ზაფხული — წელიწადის საუკეთესო დროა გარშემომყოფებისთვის იმის დასამტკიცებლად, რომ ქალი ნებისმიერ ასაკში მშვენიერია!

ზაფხული — წელიწადის საუკეთესო დროა გარშემომყოფებისთვის იმის დასამტკიცებლად, რომ ქალი ნებისმიერ ასაკში მშვენიერია! ზაფხულის სამოსი ისეთივე ჰაეროვანია, როგორც თავად ეს სეზონი და ქალის სხეული... მთავარია, ქალმა მისი სტილისთვის შესაფერისი ტანსაცმელი შეარჩიოს და მოირგოს.

ამ ბლოგში მინდა ვისაუბრო იმ სამოსზე, რაც აუცილებლად უნდა იყოს ყველა ქალის, განსაკუთრებით კი 30-ს გადაცილებული ქალბატონების გარდერობში.

მაშ ასე, დავიწყეთ:

1. თეთრი შარვალი

მიუხედავად ცნობილი სტერეოტიპისა იმის თაობაზე, რომ თეთრი ფერი ქალს უფრო სრულსა და მსუქანს აჩენს, თეთრი შარვალი აუცილებლად უნდა იყოს ქალის გარდერობში.

თეთრი შარვლის ყველაზე მთავარი უპირატესობა არის იმაში, რომ ის შეიძლება ჩაიცვათ როგორც ყოველდღიურ სამოსად, ისე გამოსასვლელ ან საღამოს სამოსად. დღის ლუქისთვის გადაიცვით მასზე უბრალო მაისური, თეთრი ან რაიმე ღია ერთფეროვანი, ლუქის დასრულება შეგიძლიათ სპორტული ფეხსაცმელით, ხოლო გამოსასვლელი საღამოსთვის ბოტასები შეცვალეთ ქუსლიანი  ფეხსაცმლით ან ე.წ. „ბალეტკებით“, ზედატანად კი გამოიყენეთ ლაკონური ტოპი.

ასეთი შარვალი ლამაზად აზის ქალის სხეულს ნებისმიერ ასაკში. მართალია ძალიან პრაქტიკული არ არის, თუმცა იმაზე ვერავინ იკამათებს, რომ მოსახერხებელი, მსუბუქი და მოდურია!

უკვე გადაწყვიტეთ თეთრი შარვლის ყიდვა? მაშინ მთავარი არ დაგავიწყდეთ - იდეალური თეთრი შარვალი მაქსიმალურად მინიმალისტური უნდა იყოს, დეკორატიული ელემენტების გარეშე. პრინციპში ასიმეტრიულად აჭრილიც გამოდგება, მაგრამ ის აუცილებლად უნდა შეუხამოთ სადა ზედატანს და ფეხსაცმელებს.

2. ქვედაბოლო „midi“

ეს არის ქვედაბოლოს იდეალური სიგრძე 30-ს გადაცილებული ქალებისთვის - მუხლებს ოდანვ ქვემოთ ჩასული, ელეგანტური ფორმის სამოსი. უკვე კარგა ხანია „ფანქარი“-ს ფორმის ქვედაბოლოები არ კარგავს აქტუალურობას და უკვე 30-ს გადაცილებული ასაკის ყველა ქალს უხდება. ყურადღება უნდა მიექცეს ერთ ფაქტს - ქვედაბოლო „midi“  აუცილებლად ქუსლიან ფეხსაცმელებზე უნდა ჩაიცვათ.

„midi“-ს ზომის ქვედაბოლო ისევე პრაქტიკულია, როგორც ჯინსი და მამაკაცების აზრითაც გაცილებით სექსუალურია, ვიდრე სხვა კაბები.

