მიკროფონი ჩვენი კომპიუტერის კომპლექტაციის ერთ-ერთი უმნიშვნელოვანესი ნაწილია, იქნება ეს ონლაინ ჩართვები, გეიმინგი, რექორდინგი თუ სხვა. კარგი ხარისხის ხმა ონლაინ სივრცეში საკმაოდ მნიშვნელოვანი ასპექტია ჯანსაღი კომუნიკაციისთვის, ვინაიდან ყველა ადამიანს არ სჭირდება არაბიუჯეტური პრემიუმ კლასის ხარისხის მიკროფონები, მინდა შემოგთავაზოთ ბიუჯეტური ერთეულები, რომლებიც ფასის მიუხედავად თქვენს მოთხოვნილებებს მაინც მაქსიმალურად დააკმაყოფილებენ და მოგაწვდიან ძალიან კარგი ხარისხის ხმას. მაშ ასე წარმოგიდგენთ ჩემ მიერ არჩეულ ვარიანტებს:

1. Soonhua 3 

 ამ მიკროფონს საკმაოდ მინიმალისტური დიზაინი აქვს, მისი ზომაც საკმაოდ მომცროა და თქვენს მაგიდაზე დიდ ადგილს არ დაიკავებს, მისი წითელი ფილტრი მას განსხვავებულ იერს აძლევს. ჩემი აზრით, სტრიმებზე გამოკვეთილი ფერის მიკროფონები საკმაოდ კარგი შესახედია. მას აქვს ორად გაყოფილი მიკროფონისა და ყურსასმენების პორტი, რაც შეიძლება ზოგიერთი თქვენთაგანისთვის ძველმოდური იყოს, მაგრამ მსგავსი ტექნიკა დღესაც გამოყენებადი და გამოსადეგია. მისი კარკასი ისეა აგებული რომ მისი პოზიციის დარეგულირება ძალიან მარტივია, ეს უკანასკნელი ჩემი ვარიანტებიდან ყველაზე ბიუჯეტური მიკროფონია, რომელიც მსგავსი ხარისხივს ხმას მოგაწვდით. 

2. FIFINE PNP

მინდა გითხრათ, რომ ეს კომპანია ფასთან შედარებით საკმაოდ კარგი ხარისხის პროდუქციას ქმნის, FIFINE PNP-ის არ სჭირდება არანაირი პროგრამის ინსტალაცია, იგი თავსებადია ვინდოუსთან და მაკთან. მაქსიმალურად ახდენს გარე ხმის ბლოკირებას, ანუ თქვენ შეგიძლიათ თქვენი საქმიანობისთვის სუფთა ჰაერზე მოთავსთედ, ვინაიდან ის ქარის ხმაურსაც იდეალურად აუვნებელყოფს. მისი გლუვი და "ბრტყელი" სიხშირე (50 ჰერციდან 16000 ჰერცამდე) ხდის მას იდეალურს სიმღერისთვის, სიტყვით გამოსვლისთვის და პოდკასტებისთვის. მისი ხმის ხარისხი ასევე გაძლევთ საშუალებას თავისუფლად იმოქმედოთ დისკორდში, სკაიპზე, იუთუბზე, ასევე თავისუფლად ისარგებლებთ გუგლის ხმის საძიებო სისტემებით. მისი ასეთი ფართო სიხშირე, მაღალი მგრძნობელობა და მკაფიო ხმოვანება გაწვდით თქვენ უმაღლესი ხარისხის ჟღერადობას. 

3. FIFINE Metal

ეს გახლავთ საკმაოდ მაღალი ხარისხის პოდკასტ მიკროფონი, თავსებადია მაკთან და ვინდოუსთან (ასევე VISTA და XP-თან), წინამორბედებთან შედარებით მას ფიზიკურად გააჩნია ხმის მარეგულირებელი, ანუ თქვენი ხმის რეგულაცია პირდაპირ მიკროფონის კორპუსიდან შეგიძლიათ და არანაირ პროგრამაში არ მოითხოვს შესვლას, რაც გარკვეულწილად მიკროფონის გამოყენებას უფრო კომფორტულს ხდის. მას გააჩნია მძლავრი მეტალის კორპუსი, რომელიც დგას ასევე მეტალის ტრიპოდზე, შესაბამისად მიკროფონი ძალიან მყარია და ფიზიკურად პრემიუმ კლასის მიკროფონის შთაბეჭდილებას ტოვებს, მოგეხსენებათ მსგავსი სიმყარე პროდუქტში ხარისხთან ასოცირდება. ამ მიკროფონს ასევე ორიგინალურს ხდის მისი კორპუსის ვარდისფერი შეფერილობა, მსგავსი მოხდელი დიზაინით შეგიძლიათ ის ორიგინალურად შეუთავსოთ თქვენს სეტს. 

