ალბათ,  ბევრჯერ გიოცნებიათ, გქონოდათ კარგად და ლამაზად ორგანიზებული ვიდეო-სათამაშო ოთახი, მინდა გითხრათ, რამდენადაც ორიგინალური შეიძლება იყოს თქვენი ოთახი, იმდენადვე რთულია იმ ნივთების არჩევა, რომელიც გაალამაზებს თქვენს ოთახს. თუ თქვენ ჯერ არ ჩამოყალიბებულხართ, როგორ სტილში გსურთ ოთახის მორთვა, ამ ბლოგში მე წარმოგიდგენთ 8 ნივთს, რომელიც თქვენს ოთახს ნამდვილად ორიგინალურს გახდის. ცხადია, თითოეული მათგანის შეძენა თქვენ Ebg-ზე შეგიძლიათ. 

 1. RGB განათება

RGB (Red, Green, Blue) არის აბრევიატურა სამი ფერისა, რომელიც საბოლოოდ 16 მილიონამდე ფერთა გამას ქმნის, ხშირ შემთხვევაში ეს განათებები დისტანციურად მართვადია, ამიტომ თქვენ ნებისმიერ დროს შეგიძლიათ შეცვალოთ ოთახის განათება სასურველ ფერზე. ეს განათებები ისე ალამაზებს ოთახებს, რომ თავს ნამდვილად გაგრძნობინეთ მზარდი ციფრული სამყაროს ნაწილად. გირჩევთ განსაკუთრებით ოთახის კუთხეები, ასევე ტელევიზორის ან მონიტორების უკანა მხაარები გაანათოთ, რაც ოთახის კედლებს განსაკუთრებულ იერს მისცემს.

2. Night light Projector 

თუ თქვენ თქვენს Gaming Room-ში ტელევიზორის კომპლექტიც გაქვთ და ერთ საღამოს საინტერესო სამეცნიერო ფანტასტიკის ყურება გადაწყვიტეთ, ჩემი რჩევაა, აუცილებლად იქონიოთ ღამის პროექტორი. მისი გამოყენება საკმაოდ მარტივია, თქვენ უბრალოდ ოთახის ღია ნაწილში უნდა მოათავსოთ იგი რათა ოთხივე კედლისა და ჭერის პროექტირება მოახდინოს, ეს თქვენს საღამოს უფრო ფანტასტიკურსა და მყუდროს გახდის და ფილმიც ორმაგ სიამოვნებას მოგანიჭებთ. 

3. Mini Beverage Fridge 

ადამიანი არის კომფორტის მოყვარული არსება, თუ თქვენ Gaming სამყაროში სერიოზული გეგმები გაქვთ, ოთახიც ყველაფრით უნდა გქონდეთ უზრუნველყოფილი. ხშირად ვიდეო-თამაშები ან/და ფილმები ძალიან დაძაბულია ან ჩახლართული და ისინი გონებისგან დიდ ყურადღებასა და ძალისხმევას ითხოვენ, გონების განტვირთვისთვის და მთლიანად სხეულის გაგრილებისთვის იდეალური საშუალებაა ცივი სასმელის მიღება, რომელიც მინი მაცივრების წყალობით შეგიძლიათ თქვენსავე სათამაშო ოთახში გქონდეთ, ისე რომ საერთოდ არ წაგართმევთ დიდ სივრცეს.

4. Hexagon Lights

2020 წლიდან გეიმერებში სამკაოდ ტრენდული გახდა ექვსკუთხედა კედლის სანათები, თქვენ შეგიძლიათ თქვენი კომპიუერის კომპლექტი კიდევ უფრო გაალამაზოთ ამ ნათების მის უკან კედელზე დამაგრებით, თუ თქვენ ბრძანდებით იუთუბ სტრიმერი და თქვენს აუდიტორიას კარგი კონტენტის გარდა გინდათ ლამაზი დეკორაცია შესთავაზოთ, შეგიძლიათ ეს ნათებები თქვენს უკანა კედელზე გააკრათ, მისცეთ სასურველი მომხიბვლელი და კრეატიული ფორმა.