ასეთი სტილის კაბაზე ძალიან ლამაზია წვრილცხვირიანი საშუალო ქუსლის მქონე ფეხსაცმელი, ასევე ე.წ. ტანკეტკა ან მყარი კვადრატული ფორმის ქუსლის მქონე სანდლები. შემოდგომა-გაზაფხულის სეზონზე შესაძლებელია ბოტების ჩაცმაც, რომელსაც გამოკვეთილი ქუსლი ექნება, მიუხედავად იმისა, რომ დიზაინერები ასეთ სტილს დიდად არ იწონებენ, ძალიან ლამაზი ლუქი გამოვა თუ ფეხზე ჩაიცვამთ ე.წ. „ბალეტკებს“, კედებს, ქალის სპორტულ ფეხსაცმელს ან ბოტასებს.

3. ჯინსი

ჯინსბის ჩაცმა წელიწადის ნებისმიერ დროს შეიძლება, მათ შორის ზაფხულშიც. კარგი ჯინსის შეძენა მაშინ, როც აუკვე 20 წლის აღარ ხარ - არც ისეთი მარტივი ამოცანაა, თუმცა შესრულებადი. 30-ს გადაცილებულმა ქალბატონებმა უნდა შეარჩიონ კლასიკური, მუქი ლურჯი ფერის ჯინსის მოდელები, საშუალო ან მაღალი წელით. უფრო თავისუფალი, ზედმეტი დეკორის და გახეხილი ნაწილების გარეშე.

ჯინსებით ნებისმიერ დროს და ადგილას შესაფერისად ჩაცმული და მომხივბლელი იქნებით. ჯინსების არჩევისას მთავარია ყურადღება მიაქციოთ თქვენი სხეულის თავისებურებებს. არ ღირს ყველაზე სუპერმოდური ჯინსის ყიდვაც კი, თუ ის ხაზს უსვამს თქვენი სხეულის ნაკლს. 

„Casual“ სტილის მოყვარულებმა დიდი ხანია აღიარეს ჯინსი, როგორც საუკეთესო სამოსი. ის არის მოხერხებული ყოველდღიური სამოსი, რომელიც საშუალებას იძლევა გამოიყურებოდეთ საქმიანადაც და ელეგანტურადაც. სწორი, სადა ჯინსი ხაზს უსვამს სილუეტს, სწორედ ეს სჭირდება ყოველდღიურ საქმიან და თავისუფალ სტილსაც! თუ ჯინსი ოდნავ ფართეა, ის უნივერსალურია და ნებისმიერი ტიპის სხულს უხდება.

მოკლედ, ჯინსი შეგიძლიათ შეუხამოთ ნებისმიერი სტილისა და ფერის ზედატანს. ფეხსაცმელი შეგიძლიათ შეარჩიოთ რაც გაგიხარდებათ, იქნება ეს კლასიკური, სპორტული, ქუსლიანი, ქუსლის გარეშე, ერთი სიტყვით შეზღუდული არაფერში არ ხართ.

4. სადა მაისური

თუ მაისური მოგწონთ — მაშინ შეარჩიეთ სადა და ღია ფერის (თეთრი, ღია ცისფერი და ა.შ.). უცნაური წარწერებისა და სასაცილო ნახატების მქონე მაისურები მისაღები არ არის. უბრალო მაისური  მაღალი ხარისხის ნაჭრით უნდა იყოს შეკერილი, წინააღმდეგ შემთხვევაში თქვენი სტილი გამოჩნდება იაფფსიანი და უსიამოვნო.

სადა მაისური - ეს არის ყველაზე დაუფასებელი სამოსი ქალის გარდერობში. ქალები გამუდმებით წერენ შავ კაბებზე, ფანქარის ფორმის ქვედაბოლობეზე და ა.შ. უნდა აღინიშნოს ხაზგასმით, რომ სადა მაისური არაფრით არ ჩამოუვარდება მათ.