4. AMAZON BASIC MINI

მინი დესკტოპ მიკროფონი, რომელსაც აქვს unidirectional pick-up pattern-ი, რაც ნიშნავს, რომ იგი ხმას იღებს უშუალოდ ერთი წერტილიდან რა მიმართლებითაც არის მიშვერილი. ეს მოწყობილობა გამოადგებათ სტრიმერებს, რომელთა ოთახსაც თხელი კედლები აქვთ და მათ ოთახში ხმაური შემოდის, ასევე თუ იქვე პატარა ბავშვები ქმნიან ჟრიამულს, Mute ღილაკი მიკროფონის კორპუსზე დაუყონებლივ გაძლევთ საშუალებას, გათიშოთ თქვენი ხმა თუ თქვენ რაიმე სერიოზულ შეხვედრაზე ბრძანდებით. მიკროფონი გამოსადეგია იუთუბზე, ტვიჩზე, Facetime-ზე და ა.შ. მიკროფონი თავსებადია Windows 7, 8, 8.1, 10, Vista და XP-თან; Mac OS-თან და Linux-თან. მას არ სჭირდება არანაირი ცალკე პროგრამის და დრაივერების გადმოწერა, შეძენისთანავე, მას შემდეგ რაც თქვენ სახლში მიიღებთ ამ მიკროფონს ის უკვე მზადაა გამოყენებისთვის. 

5. Blue SNOWBALL

 მოცემული პროდუქტი წინა განხილულებთან შედარებით უფრო ხარისხიანია და ფასიც შესაბამისად უფრო მაღალი აქვს, მაგრამ ფასის ხარისხთან შეფარდებით იგი მაინც ბიუჯეტურ მიკროფონებში განვათავსე, ვინაიდან მქონია გამოცდილება და ეს უკანასკნელი ძალიან სასარგებლო მიკროფონია ხმის ჩაწერისთვის, სტრიმისთვის და ონლაინ შეხვედრებისთვის. ხმა არის მაქსიმალურად სუფთა და გარე არასასურველი ხმები მაქსიმალურად დაბლოკილია, თითქმის არ გააჩნია Hiss ხმები, რაც დამხასიათებელია ბევრი მიკროფონისთვის. თავსებადია Mac-ზე და PC-ზე, აქვს 2.0 USB, მაგრამ თავსებადია ასევე USB 3.0-თან. მგრძნობელობის სიხშირე: 40 –18 kHz. 

6.  ENVEL

ამ შემთხვევაში მინდა რჩევა კონკრეტულად გეიმერებს მივცე. ENVEL-ის ჰედსეტი, რომელიც ცხადია ყურსასმენსაც და მიკროფონსაც გაწვდით ძალიან კარგი არჩევანია გეიმერებისთვის, ვისაც ფულის დაზოგვა სურს. ამ ჰედსეტის დიზაინი მას უფრო პრემიუმ კლასის ჰედსეტად აქცევს, მის ლურჯ ლედ განათებებთან ერთად. ყურსასმენს გააჩნია ხმისა და მიკროფონის კონტროლერი კაბელზევე. მისი კაბელები დაყოფილია ორად, ცალკე მიკროფონის კაბელი და ცალკე ყურსასმენის, გააჩნია ძალიან რბილი ყურის ბალიშები. თავსებადია XBOX one,XBOX 360, PS4 და სმარტფონებთან. 

7. TRUST GTX 215

ეს ვარიანტი ასევე განიხილება გეიმერებისთვის, ძალიან იაფი და ძალიან დამაკმაყოფილებელი ხარისხის მქონე მიკროფონი. მისი წითელი მინიმალისტური ლედ განათება მას ხდის ძალიან დახვეწილს გეიმერულ სამყაროსთან თავსებადს. მთავარ სადგამთან მიკროფონს აკავშირებს ელასტიური ძელი, ამიტომ შეგიძლიათ მას ნებისმიერი ფორმა მისცეთ და მოათავსოთ თქვენთვის კომფორტულ მდგომარეობაში. იგი მაქსიმალურად ზღუდავს კლავიატურის და მაუსის ხმებს, ასევე ქეისიდან ქულერების ხმას. კორპუსის ძირში აქვს MUTE ღილაკი, კაბელის სიგრძე დაახლოებით 1.4 მეტრია. სიხშირის დიაპაზონი: 100 Hz - 10 000 Hz. თავსებადია XBOX Series X, XBOX one, Mac OS, Microsoft Windows, PS4 და რაც მთავარია PS5-თან. 

იმედია, ეს ბლოგი დაეხმარება თითოეულ თქვენგანს საუკეთესო ვარიანტის არჩევაში და პლუს ამას ბიუჯეტის დაზოგვაში, ჩემ მიერ შემოთავაზებული ვარიანტებიდან შეგიძლიათ ონლაინ თითოეულის ხმა დატესტოთ, შემდეგ შეათავსოთ მისი მონაცემები თქვენს მოთხოვნებთან და შემდგომ აუცილებლად დაბრუნდით EBG.ge-ზე რათა შეისყიდოთ თქვენი საბოლოო არჩევანი.