ბლოგი მათთვის, ვისაც გამორჩეული ნაძვის ხე უნდა

ნაძვის ხე სადღესასწაულო სეზონის ყველაზე მნიშვნელოვანი და ცენტრალური ნაწილია, ამიტომ ბევრი ჩვენგანისთვის მნიშვნელოვანია მისი სრულყოფილება. გვინდა, მისი ყველა ორნამენტი თუ განათება ერთმანეთთან იდეალურად იყოს კოორდინირებული და შეხამებული, თუმცა სურვილის აღსრულება რეალობაში მარტივი არ არის. თუ ჩემი ბლოგის სათაურმა დაგაინტერესათ და ახლა ამას კითხულობთ, ეს ნიშნავს, რომ პერფექციონისტი ხართ და გინდათ, წელს თქვენი ნაძვის ხე ყველა სხვისგან გამოირჩეოდეს.

ასეთ შეთხვევაში, სწორ ადგილას მოხვდით!

მაშ ასე, გადავიდეთ პირდაპირ სასარგებლო რჩევებზე.

სანამ ნაძვის ხის მორთვას დავიწყებდეთ:

• ნაძვის ხის არჩევა პირველი და ყველაზე მნიშვნელოვანი გადაწყვეტილება იქნება. ყურადღება მიაქციეთ ტოტების სიხშირეს, რადგან რაც უფრო ხშირი და ერთმანეთზე მიჯრილია ტოტები, მით უფრო ლამაზი და მოხერხებულია დეკორაციისთვის. აგრეთვე, თუ ყოველ წელს არ გეგმავთ ნაძვის ხის შეცვლას, გირჩევთ, კლასიკური სტილის მოდელი შეარჩიოთ და არა ისეთი ინოვაციური, რაც შეიძლება შემდეგ წელს აღარ იყოს ტენდენციური. სადა, მწვანე ნაძვის ხე სუფთა ტილოს გავს, რომელიც საშუალებას გვაძლევს, ფანტაზიას მივცეთ სრული გასაქანი და მოვრთოთ ხე ბევრი სხვადასხვა ვარიაციით;

• ნაძვის ხის მორთვა ყველა ოჯახში სიხარულთან არის დაკავშირებული, ამისთვის წინასწარ საგანგებოდ ემზადებიან და საგანგებოდ არჩევენ დროს როცა ყველა სახლში, მაგრამ არის მომენტები როცა ხელს გვიშლიან და დეკორაციის გამო კამათიც კი მოგვდის. მოკლედ, შეინარჩუნეთ სიმშვიდე. განწყობისთვის ჩართეთ საახალწლო სიმღერა და კონცენტრირდით მორთვაზე;

• მორთეთ ნაძვის ხე დღის შუქზე და არა საღამოს, ხელოვნურ განათებაზე; 
• მორთვის დაწყებამდე დაახარისხეთ სათამაშოები ზომისა და ფერის მიხედვით.

როგორ მოვრთოთ ნაძვის ხე?

• თუ დათოვლილი ეფექტის მიღება გსურთ, პირველ რიგში, ხელოვნური თოვლის სპრეით უნდა დაიწყოთ მორთვა. სხვა შემთხვევაში პრაქტიკული მიზნებიდან გამომდინარე, პირველი ნაბიჯი ყოველთვის განათებები იქნება;

• თანაფარდობა ნაძვის ხის ზომასა და ნათურების  სიგრძეს შორიას ასეთია 2:20. იმისთვის, რომ ნათურები სწორად გავანაწილოთ, დაიწყეთ ნაძვის ხის ძირიდან, განათავსეთ ის ტოტის ქვეშ, შემდეგ ტოტის ზემოთ და  ამავე თანმიმდევრობით მიჰყევით. ნათურები მრავალფეროვანია, მაგრამ თუ გაგიგიათ, რომ პულტიანი განათებაც არსებობს?! 

• სათამაშოებიც ფერების შერჩევისას  ყურადღება მიაქციეთ ნაძვის ხესაც. თუ თეთრია, ძალიან უხდება  ლურჯი ან წითელი. ხოლო მუქ ნაძვის ხეზე გამოიყენეთ ღია ფერის სათამაშოები. დაიმახსოვრეთ, რომ დიდი ზომის სათამაშოები მოათავსეთ ნაძვის  ხის ცენტრში, რათა უფრო ღრმად გამოჩნდება, მისი დაკიდება ქვემოთა მხარეს  იწვევს ასიმეტრიულობას;

• დღეს ძალიან ტენდენციურია ე.წ ყვავილების და მცენარეების ხელოვნური სახე. სხვათა შორის, უნდა აღინიშნოს, რომ ის ძალიან ავსებს და უხდება ჩვენს ხეს;

• მინდა გითხრათ ერთი ინოვაციის შესახებ, რომლითაც განსხვავებული დეკორაციის შექმნა შეგეძლებათ. ამისთვის სასურველი ფერის ნაჭრის ლენტები დაგჭირდებათ. ჩააფინეთ ნაძვის ხის ტოტებთან ისე, როგორც სურათზეა გამოსახული. ის ძალიან ავსებს და აუცხოებს ნაძვის ხეს.

• და ბოლო ნაბიჯი გახლავთ ნაძვის ხის დასადგამის სწორად  შერჩევა. ეს  თქვენი სახლის დიზაინს  უნდა შეუსაბამოთ. შეგიძლიათ გამოიყენოთ უბრალოდ სადა, ან  კალათა ნებისმიერი სახის, რომელშიც გაამაგრებთ. მე  გირჩევთ, დაფაროთ დასადგამი და გამოიყენოთ ნაძვის ხის  ფერების შესაბამისი ქსოვილი თუ ლენტი, რომელსაც  ლამაზად   შეძლებთ გაუკეთოთ, ან უბრალოდ საჩუქრები შემოუწყოთ ისე, როგორც ფოტოზეა.

და როცა ამ მორთვას დაასრულებთ, შეგიძლიათ, აანთოთ განათება და დატკბეთ თქვენი ნამუშევრით. დაიმახსოვრეთ, ლამაზი ნაძვის ხე საახალწლო განწყობის საწინდარია.   ჯანმრთელობასა და ბედნიერ ახალ წელს გისურვებთ.

თქვენი რომელი რჩევა მოგეწონათ? არ დაგავიწყდეთ გაგვიზიაროთ თქვენი რჩევებიც.