სადა მაისურის ისტორია ასეთია: ის ქალის გარდერობში გაჩნდა გასული საუკუნის 70-იან წლებში საყოველთაო ემანსიპაციის ტალღასთან ერთად. თავდაპირველად ქალებმა მოიპოვეს შარვლის ტარების უფლება, შემდეგ პიჯაკის და სადა მამაკაცის სტილის მაისურის, რომელიც ქალებში პოპულარული გახადა ჯეინ ბირკინმა. ჯეინი თავის მხრივ პარიზული სტილის მუზაა, ძალიან უყვარს მარტივი სამოსი და ეხერხება მათი ისე ტარება, რომ გამოიყურება განსხვავებულად, მიმზიდველად, მდიდრულად. მაგალითად: ჯინსი, სადა მაისური და დაწნული ჩანთა - ხატად ქცეული მოდური ლუქია, რომელიც დღმდე აქტუალობას არ კარგავს.

5. ღია ფერის სწორი „ფანქარი“ ქვედაბოლო

აუცილებელია, რომ ამ ასაკის ქალბატონების გარდერობში იყოს კლასიკური სწორი ქვედაბოლო მას ასევე ეძახიან ქვედაბოლო „ფანქარს“. შავი ფერი ასეთი სტილის ქვედაბოლოში მხოლოსდ შემოდგომაზე და ზამთარში უნდა გამოიყენოთ, ხოლო ზაფხულში და გაზაფხულზე აუცილებელია ნათელი და თბილი ფერები, როგორიცაა: ბეჟი, ყავისფერი, კრემისფერი, ყვითელი. გარდა ამისა, ყურადღება უნდა მიაქციოთ ისეთ ნაჭერს, რომელსაც აქვს შეუმჩნეველი, ბაცი ფერების პრინტი.

ფანქარი ქვედაბოლოს სტილი უნივერსალურია და უკვე დიდი ხანია მოდიდან არ გადადის. პირველად ამ ქვედაბოლოს პროტოტიპი წარმოდგენილი იყო 1940 წელს კრიასტიან დიორის მიერ. ის ყველა ქალს უხდება, მიუხედავად მისი ასაკისა, სიმაღლისა და სხეულის ფორმისა.

ასეთი სტილის ქვდაბოლოს უხდება ღია ფერები. ის სხეულს უფრო დახვეწილს აჩენს. ზედატანი შეგიძლიათ იგივე ფერის, ან იგივე ტონალობის ოდნავ მუქ ფერში შეარჩიოთ. ლუქი გაცილებით მიმზიდველი იქნება თუ ზედატანის წინა მხარეს ქვედაბოლოში ჩაიკრავთ.

ქვედაბოლო „ფანქარი“ შეუცვლელი აქსესუარია ყველა ქალის გარდერობში და მნიშვნელობა არ აქვს რა ფორმები აქვს თქვენს სხეულს, რამდენი წლის და რა სიმაღლის ხართ.

6. „სურნელოვანი“ სარაფანი

რა არის ზაფხულია ფერადი სარაფნის გარეშე? თქვენს გარდერობშიც აუცილებლად უნდა იყოს ერთი ასეთი კაბა: ჰაეროვანი, აქცენტით თეძოებზე და ფარფატა ქვედატანით. სასურველია პრინტი არ იყოს მსხვილი, და არც ზედმეტად წვრილი: საშუალო ზომის ყვავილები მოუხდება ლილისფერ, ცისფერ ან ატმისფერ ფონს. სარაფანი უნდა იყოს რომანტიკული, ჰაეროვანი და მოდური.

სარაფანი რა სიგრძისაც არ უნდა იყოს, თქვენი საუკეთესო „მეგობარი“ გახდება, რომელთან ერთად სეირნობა განსაკუთრებით სასიამოვნო და სახალისო გახდება. სერიოზულად თუ გაინტერესებთ - გრძელ სარაფანში თქვენი იქნებით განუმეორებლად ქალური, ის ასევე დაგეხმარებათ დაფაროთ სხეულის პრობლემური ადგილები, თუ გაქვთ ასეთი რა თქმა უნდა. ფერის არჩევისას იხელმძღვანელეთ თქვენი კანის ფერით და ასევე სეზონზე აქტუალური ფერთა შეხამებით. პრინტი: ყვავილები და ზოლები - უკვდავი თემაა.

