სოფელი, დამწვარი შეშის სუნი, ფეჩიდან გამომავალი სითბო, ხალიჩა, მეგობრები და მონოპოლი. ეს სიტუაცია ხომ არ გეცნობათ? ჩემთვის, ალბათ, ერთ-ერთი ყველაზე ტკბილი მოგონებაა სოფლისა და ბავშვობის დღიურებიდან. მაშინ, როდესაც ტექნიკა ძალიან ცოტა ოჯახში იყო, ჩვენ თავს სამაგიდო თამაშებით ვირთობდით. თუმცა შემდეგ, სამწუხაროდ, მივივიწყეთ ეს ტრადიცია. თუ თქვენც ჩემსავით ფიქრობთ,რომ სამაგიდო თამაშები დასავიწყებელი არაა, მაშინ ჩემი ბლოგი სწორედ თქვენთვისაა.

არ იცი რა ითამაშო? მაშინ გააგრძელე ბლოგის კითხვა და აუცილებლად იპოვი შენს გემოვნებაზე მორგებულ თამაშს. მაშ ასე, დავიწყოთ.

1. შაში, სნეიკი, ჭადრაკი და ლუდო - ოთხი თამაში ერთ ყუთში

შაშიც, სნეიკიც, ჭადრაკიც და ლუდოც - ოთხივე თამაში, გარდა იმისა, რომ გასართობი, ამავდროულად შემეცნებითიცაა.

* ამათგან შაში ერთ-ერთი უძველესი თამაშია, რომლის გამოგონების ისტორიასაც უკან, ანტიკურ ხანაში მივყავართ. ბერძნული მითის მიხედვით შაში ღმერთების პაექრობას უკავშირდება. ჰერმესმა მთვარის ღმერთს ეს თამაში შესთავაზა და უთხრა,რომ თუ მოიგებდა მთვარის ღმერთი მას 5 დღეს აჩუქებდა. ჰერმესმა თავისი მოგონილი თამაში მარტივად მოიგო და 360 დღის ნაცვლად წელიწადში 365 დღე გაჩნდა. შაშის თამაშის წესებს, ალბათ, ჩემი ახსნა არ სჭირდება.

* სნეიკი შედარებით რთული თამაშია. აქ გველები და კიბეები მოქმედებენ. თქვენ კიბეების დახმარებით დანიშნულების ადგილს უნდა მიაღწიოთ, თუმცა ეს რთულია, რადგან სათამაშო დაფა დანომრილია, ზოგიერთ ნომერს კი გველები იკავებენ. თქვენ უნდა მოახერხოთ და ისეთი ციფრი დასვათ კამათელზე,რომ გვერდი აუაროთ მათ.

* ლუდოს მიზანია, მისი ყველა ფიგურის "სახლში" მოყვანა, მეტოქეების წინ. მაშინაც კი, თუ მტერმა უკვე მოახერხა რამდენიმე ჩიპის ჩადება სახლში, თამაშის მიმდინარეობა არაპროგნოზირებადია - სხვა მონაწილეებს კვლავ შეუძლიათ მისი დაჭერა და მისი გადალახვა.

* ჭადრაკი ერთ-ერთი უძველესი და ყველაზე პოპულარული თამაშია.

თითოეული თამაშის უფრო დეტალური აღწერა და ინსტრუქცია დატანილია დაფების შიდა მხარეს. დაფები 14x14x2 ზომისაა და იდეალურია კემპინგზე წასაღებადაც კი.

2. ჯუმანჯი

 თქვენც უყურებდით მულტფილმ ჯუმანჯის? მულტფილმის შემდეგ ჩემი ოცნება გახდა, რომ ეს თამაში შემეძინა. თუმცა, სამწუხაროდ, მაშინ ასე მარტივად სულაც არ იშოვებოდა ყველაფერი. იბიჯის საშუალებით კი თქვენ შეგიძლიათ ერთი დაწკაპუნებით გამოწეროთ ჯადოსნული ჯუმანჯი და გადაეშვათ მწვანე ჯუნგლების სამყაროში. თამაში 2-4 ადამიანისთვისაა განკუთვნილი. თამაში მოიცავს: კამათელს, ტაიმერს, სალომბარდეებს, თამაშის დაფას, სათამაშო ნაჭრებს, ინსტრუქციებს, ბარათებსა და ფიგურებს. თუ გსურთ, რომ თამაში ბევრად უფრ ეფექტური გახადოთ და მეგობრებული საღამოც გაახალისოთ, მაშინ გირჩევთ 2019 წლის ჯუმანჯის უყუროთ.

კარგ ფილმს+კარგი თამაში+მეგობრული გარემო= შესანიშნავ უიქენდს.

3. HBO-ს თამაში, სამეფო კარის თამაშები, „ზამთარი მოდის“

„სამეფო კარის თამაშები“ ყველა დროის ერთ-ერთი ყველაზე გახმაურებული და პოპულარული სერილია. და რას იტყვით თუ ჩვენ სერიალის მოტივებზე დაფუძნებულ თამაშს შემოგთავაზებთ? დიადი სტარკების სიტყვები „ზამთარი მოდის“ HBO-მ თამაშად აქცია. შენც გული გწყდება სერიალის დასრულებაზე? მას უკვე მესამედ უყურებ? მაშინ დროა ცოტა ხანს გამორთო შენი მოწყობილობა და თამაშს შემოერთდე.  თამაში 2 ადამიანზეა გათვლილი და, რა თქმა უნდა, მოყვება ინსტრუქციაც.

4. შესანიშნავი ათეული

შესანიშნავი შვიდეული ხომ გაგიგიათ? და ათეულზე რას იტყვით? ეს სამაგიდო თამაში ნამდვილად ძალიან გაგამხიარულებთ და დაგაფიქრებთ კიდეც. თამაში განკუთვნილია 2-6 მოთამაშისათვის. ამ ერთი შეხედვით პატარა ყუთში კი თქვენ აღმოაჩენთ:

• • 50 კითხვის ზოლს, 2 საყრდენს
  • 2 ჩარჩოს, 1 მაგნიტურ სათამაშო დაფას
  • 1 ქულის მინიჭების პლატფორმას
  • 1 შეკითხვის პლასტიკურ დამჭერს
  • 2 პლასტმასის საცობს
  • 2 მოძრავი ღეროს
  • 20 ყვითელი საგოლე მაგნიტს
  • 60 ცისფერ მაგნიტს, 60 თეთრი ფერის მაგნიტს, 60 მეწამული ფერის მაგნიტს, 60 მწვანე ფერის მაგნიტს
  • და  რაც მთავარია თამაშის ინსტრუქციას!

5. ლოგოს სამაგიდო თამაში

თამაში ოჯახურ შეკრებებს მოუხდება, რადგან განკუთვნილია როგორც პატარებისთვის, ასევე ზრდასრულებისთვის. თამაში ინგლისური ენის გაუმჯობესებაშიც დაგეხმარებათ. თამაშში ბევრი ცნობილი ბრენდია მოქცეული. თამაშს მოყვება 1 სათამაშო დაფა,240 ბარათი, 4 მოთამაშის ფიგურა და ინსტრუქცია.თუმცა სხვადასხვა ფიგურების დახმარებით თქვენ შეგიძლიათ გაზარდოთ მოთამაშეთა რიცხვი.

დღეისათვის სულ ეს იყო,თუ ვერ მოიფიქრე რა ითამაშო გადახედე ბლოგს და ერთად გადავწყვიტოთ!