ეძებთ საჩუქარს ბავშვისთვის? მაშინ ეს ბლოგი თქვენთვისაა, რადგან მე შემოგთავაზებთ 6 ნივთს, რომელთა ჩუქებითაც 5-დან 10 წლამდე ბავშვებს ძალიან გაახარებთ. ეს ნივთები განსხვავდება იმ სათამაშოებისგან, რომელთაც ბავშვები სულ რამდენიმე დღეში ადვილად აფუჭებენ. საგნები შევარჩიე საკუთარი გამოცდილებიდანაც, რადგან მათი ჩუქებისას ბავშვების სიხარულს საზღვარი არ ჰქონდა.

სწავლისა და გართობის შეთავსება

გონების სავარჯიშო სათამაშო

ეძებთ საჩუქარს ბავშვისთვის? მაშინ ეს ბლოგი თქვენთვისაა, რადგან მე შემოგთავაზებთ 6 ნივთს, რომელთა ჩუქებითაც 5-დან 10 წლამდე ბავშვებს ძალიან გაახარებთ. ეს ნივთები განსხვავდება იმ სათამაშოებისგან, რომელთაც ბავშვები სულ რამდენიმე დღეში ადვილად აფუჭებენ. საგნები შევარჩიე საკუთარი გამოცდილებიდანაც, რადგან მათი ჩუქებისას ბავშვების სიხარულს საზღვარი არ ჰქონდა.

1) ჰოვერბორდი

საჩუქრების ჩამოთვლა ჰოვერბორდით უნდა დავიწყო, რადგან ის ბავშვების საყვარელი ინოვაციაა. ჰოვერბორდი უსაფრთხოა, მისთვის ალღოს აღებას მხოლოდ ცოტა ვარჯიში სჭირდება, რადგან ის ბავშვსაც ეხმარება წონასწორობის შენარჩუნებაში. დღეს ჰოვერბორდი განსაკუთრებით აქტუალურია, მსგავსი ნივთების გარეშე ბავშვის კომპიუტერიდან და ტელეფონიდან მოწყვეტა პრობლემაა. ჰოვერბორდი კი იმდენად სასიამოვნო და სახალისოა, რომ პატარებს სეირნობის სურვილს უჩენს.

2) ბატუტი

როგორ უნდა გაერთოს ბავშვი თავდავიწყებით? უყიდეთ ბატუტი და თქვენ ამას გაიგებთ. არ გაგიკვირდეთ, რომ ასე თავდაჯერებული ვსაუბრობ - ჩემი თვალით ვნახე, როგორ გაუხარდა ჩემს პატარა ძმას, როცა ბატუტი მოვუტანეთ - სიხარულისგან მთელი დღე ყვიროდა. თუ ბავშვთან ერთად გაგივლიათ პარკში, სადაც ბატუტია, დარწმუნებული ვარ, მასზე ასვლას აუცილებლად მოგთხოვდათ. პატარის გაბედნიერებისთვის ბატუტის შეძენა ნამდვილად ღირს.

3) საფეხბურთო ფორმა

როგორ ერთობიან 5-10 წლის ბიჭები? შეიძლება ხატავენ, უკრავენ, მულტფილმებს უყურებენ. მაგრამ ყველა თამაშობს ფეხბურთს, თამაშს კი საფეხბურთო ფორმის ჩაცმა განსაკუთრებულ ელფერს აძლევს. პატარა ბიჭები, რომელთა კუმირებიც ფეხბურთელები არიან, თავს დიდ სტადიონზე წარმოიდგენენ და გოლებსაც ისე აღნიშნავენ, თითქოს მათ წინ ათიათასობით მაყურებელია.

ფორმის შერჩევა ადვილი არაა - შეიძლება, ბავშვს რომელიმე გუნდის ან ფეხბურთელის მაისური უყიდოთ და უნებურად გული დაწყვიტოთ, რადგან ის სხვას გულშემატკივრობს. ამიტომ, უნდა იცოდეთ მისი საყვარელი ფეხბურთელი და გუნდი. ლინკზე შეგიძლიათ, შესაბამისი მაისური გამოიწეროთ. ასე თავად მოვიქეცი და ჩემი 8 წლის ძმის გაბრწყინებული სახე დავინახე. ჩუქებისას ფოტოს გადაღება არ დაგავიწყდეთ - ეს მომენტი წლების შემდეგაც უნდა გაიხსენოთ, უკვე გაზრდილ სუპერვარსკვლავთან ერთად.