ფეხსაცმელებიდან სარაფანს ყველაზე მეტად უხდება სანდლები. თუმცა მათი ჩანაცვლება ე.წ. „ბალეტკებით“ ან ეპადრელებით დანაშაული ნამდვილად არ იქნება, თუმცა პირველი უფრო შესაფერისია. მეორე მთავარი მომენტი, რაც სარაფანის ტარებისას უნდა გაითვალისწინოთ, არის ჩანთა - უმჯობესია თუ ის იქნება დიდი და ტევადი. ზაფხულში ყურადღება მიაქციეთ დაწნულ ვარიაციებს. სამკაულებიდან აუცილებლად გამოიყენეთ ბრასლეტი, დიდი გულსაკიდები და გრძელი ჯაჭვები.

7. ერთფეროვანი ტოპი

სწორი, ერთფეროვანი, სადა ზედა, მოკლე მკლავებით და მაცდუნებლად ამოჭრილი გულით მოუხდება ნებისმიერ ქვედა სამოსს: შეუხამეთ ერთფეროვანი ზედატანი შარვალს, ქვედაბოლო „midi“-ს, ჯინსებს ან შორტებს. ამ ლუქს თუ დაუმატებთ ქუსლიან სანდლებს - იქნებით განუმეორებელი.

ერფეროვანი ტოპის ჩაცმა შეგიძლიათ ფაქტიურად ყველაფერზე, განსაკუთრებით თუ სხეულს რამე ნაკლი აქვს... ასეთი ზედატანისთვის საუკეთესო კომპანიონი იქნება ყვავილების პრინტით - ასეთი ნაკრები გამოიყურება რომანტიკულად და ქალურად.

რაც შეეხება ფეხსაცმელს - თუ ერთფეროვანი ზედატანი საქმიანი სტილის ნაწილია, არჩევანი შეაჩერეთ სანდლებზე, რომლებსაც ექნებათ დახურული ცხვრი, ან შეგიძლიათ დაბალ ქუსლზე ე.წ. „ნავი“ სტილის ფეხსაცმელიც ჩაიცვათ. თავისუფალი და “Casual” სტილისთვის კედებიც შეგიძლიათ გამოიყენოთ.

ისეთ მარტივ სამოსს, როგორიც ერთფეროვანი ზედატანია ძალიან უხდება აქტიური აქსესუარები, მაგალითად მსხვილი ბრასლეტი, მასიური ყელსაბამი ან ლამაზი დიდი საათი. ღია ფერის ზედატანთან შეგიძლიათ გამოიყენოთ შედარებით მოკრძალებული აქსესუარები, მაგალითად პატარა ზომის ჩანთა ან წვრილი ძეწკვი.

8. კაბა-ხალათი

კიდევ ერთი საზაფხულო კაბა, რომელსაც სტილისტები ურჩევენ 30-ს გადაცილებულ ქალბატონებს ეს არის კაბა-ხალათი. ის იდეალურია ზაფხულში სეირნობისას, მოგზაურობისა და მუშაობის დროსაც. უნივერსალური ფერები ამ სამოსისთვის არის თეთრი ან ბეჟი, და არ დაგავიწყდეთ წვრილი ქამარი, რომელიც წელის ფორმას გამოიყვანს და მეტ სტილს მისცემს თქვენს ლუქს.

ასევე ხაზი უნდა გავუსვათ კაბა-ხალათის უნივერსალურობას. ამ ნივთის შეძენისას ნამდვილად იღებთ ორ ნივთს ერთის ფასად. ის აუცილებლად უნდა იყოს ყველა ქალის გარდერობში.

ჰარმონიული ლუქის შესაქმნელად გამოიყენეთ „ნავის“ სტილის ფეხსაცმელი, გრძელი ჟილეტი ან მამაკაცური სტილის პიჯაკი. ასევე მოხდენილად გამოიყურება კაბა-ხალათთან სწორი ძირის მქონე ფეხსაცმელი და ჯინსის „oversize“ ქურთუკი ან მსუბუქი ნაჭრისგან შეკერილი ე.წ. ბომბერი.

