ რეისზე გამოგზავნილი ამანათები, რომელთა საერთო ღირებულება მეტია 300 ლარზე.
  • ერთ რეისზე გამოგზავნილი ამანათები, რომელთა საერთო წონა მეტია 30 კილოგრამზე.
  • 4-ზე მეტი ერთგვაროვანი ამანათი თუ ჩაითვალა რომ კომერციული დანიშნულება აქვს
  • 400 ღერზე მეტი სიგარეტი
  • 50-ზე მეტი სიგარა
  • 50-ზე მეტი სიგარილა
  • 250 გრამზე მეტი თამბაქოს ნაწარმი
  • 4 ლიტრზე მეტი ალკოჰოლური სასმელი

საბაჟო გადასახადი შეადგენს ჩამოტანილი ნივთისა და ტრანსპორტირების ღირებულების ჯამის 18%-ს. საბაჟო გადასახადის გადახდა შესაძლებელია 30 კალენდარული დღის განმავლობაში ნებისმიერ ბანკში. განბაჟებისათვის საჭირო ყველა დოკუმენტს მიიღებთ ამანათის გატანისას.

სად და როდის მივიღებ ამანათს?

ნივთის შეძენისას სისტემა მოგთხოვთ სასურველი ფილიალის მისამართის მითითებას. საქართველოში ჩამოტანილი ამანათი მივა თქვენს მიერ არჩეულ ოფისში. რის შესახებაც მობილურ ტელეფონზე მოგივათ შეტყობინება.

შენიშვნა: აუცილებელია ჩამოსვლიდან 30 დღეში გაიტანოთ ამანათი. წინააღმდეგ შემთხვევაში ის სახელმწიფოს გადაეცემა.

რომელი ნივთების ტრანსპორტირებაა აკრძალული?

აკრძალულია შემდეგი ნივთების ტრანსპორტირება:

  • რეალური ფული, მონეტები ან ბანკნოტები
  • საბანკო და საკრედიტო ბილეთები და სხვა ფასიანი ქაღალდები
  • საკვები პროდუქცია
  • ფეთქებადი ნივთიერებები ან პროდუქცია(სპრეი, პულივიზატორი, დეზადორი და მსგავსი შეფუთვა)
  • მიწა და ნერგები მიწით
  • პორნოგრაფიული სახის პროდუქცია
  • ცოცხალი ცხოველები
  • ნებისმიერი სახის ნარკოტიკი, ნარკოტიკული ნივთიერებების შემცველი პროდუქცია ან მცენარეები ან მათი თესლი, ე.წ. "ბიო", არომატიზატორი
  • ფსიქოტროპიული ნივთიერებები
  • წამლები (10 შეკვრაზე მეტი)
  • მცენარეები (1 კილოგრამზე მეტი)
  • მცენარეების თესლები (25 გრამზე მეტი)
  • არბალეტები, ისრებები, მშვილდები.
  • პნევმატური იარაღები რომელთა კალიბრი აღემატება 4.5მმ-ს.
შესაძლებელია თუ არა სხვა პიროვნებამ გაიტანოს ჩემი ამანათი?

სხვა პიროვნებას შეუძლია გაიტანოს ამანათი, თუ ის არ ექვემდებარება განბაჟებას. ამისთვის უნდა წარადგინოს საკუთარი და ამანათის მფლობელის პირადობის დამადასტურებელი საბუთი (ID ბარათი, პასპორტი ან მართვის მოწმობა) ან მისი ასლი.

რას უნდა მივაქციო ყურადღება ნივთის გამოწერისას?

სასურველი ნივთის შეძენამდე აუცილებლად შეამოწმეთ შემდეგი ინფორმაცია:

  1. 1. დეტალური ინფორმაცია ნივთის შესახებ - მდგომარეობა, მიწოდების დრო, მონაცემები და აღწერა.

    *შენიშვნა: ნივთის შესახებ ძირითადი ინფორმაცია მოცემულია ჩვენს ვებ-გვერდზე, თუმცა მომხმარებელი ვალდებულია გაეცნოს სრულ აღწერას eBay.com-ზე. ყველა ნივთის გვერდზე არის მითითებული eBay.com-ზე გადასასვლელი ლინკი.

    სხვადასხვა კატეგორიის პროდუქტებისათვის იყენებენ განსხვავებულ ნივთის მდგომარეობის აღმნიშვნელ ტერმინებს. ტერმინების განმარტებები ქართულ ენაზე შეგიძლიათ იხილოთ აქ.

  2. 2. გამყიდველი - რეიტინგი, გაყიდვების რაოდენობა და მომხმარებლების შეფასება. ჩვენ გირჩევთ რომ სასურველი ნივთი შეიძინოთ გამყიდველისგან რომლის შეფასებების 95%-ზე მეტი დადებითია და გაყიდული აქვს 100-ზე მეტი ნივთი.

რა მოხდება იმ შემთხვევაში თუ ნივთი დაიკარგა ან დაზიანებული ჩამოვიდა?

შეკვეთის განხორციელების შემდეგ ნივთის ფასი და ამერიკაში ტრანსპორტირების ღირებულება ავტომატურად გადაერიცხება გამყიდველს.გამყიდველი ვალდებულია ნივთი მიაწოდოს აშშ-ში ჩვენს საწყობს, იმ აღწერილობით, ფორმითა და რაოდენობით, რაც მას ჰქონდა მითითებული ვებ-გვერდზე. ამანათის საწყობში მიწოდებაზე პასუხისმგებლობა ეკისრება გამყიდველს.

თუ ნივთი არ მიეწოდა საწყობს, საიტზე მითითებულ დროში (ა.შ.შ-ის საწყობში ტვირთის მიწოდების დროში), გადაცილებული დროიდან 10 დღის განმავლობაში მომხმარებელი უნდა დაგვიკავშირდეს და გვაცნობოს ამის შესახებ წერილობით ვებ-გვერდზე. ჩვენ მივწერთ ebay.com-ზე გამყიდველს ამ პრობლემის შესახებ. ამ შემთხვევაში გამყიდველი 5 დღის განმავლობაში მიიღებს გადაწყვეტილებას, ნივთის ახლიდან გამოგზავნის ან ფულის დაბრუნების შესახებ. თუ გამყიველი არ უპასუხებს მოთხოვნას ფულის დაბრუნების ან თავიდან გამოგზავნის შესახებ, ამ შემთხვევაში ebay.com ადმინისტრაცია ჩაერთვება განხილვაში და საჭიროების შემთხვევაში დააბრუნებს ფულს შემკვეთის ანგარიშზე.

თუ ნივთი გამოიგზავნება და საქართველოში ჩამოვა დაზიანებული ან აღწერისგან განსხვავებული, მომხმარებელი ვალდებულია წერილობითი ფორმით დაგვიკავშირდეს ამ პრობლემის შესახებ ნივთის გატანიდან 36 საათის განმავლობაში. ჩვენ მივწერთ ebay.com -ზე გამყიდველს აღნიშნული პრობლემის შესახებ. შესაძლებელია გამყიდველმა ნაწილობრივ აანაზღაუროს მიყენებული ზიანი, ან მოითხოვოს ნივთის დაბრუნება ანაზღაურების მიზნით.თანხის დაბრუნების შემთხვევაში, ვებ-გვერდის ბალანსზე აისახება დაბრუნებული თანხა ლარში.

დაწვრილებით იხილეთ მოხმარების წესებში (3.8-3.15)

ვერ იპოვეთ პასუხი ?