5. Wall Stickers

მოგეხსენებათ სტიკერი ნებისმიერი დეკორაციული ასპექტის გამორჩეული წევრია, კედლის სტიკერის საშუალებით თქვენ შეგიძლიათ ხაზი გაუსვათ თქვენ საყვარელ საქმიანობას, საყვარელ თამაშს, საყვარელ კინოგმირს ან საყვარელ კომიქსების გმირს. ოთახის გალამაზებასთან ერთად თქვენ კედელზე მიიღებთ საყვარელი თამაშის ან სუპერგმირის გამოსახულებას, რომელიც მუდამ თქვენთან იქნება. ჩემი რჩევაა, კედელზე გააკრათ თქვენი აიდოლის სტიკერი, ვინაიდან ყოველი მისი დანახვა თქვენ შეგახსენებთ თქვენს მიზნებს და აღგიმაღლებთ მოტივაციას.

6. Z-Shaped Gaming Desk

მაგიდა სათამაშო კომპლექტის ერთ-ერთი მთავარი ელემენტია. სათამაშო ოთახებში ხშირად განსაკუთრებული იერი ექსტრაორდინალურ და "უხეშ" ფორმებს აქვთ, თქვენი კომპლექტის ფორმა უნდა იყოს განსხვავებული ჩვეულებრივი ყოველდღიური ინვენტარებისგან, თუ რა თქმა უნდა თქვენ მინიმალიზმის მოყვარული არ ბრძანდებით. ერთ-ერთი გავრცელებული და საკმაოდ მშვენიერი შესახედაობისაა Z-ფორმის გეიმინგ მაგიდები, რომელიც გამოსაყენებლად ძალიან კომფორტულია და საშუალებას იძლევა მონიტორის და სხვა ნათებები თქვენი თვალებისგან უსაფრთხო მანძილზე იყოს. 

7. Action Figures

ფენტეზით გატაცებული ხალხისთვის განსაკუთრებული შემოთავაზება მექნება. თქვენ შეგიძლიათ თქვენი ოთახის თაროები ან კედლები მორთოთ ექშენ ფიგურებით, რომლებზეც მთავარი რჩევა იქნება რომ ისინი საკუთარ შეფუთვაში დავტოვოთ, ვინაიდან მათი კარგი მდგომარეობა მათ ღირებულებას ყოველდღიურად ზრდის. განსაკუთრებული შესახედაობა აქვს ამ ფიგურების კედელზე ჩამოკიდება, ამით თქვენ ნამდვილ კოლექციონერად იგრძნობთ თავს და გესიამოვნებათ თქვენს ოთახში ყოფნა და დიზაინით ტკბობა. Star Wars-ის გულშემატკივრებს მინდა გირჩიოდ პირველ რიგში Baby Yoda-ს ფიგურის ყურება, ვინაიდან იგი საკმაოდ დეფიციტურია და თან იოდაც საკმაოდ საყვარელი არსებაა. 

8. LightSaber

ბოლოს კი მინდა სინათლის ხმალი შემოგთავაზოთ, მიუხედავად იმისა მოგწონთ თუ არა Star Wars-ი სინათლის ხმალი თავისი ნეონის შუქებით ძალიან კარგ იერს მისცემს თქვენი ოთახის კედლებს. LightSaber-ის ბევრი ტიპი მალევე დეფიციტური ხდება ამიტომ შესაძლებელია თქვენ არა მხოლოდ ლამაზი დიზაინი შექმნათ, არამედ ძალიან ძვირფასი საკოლექციო ნივთები იქონიოთ საკუთრებაში. სინათლის ხმლები აუცილებლად უნდა ჩამოკიდოთ კედელზე, რათა მთელი მისი ხიბლი კარგად იქნეს შესამჩნევი, ჩემი პირადი რჩევაა ისინი X ფორმის სახით მოათავსოთ კედელზე, ვინაიდან ეს უკანასკნელი საკმაოდ ორიგინალური შესახედაობისაა, მაგრამ ცხადია ყველაფერი თქვენს წარმოსახვაზეა დამოკიდებული. 

იმედია ეს ბლოგი დაგეხმარებათ და მოტივაციას მოგცემთ თქვენი სათამაშო ოთახი სურვილისამებრ საკუთარი გემოვნებით მორთოთ ამ ნივთებით ან ამ ნივთების კომბინაციით, დამიჯერეთ როცა თქვენი საკუთარი სივრცე თვალისთვის მომხიბვლელად გამოიყურება, ყოველი საქმე უფრო სასიამოვნო შესასრულებელია. წარმატებებს გისურვებთ !!!