გამოგონებები, რითაც შეგვიძლია შედარებით მარტივი გავხადოთ ჩვენი და ჩვენი პატარების ცხოვრება

ბავშვის აღზრდა უდიდეს პასუხისმგებლობას, დროსა და ენერგიას მოითხოვს. ძველ დროსთან შედარებით, დღევანდელ მშობლებს გვაქვს ფუფუნება, თანამედროვე გამოგონებებით გავიმარტივოთ ბავშვის გაზრდა.
დღეს გაგიზიარებთ 5 მოწყობილობას, რომელთა მიგნებაც ჩემთვის გარდამტეხი აღმოჩნდა. მაშ ასე:

1. ბაუნსერი
თუკი, თქვენი პატარა მიჩვეულია ხელში დაძინებას, ბაუნსერი თქვენთვის მისწრება იქნება:

• ბაუნსერს აქვს თავისა და ზურგის სწორი საყრდენი, რომელიც ეხმარება პატარას წონასწორობის შენარჩუნებაში;
• მისი ოთხი პოზიცია კომფორტულია დასვენებისთვის, ძილისთვის და ასევე სათამაშოდ.
• ზედაპირი დამზადებულია ბამბისგან, რაც საშუალებას იძლევა მარტივად გაწმინდოთ და გაასუფთაოთ.
•  ბაუნსერი შეგიძლიათ დაკეცოთ და შეინახოთ ისე, რომ დიდი ადგილი არ დაიკავოს.

2. სათამაშო მოედანი
პატარებს ათასი თვალი და ათასი ყური სჭირდებათ, ისინი ხომ ახლა ეცნობიან სამყაროს და მათთვის ყველაფერი ასეთი საინტერესოა? ეს საბავშვო ოთახი განსაკუთრებით დაეხმარება ისეთ დედებს, რომლებიც დროის უმეტეს ნაწილს ბავშვთან ერთად, სახლში მარტო ატარებენ, მისი დახმარებით თავისუფლად შეძლებთ ერთდროულად სახლის საქმეების გაკეთებას და თქვენი პატარისთვის თვალის დევნებას.

• მისი დამონტაჟება ძალიან მარტივია და სულ რამდენიმე წუთი სჭირდება, იკეცება და იკავებს მინიმალურ ადგილს სივრცეში.
• ძირზე დამაგრებული რეზინი ხელს უწყობს სიმყარეში. თავისუფლად შეგიძლიათ გამოიყენოთ როგორც სახლში, ასევე გარეთ.
•  დამზადებულია ბუნებრივი მასალისგან, რაც არ არის ბავშვისთვის სახიფათო.

3. ვოლქერი ტრანსფორმერი
პირველი ნაბიჯები ისაა, რასაც ყველა მშობელი ასე მოუთმენლად ველით. თუმცა რა თქმა უნდა საფრთხილოა, რომ თქვენი პატარა არ დაეცეს და შეძლოს დამოუკიდებლად და სწორად აიდგას ფეხი. სასიარულო ანუ ვოლქერი ერთ-ერთი ყველაზე აუცილებელი მოწყობილობაა, რომელიც ნამდვილად ყველა პატარას სჭირდება.

• მას აქვს 4 მოსახერხებელი პოზიცია, ფეხის ადგმის შემდეგ პატარას შეუძლია დამოუკიდებლად ატაროს ვოლქერი.
• მისი გამოყენება შეიძლება ასევე საკვებ სკამად, მოსახერხებელია ჩვილებისთვისაც და შედარებით მოზრდილებისთვისაც.
• ვოლქერი ბავშვს ეხმარება დგომაში და წონასწორობის შენარჩუნებაში.

4. საშხაპე ქუდი
პატარების უმეტესობას ძალიან უყვარს წყალი და ბანაობით უდიდეს სიამოვნებას იღებენ. მიუხედავად იმისა, რომ საბავშვო გელები და შამპუნები არ შეიცავენ ისეთ ნივთიერებას, რომლებიც იწვევენ თვალის წვას, მაინც ურიგო არ იქნება ამ მოსახერხებელი საშხაპე ქუდის ქონა.

• საშხაპე ქუდი იცავს თქვენი პატარის სახეს წყლის წვეთებისგან და გელებისგან
• ქუდი რბილია და არ აღიზიანებს ბავშვის კანს
• მოსახერხებელია ნებისმიერ ასაკში მისი ელასტიური შესაკრავით

  5. რძის გამოსაწველი ელექტრო ტუმბო

• აპარატი გამოირჩევა იმით, რომ ელექტრონული და უფრო მოსახერხებელია, მისი დიზაინი უმოკლეს დროში ხელს უწყობს რძის გამოწველას უმტკივნეულოდ.
•  აპარატი არ იწვევს ხმაურს და შეგიძლიათ ნებისმიერ დროს უპრობლემოდ გამოიყენოთ.
•  სრული დატენვისთვის მხოლოდ 2 საათიც საკმარისია.

ბუნებრივი კვება ბავშვისთვის ერთ-ერთი უმთავრესი მოვლენაა. ძუძუთი კვება ბევრ სირთულესთანაა დაკავშირებული და უდიდესი ყურადღება სჭირდება, შემდგომში გართულებების თავიდან ასაცილებლად. პატარების უმეტესობამ დაბადების წუთიდან არ იცის, როგორ უნდა მოწოვოს ძუძუ, სწავლას კი დრო და მოთმინება სჭირდება. ალბათ, ბევრი მეძუძური დედა დამეთანხმება, რამდენად საჭირო ნივთია რძის ელექტრონული საწველი აპარატი. ასევე, თუ თქვენი პატარა ბუნებრივ კვებაზეა, თქვენ კი მუშაობთ და გიწევთ ბავშვის დატოვება, ეს ნივთი ნამდვილად გჭირდებათ.

 როგორც უკვე აღვნიშნე, მშობლობა უდიდეს ძალისხმევას და პასუხისმგებლობას მოითხოვს. მართალია, ეს ყველაფერი იოლი არ არის, თუმცა შეგვიძლია ამ კომფორტული გამოგონებებით შედარებით მარტივი გავხადოთ ჩვენი და ჩვენი პატარების ცხოვრება.