მონოპოლი ძალიან პოპულარული თამაშია, დიდი ალბათობით, შენც გითამაშია, შეიძლება იმას ფიქრობ, რომ ძალიან კარგად თამაშობ, მაგრამ მინდა გითხრა, შენ ჯერ კიდევ არ იცი, რამდენიმე ხრიკის და პრინციპის შესახებ, რაც მონოპოლის ნამდვილ ჩემპიონად გაქცევს. ალბათ, ცდილობ, მალევე აითვისო ტერიტორიები, ბიზნესები, დადგა სახლები და სასტუმროები, მიუხედავად ამ ყველაფრისა, შენ ზოგჯერ მაინც აგებ. რას ვაკეთებთ არასწორად?  რა უნდა გავაკეთოთ იმისათვის, რომ დავამარცხოთ ჩვენი მოწინააღმდეგე? 

მონოპოლში არ არის მთავარი გამართლება, ის ეფუძნება ლოგიკური გათვლების წყებას, რომლის შესახებაც არაერთი წიგნი დაწერილა, მათ შორის კრეიგ ვეიზისა და კენ კოურის ავტორობით, რომლებიც მონოპოლის ჩემპიონანტის გამარჯვებულები არიან და როგორი გასაკვირიც არ უნდა იყოს, ამასთანავე წარმატებული ბიზნესმენებიც. ჩემი ბლოგის საშუალებით მაქსიმალურად ლაკონიურად და მარტივად მოგიყვებით მათ შინაარს და გაგანდობთ რამდენიმე ხრიკს.

რაც შეეხება უშუალოდ სტრატეგიებს:

1. არასდროს იყო ბანკირი. 

ბანკირად ყოფნას ნულოვანი სარგებელი მოაქვს. რეალურად სანამ თქვენ აწარმოებთ სხვა მოთამაშეების ყიდვა-გაყიდვის საქმეებს, კარგავთ დროს და შანსს, დაალაგოთ თქვენი პრიორიტეტები და აწარმოოთ საკუთარი ბიზნესი.

2. ითამაშეთ ყველაზე პატარა სიმბოლოთი.

ფაქტია, რომ არავის უნდა იყოს რკინა და ასე შემდეგ. ალბათ, გირჩევნიათ რამე ლამაზი, ძლიერი და დიდი აირჩიოთ, მაგრამ რეალურად ეს თქვენ არ დაგეხმარებათ.  გასათვალისწინებელია, რომ რკინა ყველაზე პატარა სიმბოლოა და, შესაბამისად, ნაკლებად სავარაუდოა, რომ შეამჩნიონ თქვენი მოწინააღმდეგის საკუთრებაში. შეიძლება გაგიმართლოთ და ჯარიმა/ქირის გარეშე გამოძვრეთ, ასეთი შანსი არ უნდა გაუშვათ.

 3. იყიდეთ ყველა ტერიტორია, სადაც კი მოხვდებით.

დიახ, ეს უნდა გააკეთოთ, მაშინაც კი თუ თქვენ ამისთვის სხვა ქონების დაგირავება დაგჭირდებათ. რაც შეიძლება მეტი ქონების დაგროვება, საშუალებას გაძლევთ, აითვისოთ და გააკონტროლოთ პოტენციური მონოპოლიები და აწარმოოთ ვაჭრობა. არამიმზიდველი ქონება არ არსებობს, თავდაპირველად, სადაც მოხვდებით, ყველაფერი უნდა შეისყიდოთ.

 4. მეოთხე რკინიგზა ძალიან ძლიერია!

კოური ამ აზრს არ იზიარებს, თუმცა კრეიგ ვეი ფიქრობს, რომ მხოლოდ რკინიგზების ათვისებითაც კი შეგიძლიათ გაიმარჯვოთ. თუ ოთხივე გყავთ, ეს არის 200 დოლარი, როდესაც ვინმე მოხვდება ერთზე. ასე რომ, ან ყველაფერი გააკეთე, რომ ოთხივე მიიღო, ან შეუშალე ხელი სხვას და აითვისე მოხვედრისთანავე, რომ უკანასკნელი მაინც არ მიიღოს. ამით შენ 100 დოლარს დაზოგავ ყოველ ჯერზე.

