გახადეთ თქვენი სამზარეულო მეტად კომფორტული

მოგესალმებით, დღევანდელ ჩემს ბლოგს დიასახლისებს ვუმზადებ. ჩემი აზრით, ასეთი ადამიანების გარეშე, სახლი სახლი არ არის. ასე რომ, მათი ბედნიერება სახლში გემრიელი საჭმლის ქონის წინაპირობაა. ალბათ, ყველას გვყავს სამზარეულოში მოფუსფუსე ბებია ან დედა, მაგრამ გამონაკლისებიც არსებობს და ამ  შემთხვევაში ნაკლებად გვეცოდინება, თუ რას ნიშნავს ნამდვილი დიასახლისის გაკეთებული საჭმელი; სხვის მიერ გაკეთებულს, ხომ იცით, მაინც სხვა გემო აქვს.

1. მართალია, ამბობენ, სამზარეულო ქალს უფრო უხდებაო, თუმცა ამას ნაკლებად ვეთანხმები. სამზარეულო და საერთოდ, გემრიელი კერძების დამზადება ყველას ძალიან უხდება. გემრიელი საჭმელი კი კარგი ტაფებისა და ქვაბების გარეშე წარმოუდგენელია. თქვენ  როგორი საჭმელი მოგეწონებათ - ძველ თუ ახალ "გაბრწკიალებულ" ჭურჭელში გაკეთებული?!  დარწმუნებული ვარ, ახალი ბევრად მიმზიდველია. აქედან გამომდინარე, მოგიწოდებთ, რომ თუ თქვენს სახლში დიასახლისი ტრიალებს, ან თუ თავად ხართ, ახლავე შეიძინეთ, რათა საჭმლის დამზადება ნამდვილი ზეიმი იყოს და არა მომაბეზრებელი, იძულებითი პროცესი.

2. დანისა და კარგი საჭრელი დაფის აუცილებლობას ხაზი უნდა გავუსვათ. არ აქვს მნიშვნელობა, ვინ კითხულობს ამას, ნებისმიერმა დახუჭოს თვალები და წარმოიდგინოს, რომ მისი მეუღლე დგას სამზარეულოში, ხელში საკმაოდ ცუდი დანა უჭირავს, აი, ისეთი, ხელსაც რომ ძლივს გაგჭრის, მეორე ხელით ბოსტნეული უჭირავს, რომელიც დანით დასერილ ხის დაფაზე უდევს. ამ დროს ადამიანს, ვინც ჭრის, ნერვები უფუჭდება უვარგისი დანის გამო, თქვენ კი საერთოდ არ გიჩნდებათ სურვილი, ამ დაფაზე დაჭრილი რამე მიირთვათ. მგონი, საკმაო მიზეზია, რომ გამოცვალოთ და შეიძინოთ როგორც კარგი დანების ნაკრები, ასევე - სასურველი ზომის დაფა.

3. ზემოთ ჩამოთვლილი ნივთები ნებისმიერისთვის საჭირო და აუცილებელია, ახლა კი მოგახსენებთ ნივთებზე, რომელთა ქონა ნებისმიერ ქალს (და არა მარტო) სიხარულს აჩუქებს,  დიასახლისის ბედნიერება კი სავსე მაცივარს უტოლდება. თუ მეტად ტრადიციულ ოჯახში ცხოვრობთ, და საცივის კეთება ჩვეულებრივი მოვლენაა, მაშინ ბლენდერი თქვენი ამ პროცესის განუყოფელი  ნაწილი ახლავე უნდა გახდეს. ვინც იცის, თუ რამხელა ენერგია სჭირდება საცივის გაკეთებას ბლენდერის გარეშე, ვეტყვი, რომ ბლენდერით ეს ენერგია შეგიძლიათ დაზოგოთ. მგონი ღირს, არა?! მით უმეტეს, რომ ბლენდერში ხილის ასორტის მომზადებაც შეგიძლით.

4. მართალია, ბლენდერით ხილსაც დავწურავთ და ასორტსაც მოვამზადებთ, მაგრამ წვენსაწური რომ დაწურავს, ეს მაინც სულ სხვაა. არ მეგულება ადამიანი, ვისაც ხილის წვენი არ უყვარს, სახლში ეს სასმელი ყოველ მიზეზგარეშე უნდა გქონდეთ. თუ ბავშვები გყავთ, უნდა იჩქაროთ, რადგან მათ ისე არაფერი არგებთ, როგორც ვიტამინებით სავსე, გემრიელი, სუფთა წვენი. უბრალოდ, იყიდეთ და სასწრაფოდ ამოაგდეთ რაციონიდან გაზიანი სასმელები. თუ სტუმარი გესტუმრათ,  უკეთესს რას მოუმზადებთ? ან წარმოიდგინეთ, როგორი წარმატებული დღე გექნებათ, თუ დილას ხილის წვენით დაიწყებთ.

5. შეიძლება, ხილის წვენით არა, მაგრამ ყავით დღეს აუცილებლად დაიწყებთ. ადამიანმა, ვისაც ყავა უყვარს, ზუსტად იცის მისი მომზადების წესები. ერთ-ერთი დაუწერელი კანონია, რომ ყავა ახალი დაფქული უგემრიელესია. რა თქმა უნდა, ყოველ ჯერზე ვერ დააფქვევინებთ, ამიტომ გთავაზობთ ნივთს, რომელიც ყავის მოყვარულს ცხოვრებას გაულამაზებს. თქვენი აზრით, რა ნივთზე უნდა იყოს საუბარი?! დიახ, გამოიცანით - ყავის საფქვავზე. ჯერ ნახეთ, როგორი მშვენიერია და მერე, როგორ მცირე ადგილს დაიკავებს სამზარეულოში. თქვენთან მოსული სტუმარი კი ალბათ ძალიან ბევრჯერ გესტუმრებათ ყავაზე, რადგან მისი არომატი უთუოდ ყველას მოხიბლავს.