არანაკლებ აქტუალურია ლუქი, სადაც კაბა-ხალათი ასრულებს ზედატანის ფუნქციას. ასეთი ლუქისთვის თამამად შეგიძლიათ შეარჩიოთ სწორი შარვლები, ჯინსები და  სხვადასხვა ზომის ქვედაბოლოები.

9. გრძელი მოსასხამი

გრძელი მოსასხამი ვიზუალურად ფიგურას აგრძელებს, ფარავს მსხვილ თეძოებს და საზაფხულო ლაბადის ალტერნატივაც კი შეიძლება იყოს. გრძელი მოსასხამი ძალიან მოსახერხებელი და საჭირო სამოსია.

შავი გრძელი მოსასხამი - კარდიგანი, ძალიან უხდება სადა თეთრ, ნაცრისფერ და შავ ზედებს ყოველგვარი პრინტის გარეშე. ასეთ კომპოზიციაში აქცენტი უნდა იყოს ორიგინალური გულსაბნევით დამშვენებული ჯაჭვი. ზედად შეგიძლიათ ასევე გამოიყენოთ შიფონის ნაჭრით დამზადებული მაისურები იგივე ფერებში, როგორიც სადა ზედატანებზე ჩამოვთავალეთ. შედარებით ცივ ამინდში კარდიგანში შეგიძლიათ ჩაიცვათ შავი ჯემპრი - ეს ლუქი ძალიან ლამაზად გამოიყენება.

გრძელ მოსასხამთან რეკომენდირებულია ტყავის „ფანქარი“ ქვედაბოლო, შავი მომჯდარი ჯინსი, სწორი ნაცრისფერი ჯინსი ან გახეხილი ე.წ. boyfriend სტილის ჯინსი. კარდიგანთან აწყობილ ლუქს მოუხდება როგორც ქუსლიანი, ისე დაბალძირიანი ფეხსაცმელი.

აუცილებლად უნდა აღვნიშნოთ ისიც, რომ შავი კარდიგანი ძალიან ლამაზია კუბოკრული ნაჭირთ დამზადებულ სამოსთან ერთად. ამ ლუქისთვის შესაფერისი იქნება უხეში სტილის სქელძირიანი ბათინკები.

10. გამოსასვლელი კაბა

თუ რესტორანში, მეგობრის დაბადების დღეზე ან გასართობ შეკრებაზე აპირებთ წასვლას, აუცილებლად დაგჭირდებათ ლამაზი, კოხტა და მსუბუქად აჭრილი გამოსასვლელი კაბა. ნაზი მაქმანით, მოკლე მკლავითა და ორიგინალური დეტალებით შეკერელი ეს სამოსი ხაზს გაუსვამს თქვენი სხეულის ღირსებებს. კაბის ფერი შეგიძლიათ შეარჩოთ თქვენი გემოვნებით: ასეთ კაბას უხდება ყველანაირი მკვეთრი ფერი, დაწყებული თეთრით და დამთავრებული მუქი ალუბლისფერით.

ასეთი ტიპის კაბასთან შეგიძლიათ შეახამოთ კლასიკური სტილის ფეხსაცმელი, მაგალითად ე.წ. „ნავები“, თუმცა უნდა გაითვალისწინოთ, რომ ამ ფეხსაცმლს შერჩევისას კაბას არ უნდა ჰქონდეს დამატებითი ელემენტები, ამოჭრილიც არ უნდა იყოს ძალიან ღრმად და მაქსიმალურად მარტივად შეკერილი უნდა იყოს. ცივ დღეებში ამ სტილის კაბას მოუხდება ქალის ბათინკები ქუსლზე, ნაქსოვი კარდიგანი ან გრძელი პიჯაკი.