 5. ყვითლები და წითლები კარგია, მაგრამ სტაფილოსფერები საუკეთესოა.

კენ კოური გვეუბნება, რომ სტაფილოსფერზე უფრო ხშირად ხვდებიან, ვიდრე სხვა დანარჩენზე და ამას აქვს  მიზეზები: 1) ციხეში მოხვედრის შანსი ყველაზე დიდია, რადგან ბევრი გზა არსებობს ამისათვის. ციხე კი ერთი ნაბიჯით გაშორებთ სტაფილოსფერისაგან. 2) The “Advance to St. Charles Place” ეს კარტი სტაფილოსფერ ადგილთან ახლოს გაგზავნით, ამ შემთხვევაში კი იქ მოხვედრის შანსიც იზრდება.

ასევე სტატისტიკურად ჯობია სტაფილოსფერები, რადგან თქვენ $ 1,500 ჩადებთ, რომ მიიღოთ მაქსიმალური ქირა 1000 $, განსხვავებით მწვანეთაგან, სადაც თქვენ აპირებთ 3,000 დოლარის ინვესტიციას და მიიღებთ მხოლოდ $ 1200 მაქსიმუმს.

 6. დაიცავი შენი საკუთრება.

მონოპოლის თამაშში, ისევე როგორც ცხოვრებაში, უსაფრთხოების საიდუმლო ფულის გიგანტური პაკეტია. ააშენეთ სახლები სხვა ტერიტორიების გაგირავების ხარჯზეც კი.

7. ციხე არც ისე ცუდია.

თამაშსი გახურების შემდეგ, სჯობს თუ არ ეცდებით, ციხიდან თავის დახსნას. თქვენ შეგიძლიათ იქ იჯდეთ და თავიდან აიცილოთ ქირის/ჯარიმის გადახდა, სანამ ყველა სხვა მონაწილე იწყებს ნერვიულობას. ნელ-ნელა მატულობს დაძაბულობა, ტირილი, კბილების ღრჭენა და შესაძლოა, ნივთების სროლაც კი, თქვენ ამ დროს ყველანაირ უფლება და ვალდებულება გამოცლილი ციხეში ისვენებთ.

8. თუ თქვენს საკუთრებაზე მოხვდნენ, მიიღეთ მხოლოდ ქეში.

იყო დრო, როდესაც ხდებოდა ტერიტორიების გაცვლები და ასე შემდეგ, მაგრამ ეს დრო მორჩა. მოითხოვეთ ქეში, ამ დროს კი თქვენ დააკვირდებით, როგორ მოიმატებს დაძაბულობა. დაიწყება ვაჭრობა, გაცვლები და იმაზე მეტად დაზარალდება თქვენი მოწინააღმდეგე, ვიდრე გაცვლის შემთხვევაში.

9. არ დაიწყო ფულის შეგროვება

რეალური ცხოვრებისგან განსხვავებით, მონოპოლის ბანკირი დაგროვილ თანხაზე სარგებელს არ დაგირიცხავთ. ნუ დაიწყებთ თანხის მოგროვებას, პირიქით, მაქსიმალურად გამოიყენეთ ინვესტიციისთვის და დაიტოვეთ მხოლოდ მინიმალური კაპიტალი.

10. წყლისა და ელექტროენერგიის კომპანიები.

სხვა ქონებისგან განსხვავებით, მათ ვერ განავითარებ, შესაბამისად არ არის სარგებლის მომტანი ინვესტიცია. იგივე არგუმენტი ზოგს რკინიგზასთან დაკავშირებითაც მოჰყავს, მაგრამ აქ პოზიციები ორ ნაწილად იყოფა. 

თქვენ ჯერ კიდევ არ გაქვთ მონოპოლის სამაგიდო თამაში? ალბათ ხვდებით, რომ ის აუცილებლად უნდა შეიძინოთ თუ თქვენ გიყვართ ლოგიკური და სტრატეგიული თამაშები.

კლასიკური მონოპოლი 

მონოპოლი STAR WARS-ის თემატიკით

 მონოპოლი Game of Thrones-ის თემატიკით

 მონოპოლი Fortnite-ის თემატიკით

 ჯერჯერობით სულ ეს იყო, იმედია, ჩემი რჩევები გამოგადგებათ