რომელი იყო თქვენი საყვარელი სათამაშო?

დღეს ბავშვებისა და დიდებისთვის უამრავი გასართობი საშუალებაა შექმნილი-კომპიუტერული ტექნოლოგიები, რომლებმაც ყველა ჩვენგანზე იქონია ზეგავლენა და რომლებსაც თითქმის ყველა ოჯახში ვხვდებით. თანამედროვე კომპიუტერული თამაშები გამოირჩევა რეალურობით, მრავალფეროვნებითა და ხელმისაწვდომობით. თუმცა საინტერესოა, რითი ვერთობოდით 1990-2000-იან წლებში? გავიხსენოთ ვინტაჟური თამაშები, რომლებიც ბნელ 90-იან წლებს გვინათებდნენ და გვიხალისებდნენ.

(აქვე ჩანართიც: ყველაფერი, რასაც დღეს ჩემს ბლოგში ნახავთ, დღემდე ხელმისაწვდომია  და შეგიძლიათ სურათზე დაკლიკვით ნახოთ.)

• Game boy - გეიმ ბოი
  
  

გეიმ ბოი (game boy) ვინტაჟური თამაშია, რომლითაც 90-იანი წლების ბავშვები ერთობოდნენ. სათამაშოდ მარტივი და კარგი გასართობი საშუალება და მაშინ ერთ-ერთი ყველაზე პოპულარული იყო.

გეიმ ბოი გამოცემული და შექმნილია კომპანია ნინტენდოს (nintendo) მიერ. პირველად გეიმ ბოი 1989 წელს იაპონიაში შეიქმნა, ხოლო ევროპაში 1990 წელს გამოჩნდა და საერთო გაყიდვები 118 მილიონს აღწევს და 1980-იანი წლებიდან დღემდე ერთ-ერთ ყველაზე პოპულარ გასართობ საშუალებად ითვლება.

• Tamagotchi-ტამაგოჩი

თქვენს წინაშეა 90-იანი წლების მორიგი სათამაშო, რომელიც იმდროინდელი ბავშვების ასრულებულ ოცნებად ითვლებოდა, გყავდა შინაური ცხოველი, რომელსაც ამ კომპიუტერული სათამაშოს საშუალებით აჭმევდი, უვლიდი, ათამაშებდი.

ამ სათამაშოს აწარმოებდა იაპონური კომპანია bandai, და გამოსვლისთანავე დიდი პოპულარობით სარგებლობდა მთელს მსოფლიოში. ტამაგოჩი 1997 წელს გამოიცა და მსოფილოს მასშტაბით გაიყიდა 82 მილიონი .

• Tetris-ტეტრისი

 90-იანი წლების მორიგი საკულტო თამაში, რომელიც ასევე პოპულარობით სარგებლობდა არამარტო მსოფლიოში არამედ საქართველოშიც ტეტრისია. ის კარგი გასართობი საშუალება იყო არა მხოლოდ ბავშვებისთვის, არამედ უფროსი თაობის ადამიანებისთვისაც, რომლებიც თავისუფალ დროს მისი თამაშით ირთობდნენ თავს.

ტეტრისი ალექსეი პოჟიტნოვმა შექმნა და ფართო საზოგადოებას 1984 წელს წარუდგინა. თამაშის მიზანი არის კუბიკების სწორად განლაგება და სწორი სტრატეგიის არჩევა, არასწორად განლაგების შემთხვევაში თამაშს წააგებ. ტეტრისი კარგი საშუალებაა გაიხსენო 90-იანი წლები და ამავდროულად კარგად გაერთო, მის მონახვასაც, ასევე, ჩვენს კატალოგებში შეძლებთ.

• Sega-სეგა

სეგა, 90-იანი წლების ერთი-ერთი გასართობი საშუალება, რომელიც 1983 წლიდან 2001 წლამდე გამოიშვებოდა. სეგა ერთ-ერთი ყველაზე პოპულარული იყო სახლის ვიდეო თამაშების წარმოებაში, თუმცა ბოლოს გამოშვებული კონსოლის წარუმატებლობის გამო იგი ბაზრიდან გავიდა.
სეგა პოპულარული იყო მთელს მსოფლიოში და საქართელოშიც ხშირად შეხვდებოდით სხვადასხვა ოჯახში. ის კარგი გასართობი საშუალება იყო და თამაშების მრავალფეროვნებით გამოირჩეოდა. მასაც, როგორც სხვა თამაშებს, ჩვენს კატალოგებში მონახავთ.

მართალია, 90 იან წლებში არ იყო ტექნოლოგიები იმდენად განვითარებული როგორიც დღესაა, PLAYSTATION-ის მოდელები ერთმანეთს ჩაანაცვლებენ, მაგრამ რამდენიმე სათამაშო ბავშვობიდან მთელი ცხოვრება გაგვყვება სასიამოვნო მოგონებად.

რომელი იყო თქვენი საყვარელი სათამაშო?