11. კლასიკური პიჯაკი

ელეგანტური ბლეიზერი — ეს არის „must-have“ ქალის გარდერობში ნებისმიერ ასაკში! ის არ გადადის მოდიდან და ყოველთვის უნივერსალური სამოსი იქნება. უბრალოდ მოისხით კლასიკური პიჯაკი ნებისმიერ ფორმაზე და თქვენ უკვე განუმეორებელი სტილი გექნებათ.

პიჯაკი დიდი ხანია წარმოადგენს ერთ-ერთ საჭირო ნივთს არამარტო მამაკაცის, არამედ ქალის გარდერობშიც. ხშირად ეს სამოსი გამოიყენება ასქმიანი ლუქისთვის.

თანამედროვე დიზაინერები ქმნიან პიჯაკების უამრავ მოდელებს ნებისმიერი დანიშნულებით მათი გამოყენებისთვს. პიჯაკები შეიძლება იყოს სხვდასხვა სიგრძის, სხვადასხვა ნაჭრის, გაფორმებით და ა.შ. მოდის სეზონების პიკზე ყოველთვის ჩნდება ახალ-ახალი მოდელები, მაგრამ კლასიკური პიჯაკი აქტუალურია ყოველთვის - მოდის ტენდენციების მუხედავად.

12. სანდლები მოსახერხებელ ქუსლზე

სანდლები ქუსლებზე – ეს არამარტო ლამაზია, არამედ მოხერხებულიც. რა თქმა უნდა თუ სწორად შევარჩევთ მათ.
ქუსლიან ფეხსაცმელზე უარის თქმა ქალის მხრიდან უბრალოდ დაუშვებელია და მოდისა და სტილის მიმართ სრულიად არასწორი დამოკიდებულების გამოხატულებაა. ეს არ ნიშნავს იმას, რომ ქალებმა აუცილებლად ოცსანტიმეტრიან ქუსლებზე უნდა ირბინონ, საკმარისია სიმპათიური სანდლები  5-7 სანტიმეტრი სიმაღლის ქუსლებზე. ხარისხიანი და ნატურალური ტყავით დამზადებული, მოსახერხებელი, ისეთები, რომლებზე სიარულიც შესაძლებელი იქნება მთელი დღის მანძილზე დაღლის გარეშე. რაც არ უნდა ბევრი ამტკიცონ ე.წ. „ბალეტკების“ და ბოტასების მოყვარულმა ქალებმა, რომ დაბალი ფეხსაცმელი ჯობია, გახსოვდეთ, რომ ქუსლიან ფეხსაცმელზე ქალი გაცილებით დავდაჯერებულია!

თუ ქუსლიანი სანდლების შეძენას აპირებთ, გაითვალისწინეთ, რომ მათი შერჩევა უმჯობესია დღის პირველ ნახევარში, რადგან დღის ბოლოს ფეხები დაღლილი და ცოტა შეშუპებულიც არის. როცა ფეხსაცმელს ჩაიცვმევთ, აუცილებლად გაიარ-გამოიარეთ და რამოდენიმე წუთი გეცვათ. ქუსლიანი სანდლები ფეხზე მორგებული უნდა გქონდეთ იდეალურად, ფეხი არ უნდა გიცურდებოდეთ წინ და არც ფეხის თითები უნდა იყოს გადმომჯდარი ფეხსაცმლის კალაპოტიდან. თუ ქუსლიანი სანდლები ხშირად უნდა ატაროთ, მაშინ უმჯობესია დაბალ ქუსლზე შეაჩეროთ არჩევანი.

ზაფხული უკვე კარს მოგვადგა, მე გარდერობი დავცალე თბილი ტანსაცმლისგან, გადავახალისე და ზემოთ მოვყანილი რჩევების გათვალისწინებით ვაპირებ შევავსო. თქვენს გარდერობში რა ხდება?

ქალბატონებო, დაწერეთ კომენტარებში თქვენი აზრი, რას ფიქრობთ, ძალიან საინტერესოა.