რასთან ასოცირდება ყველაზე მეტად მარტის თვე? ცვალებად ამინდთან? გაზაფხულთან? სითბოსთან? მე ვიტყოდი, რომ, ალბათ, უფრო ქალებთან. მარტის თვეში, ორჯერ აღინიშნება ქალებთან დაკავშირებული დღესასწაულები. 3 მარტი - დედის დღე, ხოლო 8 მარტი - ქალთა საერთაშორისო დღე. ამ დროს ყველას სურს გაახაროს საყვარელი ადამიანი საჩუქრებით. დღევანდელ ბლოგში წარმოგიდგენთ სასაჩუქრე იდეებს, რომელიც ორივე დღეს გამოგადგებათ და მიუხედავად იმისა, რომ ყველა ადამიანის გემოვნება ინდივიდუალურია, დარწმუნებული ვარ ეს საჩუქრები გულგრილს არავის დატოვებს. 

სამკაულები და შესანახი ყუთი

წარმოგიდგენიათ რომელიმე ქალბატონი სამკაულებისა და აქსესუარების გარეშე? არ აქვს მნიშვნელობა რაოდენობას, ყველა ქალბატონს აქვს საყვარელი აქსესუარი.

საჩუქრისთვის კი ერთ-ერთი ყველაზე კარგი ვარიანტი სწორედ სამკაულები ან სამკაულების შესანახი ყუთია, რომელიც შეგიძლიათ შეარჩიოთ ზომისა და დიზაინის მიხედვით სწორედ ჩვენთან. 

 

მაკიაჟი, თავის მოვლა და მასთან დაკავშირებული ნივთები

გარდა სამკაულებისა, ასევე ქალების უმეტესობა გატაცებულია მაკიაჟით ან აქვს ისეთი ბიუთი პროდუქტები, რომელიც მაკიაჟთან და თავის მოვლასთანაა დაკავშირებული. თუ ზუსტად არ იცით, როგორ უნდა შეურჩიოთ მაკიაჟის მოყვარულ ადამიანს კონკრეტული პროდუქტი, გთავაზობთ უბრალოდ აჩუქოთ მათ ნაკრები. 

ასევე, ერთ-ერთი კარგი არჩევანი სწორედ მეიქაფ ორგანაიზერია, რომელიც არა მხოლოდ საჭირო, არამედ ერთ-ერთი ყველაზე კომფორტული ნივთია ყველასთვის. 

 

დეკორატიული ყვავილები და ვაზა

ყვავილები და მინიატურული ვაზები მნიშვნელოვნად ამდიდრებს ოთახის დეკორს, თუ თქვენი ადრესატი გატაცებულია სწორედ ზემოთ ჩამოთვლილით, მაშინ იდეალური ვარიანტი სწორედ მარადმწავნე, დეკორატიული ყვავილები და ლამაზი ვაზებია.

 

ჩარჩო სურათებისთვის

სურათები ერთ-ერთი ყველაზე კარგი საშუალებაა მოგონებების გასაცოცხლებლად. უმეტესობას უყვარს საკუთარი, საყვარელი ადამიანების ან უბრალოდ ლამაზი სურათების ჩარჩოში ჩასმა და ამ ხერხით ინტერიერის გალამაზება. თუ კი თქვენი ადრესატი გიჟდება სურათებზე, მაშინ, სურათთან ერთად შეგიძლიათ აჩუქოთ ლამაზი ჩარჩო, რომელიც ნამდვილად გაახარებს. 

 

ჩანაწერების დღიური I wrote a book about us 

არ აქვს მნიშვნელობა წერა გეხერხებათ თუ არა, საჩუქარს საყვარელ ადამიანს ჩუქნით, დედას თუ უბრალოდ მეგობარს, ჩანაწერების დღიური ყველას უზომოდ მოეწონება. დეკორატიული წიგნაკი, რომელიც გაფორმებულია სხვადასხვა ნახატით, საშუალებას გაძლევთ ჩაწეროთ თქვენი მოგონებები, ემოციები და ეს ყველაფერი გამოვიდეს წიგნის სახით. ასე, რომ ახლა თქვენ მარტივად შეგიძლიათ აწარმოოთ წიგნი და გაუზიაროთ ის თქვენთვის მნიშვნელოვან ადამიანს. 

 

წიგნის სანათი

თქვენი ადრესატი კითხვის მოყვარულია და არ იცით როგორ შეურჩიოთ ამ თემატიკასთან დაკავშირებით საჩუქარი? მაშინ წარმოგიდგენთ ერთ-ერთ ყველაზე კომფორტულ და მოსახერხებელ პროდუქტს, წიგნის სპეციალურ სანათს, რომელიც ყველა ადამიანს უზომოდ გაახარებს. მარეგულირებელი სინათლე, რომელიც არ იწვევს თვალების გადაღლას და კითხვის პროცესს კიდევ უფრო სასიამოვნოს გახდის. 

 

კამერა ფირით

იდეალური საჩუქარი მათთვის, ვისაც უყვარს ფოტოგრაფია ან უბრალოდ მოსწონს სურათების გადაღება. პოლაროიდული სურათები ინსტაქსისგან ნამდვილად იდეალური საჩუქარია ასეთი ადამიანებისთვის. რა თქმა უნდა, შეგიძლიათ შეარჩიოთ სასურველი ფერითა და მონაცემებით. 

ასევე, შეგიძლიათ, შეარჩიოთ კამერის შესანახი / დამცავი ჩანთები, რომელიც საკმაოდ მრავალფეროვანი დიზაინისაა. 

დღეისთვის კი სულ ეს იყო ჩემი ბლოგი, იმედია ცოტათი მაინც გაგიმარტივეთ საჩუქრის შერჩევის პროცესი და გამოგადგებათ იდეები.