6. ყავაზე ვსაუბრობდით და ამ ნივთვის არ გახსენება არ მეპატიება. სანამ ნივთს დავასახელებდე, გეტყვით, რომ აუცილებელი არაა, იგი სამზარეულოში გქონდეთ, არამედ უკეთესი იქნება, თქვენს სამუშაო ოთახს თუ დაიკავებს. ეს ნივთი ადამინის მსგავსია, ოღონდ მხოლოდ ყავას ამზადებს - ეს ყავის აპარატია, რომელიც საქმეში გართულს ყავას მოგართმევთ. მისი დახმარებით სამზარეულოში ყავის ირგვლივ ფუსფუსი აღარ არის საჭირო. დაელოდეთ და მანამდე იმით გაირთეთ თავი, რითიც ისურვებთ.

7. შემდეგი ნივთი ფუმფულა და პურის მოყვარულ ხალხს გაახარებს, თუმცა საქართველოში ისედაც ნაკლებად არიან ისეთი ადამიანები, ვისაც პური არ უყვართ. ამიტომ, ეს თითქმის მთელ საქაართველოს გაახარებს, განსაკუთრებით კი ადამიანებს, რომელთაც ნაყიდი პური დიდ სიამოვნებად არ მიაჩნია და სახლში გაკეთება დიდად არ ახარებს. მოკლედ, პურის საცხობზე ვსაუბრობ, რომელიც არც ისე ნელა ამზადებს გემრიელ, ფაფუკ პურს. აბა, წარმოიდგინეთ, ყავა მზადდება, პური ცხვება, თქვენ კი ხელსაც არ ანძრევთ, სავარძელში მოკალათებული საყვარელ ფილმს უყურებთ. რა არ შეუძლია, არა, ამ ახალ ტექნიკას?!

8. რომელია თქვენი საყვარელი გემრიელობა?! პიცა? ხაჭაპური? ღვეზელი? მოკლედ ჩამოთვლილთაგან, რომელიც უნდა იყოს საყვარელი საჭმელი, პროდუქტის გარდა რა დაგჭირდებათ? რა თქმა უნდა, კარგად შეწვა, იმ ტემპერატურაზე და იმდენი ხანი, რამდენიც რეცეპტშია მითითებული. სად შეგვიძლია ასე ჩვენს ნებაზე გამოვაცხოთ, თუ არა ღუმელში?! აუცილებელია ღუმლის ხარისხი, რადგან ზოგჯერ რაც უნდა კარგად გავაკეთოთ, იდეალურ შედეგს მაინც ვერ ვიღებთ, ამიტომ საჭიროა, ღუმელი გარკვეულ კრიტერიუმებს აკმაყოფილებდეს. ისიც იმ კატეგორიას მიეკუთნება, რომელსაც შეუძლია მთელ ოჯახს მყუდროება და ბედნიერება აჩუქოს. მაშ, რაღა დაგრჩენიათ, როცა ღუმელი სახლში გაქვთ, გაულამაზეთ ოჯახსაც და საკუთარ თავსაც წელიწადის ყველა დრო.

9. ტოსტერი როგორი საჭმლის ასოციაცია გიჩნდებათ სიტყვის გაგონებისას? მე მახსენდება ორი შებრაწული პური და მათ შორის მოთავსებული ყველი, რომელიც სასწაულებრივად იწელება, კიდევ პომიდორი, რომელმაც თავისი წვენით უკვე გაჟღინთა გახუხული პურები, ასევე, მაიონეზი, რომელიც ტოსტს ძალიან უხდება, და კიდევ შეგიძლიათ, უამრავი რამ დაამატოთ, გემოვნებისამებრ. დიახ, ამ სასწაულების გაკეთება შეუძლია ტოსტერს, რომელსაც სათანადო ადგილი უნდა ეკავოს ყველა სახლში. ტოსტები დილით საუზმეზე სრულებითაც საკმარისია, თან უხდება როგორც ჩაის, ისე - ყავას. ამას გარდა, შეგიძლიათ, სამსახურში წაიღოთ, ბავშვს სკოლაში გაატანოთ და ა.შ. მე მათ მინი პიცებსაც კი ვუწოდებ.

10. საკმარისი იქნება, რომ ამ ნივთის მხოლოდ სახელი დაგისახელოთ. მის აღსაწერად სიტყვები არ კმარა და ადამიანს ცოტა ხნით მაკდონალდსაც ავიწყებს - ფრის დასამზადებელ აპარატზე, ე.წ  ფრიტურნიცაზე მაქვს საუბარი. თუ აქამდე არ იცოდით, რომ ეს ნივთი არსებოს, მიხარია, ეს სიამოვნება მე თუ მოგანიჭეთ.

კიდევ, ძალიან ბევრი რამაა, რაც ნებისმიერ მზარეულს სჭიდება კიდეც და ბედნიერსაც გახდის, თუმცა დღეს მხოლოდ ამ ათზე შევრჩერდები. ჩემი ბლოგი, იმედია, დიასახლისებსაც გაახარებს და მათ ირგვლივ მოტრიალე ხალხსაც. ასევე, შეიძლება, ეს ბლოგი სასარგებლო იყოს მათთვისაც, ვისაც საჩუქრის შერჩევა უნდოდა დიასახლისისთვის.