4) პაზლები

თუ ოჯახში საღამოობით რაიმე საინტერესოს კეთება გიყვართ, მოემზადეთ პაზლების შესაკვეთად - ამით არა მარტო ბავშვს, არამედ მთელ ოჯახს სასიამოვნო თავსატეხს გაუჩენთ. პაზლების დალაგება გონებას ავარჯიშებს, სირთულის გადალახვის შემდგომ წარმატება კი ყველაზე სასიხარულია - მეგობარმა ახლახანს მომიყვა, თუ როგორ გამარჯვებულად გრძნობდნენ თავს ოჯახში, როცა პაზლის აწყობა, დიდი წვალების შემდეგ, დაასრულეს.

ამ ნივთს ბავშვებისთვის მხიარულება, ფიქრი, დაღლა და კიდევ ბევრი გრძნობა მოაქვს. იბიჯის პაზლების ძალიან დიდი არჩევანი აქვს, ამიტომ ერთი მათგანი ვერ შევარჩიე და მინდოდა, თქვენთვის, მკითხველებისთვის ყველა მეჩვენებინა - ასე შეგეძლებათ, გადახვიდეთ ლინკზე, დაათვალიეროთ და თქვენთვის სასურველი ამოარჩიოთ.

5) მოლაპარაკე წიგნი

ბავშვების აღზრდის პროცესში ერთ-ერთი მთავარი კითხვაა, თუ როგორ შევაყვაროთ მათ წიგნი. შეუძლებელია, ვინმეს რამე ძალით შეაყვარო, თუმცა ის შეიძლება, რომ ბავშვი კითხვით დააინტერესო. ამისთვის შესანიშნავი საშუალებაა მოლაპარაკე წიგნები, რომლებმაც, შეიძლება, 8 ან 10 წლის ბავშვები დიდად არ გაახარონ, მაგრამ 5-6 წლის პატარებისთვის იდეალური საჩუქარია. ეს მათ სამომავლოდ კითხვაზე გადასვლისთვის და უცხო ენის შესწავლისთვისაც შეამზადებს.

გარდა იმისა, რომ ბავშვს წიგნის მიმართ ინტერესი გაუჩნდება, მოლაპარაკე წიგნები თქვენც დაგეხმარებათ. შეძლებთ, საყვარელი ან გადაუდებელი საქმე გააკეთოთ, ბავშვი კი ამასობაში მშვენივრად გაერთობა და უთქვენოდ არ მოიწყენს. ეს სასარგებლო თამაშია, რომლის დროსაც პატარა ბევრ ახალ სიტყვას ისწავლის.

6) სახატავი საშუალებები

"მიეცით ნიჭსა გზა ფართო!" დიახ, მიეცით ნიჭსა გზა ფართო, თუ ბავშვი კარგად ხატავს. ეს მართლაც საოცარი ნიჭია და არ მეგულება ადამიანი, ვისაც არ უნდა, ხატვა შეეძლოს. თუ ბავშვი ხატავს, მაქსიმალურად უნდა დაეხმაროთ თავისი შესაძლებლობების გამომჟღავნებასა და განვითარებაში. ბუნებრივია, ასეთ პატარებს სჭირდებათ კარგი ხარისხის ფერადი ფანქრები, ფურცლები, საღებავები და კიდევ უამრავი სხვა სახატავი საშუალება.

ჩამოთვლილი ნივთები საკუთარი გამოცდილებიდან და ბავშვების პასუხების მიხედვით შევარჩიე. როდესაც მათ ვკითხე, რას ისურვებდნენ საჩუქრად და ვარიანტები ვაჩვენე, ამ 6 ნივთზე მიმითითეს. უნდა აღვნიშნო, რომ პატარებს შორის ყველაზე აქტუალური ჰოვერბორდია. კომენტარებში გაგვიზიარეთ თქვენი გამოცდილება - კიდევ რა საგნებია ისეთი, რაც ბავშვებს აბედნიერებთ?