კოსმეტოლოგები მიიჩნევენ, რომ კანის ღრმა წმენდა აუცილებელია ნებისმიერი ადამიანისთვის. ის ბუნებრივ იერს მატებს სახეს და ასევე აშორებს ზედმეტ და ჩამჯდარ კანის ‘’ჭუჭყს’’. ეს პროცედურა საკმაოდ დიდ თანხებთან ასოცირდება და ყველა ადამიანს არ შეუძლია ხშირად მივიდეს კოსმეტოლოგთან კონსულტაციაზე და ჩაიტაროს ეს პროცედურა. ამის ალტერნატივა კი არის სახლის პირობებში ჩატარებული კანის ღრმა წმენდა, სწორედ იმ პროდუქტებით, რომლებიც ნაცადია და რომლებსაც ჩვენ ვიყენებთ. ეფექტურობის ხარისსხი კი ნამდვილად არ ჩამორჩება ძვირადღირებულ სახის კანის ღრმა წმენდის პროცედურას.

ნაბიჯი I-სახის ჯაგრისი

ზოგადად სახის ჯაგრისი აუცილებელია სახის კანის გასუფთავებისთვის, თუმცა ის არამარტო ასუფთავებს კანს, არამედ აუმჯობესებს სისხლის მიმოქცევის ფუნქციას და არის კარგი მასაჟორიც.ასევე მას გააჩნია ანტიბაქტერიული ფუნქცია და ის ასუფთავებს არამარტო კანის ზედაპირს , არამედ სიღრმისეულად ხდება მისი გაწმენდა.ჯაგრისის ზედაპირი აუცილებელი არის  რომ იყოს ძალიან ნაზი, იმისთვის, რომ არ გამოიწვიოს კანის ზედაპირის დაზიანება და გაღიზიანება , ასევე სიწითლე.ეს ჯაგრისი გამოიყენება სახის დასაბან საშუალებასთან ერთად.

ნაბიჯი II- სახის დასაბანი გელი/ქაფი

სახის დასაბანი ქაფი ან გელი ყოვედღიურად გამოსაყენებელი პროდუქტია. დილა/საღამოს რუტინის განუყოფელი ნაწილია. უმრავლესობა ფიქრობს, რომ სახის დაბანა დილას არ არის აუცილებელია, თუმცა ეს მოსაზრება მცდარია, რადგანაც მთელი ღამის განმავლობაში დაგროვილი ცხიმი აუცილებელია ჩამოიბანოს, იმისთვის,რომ არ გამოიწვიოს გამონაყარი.სახის ჯაგრისთან ერთად ეს პროდუქტი კიდე უფრო ეფქტურია და შედეგიც უფრო მალე ჩანს.

ნაბიჯი III- კანის აქერცვლა  ( სკრაბი)

იმისათვის, რომ კანს მოაშოროთ მკვდარი უჯრედები ამქერცლავი სკრაბი აუცილებელია კვირაში 2-ჯერ. ის ღრმად აღწევს კანში და აშორებს მკვდარ უჯრედებს, ის ამზადებს კანს შემდეგი ეტაპისთვის და ასევე ის არის წინაპირობა იმისა, რომ შემდგომ გამოყენებული პროდუქტები უფრო ეფექტური იქნება.

ნაბიჯი IV- ესენსია

ესენსია გამოიყენება დაბანის შემდგომ პირველადი დატენიანებისთვის, კანს სძენს სიჟანსაღეს და მოვლილ იერს, აღადგენს PH ბალანსს, რასაც კარგავს კანი დაბანის შემდგომ, ასევე ხელს უწყობს პროდუქტის უკეთ შეწოვას და ეფექტურობას.უმჯობესია ესენსია გამოყენებული იქნეს ბამბის დისკების გარეშე, ანუ ხელის გულებით, რადგანაც ბამბის დისკები დიდი რაოდენობით შეიწოვენ პროდუქტს.

ნაბიჯი V -სახის ორთქლი

ეს არის მოწყობილობა, რომელიც ეხმარება ჩვენს კანს ფორების ,,დარბილებაში’’.ფორების დარბილება კი აუცილებელია ღრმა წმენდის პირობებში იმისთვის, რომ ადვილად ამოვიდეს შავი წერტილები კანიდან და ეს პროცედურა გახადოს უფრო ეფექტური.აპარატის გამოყენების საშუალო დრო არის 5-7 წუთი.

ნაბიჯი VI- შავი წერტილებისთვის განკუთვნილი ნიღაბი

ხშირ შემთხვევაში ამ ნიღაბს იყენებენ ცხვირის მიდამოსთვის, თუმცა ინდივიდუალურია ყველაფერი და ვისაც სხვა ზონა აქვს პრობლემური შავი წერტილების მხრივ მას შეუძლია იმ ზონაზე გაიჩეროს დაახლოებით 10-15 წუთი,წუთების რაოდენობა დამოკიდებულია ადამიანის კანის ტიპზე, ვისაც ალერგიულობისკენ აქვს მიდრეკილი კანი მაშინ ისინი უფრო ნაკლები დროით გაიჩერებენ, თუმცა ვისაც არ აქვს მსგავსი გამოხატული პრობლემა მათ შეუძლიათ ეს ნიღაბი გამოიყენონ 15 წუთის განმავლობაში.

ნაბიჯი VII - თიხის დამამშვიდებელი ნიღაბი

ის სიწითლე რაც კანზე იქნება წინა პროცედურების შემდგომ აუცილებელია რაიმე საშუალებით მათი ,, ჩახშობა’’ , სწორედ ამისთვის ხშირ შემთხვევაში იყენებენ თიხის ნიღბებს , ის ხელს უწყობს,, ნაწვალები’’ კანის დამშვიდებას. საჭირო პროცედურაა სახის კანის პირველადი იერსახის დასაბრუნებლად.

ნაბიჯი VIII-ნაჭრის ნიღაბი

თიხის ნიღბის შემდგომ ხშირია სახის კანის გამოშრობა, ამიტომ შემდგომი პროცედურა აუცილებლად უნდა იყოს ღრმა დატენიანება, რისთვისაც სახლის პირობებში საუკეთესო საშუალებაა ნაჭრის ნიღბები. ამ ნიღბის გაჩერების დრო არის 10-15 წუთი, ესეც დამოკიდებულია კანის ალერგიულობაზე. ნიღბის მოხსნის შემდგომ დარჩენილი მასა კარგად უნდა გადანაწილდეს სახეზე და დარჩენილი მასა ასევე ყელის და კისრის არეზეც.

ნაბიჯი IX-შრატი

საუკეთესოა ღრმა დატენიანებისთვის, რადგან ,, ნაწვალები’’ და ,, გამომშრალი’’ კანი დაუბრუნოს პირვანდელ მდგომარეობას.

ნაბიჯი X-დამატენიანებელი

სახის ღრმა წმენდის ყველა აუცილებელი და ბოლო ნაბიჯი ეს არის დატენიანება, შრატისა და ნაჭრის ნიღბის შემდგომ საბოლოო სახის დატენიანებისთვის საჭიროა დამატენიანებელი საცხი. სწორედ ამ ნაბიჯით დასრულდება სახლის პირობებში ჩატარებული კანის ღრმა წმენდა.

სულ ეს იყო ჩემი პირველი ბლოგი, იმედი მაქვს მოგეწონათ და ბევრისთვის საინტერესო  იყო, ამასთანავე ბევრი გამოიყენებთ ამ რჩევებს იდეალური კანისთვის. მადლობა.