ნივთის შეძენა ისეთივე მარტივია როგორც 1,2,3
1. გაიარეთ საიტზე რეგისტრაცია
2. ჩაირიცხეთ თანხა თქვენს პროფილზე
3. დააჭირეთ ღილაკს “ყიდვა”
სხვა დანარჩენი ჩვენ მოგვანდეთ
თანხის ჩარიცხვა შესაძლებელია
Visa, Mastercard, American Express
-თანხის ჩასარიცხად საიტის პროფილიდან გადადით ბალანსის გვერდზე
-დააკლიკეთ ღილაკს "ბალანსის შევსება"
-შეიყვანეთ ბარათის მონაცემები
-დადასტურების შემდეგ თანხა ავტომატურად ჩაგერიცხებათ
Express Pay, TBC Pay, PayBox
-თანხის ჩასარიცხად გადახდებში იპოვეთ ჩვენი ლოგო
-ჩაწერეთ თქვენი ტელეფონის ნომერი, რომლითაც დარეგისტრირდით ჩვენს საიტზე
-ეკრანზე დაინახავთ თქვენს სახელს, გვარსა და ბალანსს
-შეიტანეთ სასურველი თანხა
-დადასტურებიდან რამდენიმე წამში თქვენს პროფილზე აისახება ჩარიცხული თანხა
თიბისი ბანკი
- გადადით კომუნალურ გადახდებში
- აირჩიეთ "გადახდის დამატება"
- აირჩიეთ "ამანათები და ფოსტა"
- აირჩიეთ "Ebaygeorgia"
- შეიყვანეთ მობილურის ნომერი რომლითაც დარეგისტრირებული ხართ ჩვენს საიტზე
საქართველოს ბანკი
- გადადით გადახდებში
- აირჩიეთ "გადახდის დამატება", (მობილური აპლიკაციის სარგებლობის შემთხვევაში "შაბლონის შექმნა")
- აირჩიეთ "სხვა გადახდები"
- აირჩიეთ "ამანათები და ფოსტა"
- დაამატეთ "EBG"
- შეიყვანეთ მობილურის ნომერი, რომლითაც დარეგისტრირებული ხართ ჩვენს საიტზე
↪ სად მივიღებ ამანათს?
გამოწერილი ამანათის გატანას შეძლებთ საქართველოს მასშტაბით 40-ზე მეტი ფილიალიდან
*სასურველ ფილიალს აირჩევთ ყიდვის დროს.
*ამ ეტაპზე გამოწერილი ამანათების სახლში მიწოდების სერვისი არ გვაქვს.
↪ როგორ ჩავრიცხო თანხა?
წაკითხვა
მოწონება
ჯიბის საათი, როგორც კლასიკა და ელეგანტურობა
ნივთები კოლექციონერებისთვის - მარკები და მონეტები
მოდა რომ ბრუნავს, ეს ახალი ამბავი ნამდვილად არაა, მაგრამ გარდა იმისა, რომ ახალი თაობები გასული საუკუნის ტრენდებს თანამედროვედ აქცევენ, ისინი ანტიკული და ძველებური ნივთებისკენაც მიისწრაფვიან. ყველა სიძველეს თავისო ეშხი აქვს, ალბათ, იმიტომ, რომ იგი იდუმალ ისტორიებს ინახავს და თითქოს საშუალებას გვაძლევს, დროში ვიმოგზაუროთ.
ჩვენს საუკუნეში თავბრუს გვახვევს უამრავი გაჯეტი, პორტატული ხელსაწყო და მინიმალისტური ავეჯი. მაგრამ საუკუნეებგამოვლილი ნივთებისკენ ლტოლვა ყოველ ჩვენგანშია ჩაბუდებული. სწორედ ამიტომ, ეს ბლოგი ისეთ ნივთებს წარმოგიდგენთ, რომლებთაც სიძველის ელფერი დაჰკრავთ. ფრაზა "ყველაფერი ახალი კარგად დავიწყებული ძველია" ზუსტად შეესაბამება ამ ნივთებსა და მათი ქონის მსურველ ადამიანებს.
1) რეტრო საათი
კარგი საათი ოფიციალურ "ლუქს" ყოველთვის მატებს ელეგანტურობას. მაგრამ თუ საქმე რეტრო საათთან გვაქვს, ელეგანტურობასთან ერთად საოცარი მიმზიდველობა და იდუმალებაც გარანტირებულია. და ზოგადად, ხელი სხეულის ის ერთადერთი ნაწილია, რომელიც მთელი დღის განმავლობაში ჩვენი მხედველობის არეალშია მოქცეული, ამიტომ მის სილამაზეზე განსაკუთრებით უნდა ვზრუნავდეთ, რომ საკუთარი თავით თავადაც კმაყოფილები ვიყოთ.
ზემოთ მოყვანილი საათი პატრონის განწყობის გასალამაზებლადაა გაჩენილი. იგი ყოველი შეხედვისას იმ შეგრძნებას ბადებს, თითქოს დრო მაჯის გარშემო ბრუნავს. რეტრო საათი შესანიშნავი საჩუქარია - სოლიდური, დახვეწილი და ძალიან ხელმისაწვდომი. რადგან საათზე ვსაუბრობთ, აუცილებლად უნდა აღვნიშნო, რომ სიძველის მოყვარულებს შეუძლიათ, კედლის გუგულიანი საათების მრავალფეროვან არჩევანსაც გადახედონ.
2) ჯიბის საათი
რადგან საათებზე ვლაპარაკობდით, თავს უფლება ვერ მივეცი, ეს შესანიშნავი ხელსაწყო გამომეტოვებინა. ჯიბის შავი საათი ნამდვილი კლასიკაა, მისი გახსნის დროს იქმნება ასოციაცია, თითქოს ადამიანს ხელში დროის მანქანა უჭირავს. თუკი წინა საუკუნეებზე რამე წაგიკითხავთ ან მოგისმენიათ, ყველაფერი თქვენი გულის ჯიბეში გაცოცხლდება.
მიუხედავად იმისა, რომ შავი საოცრად ელეგანტურია, ზოგ ადამიანს ის არ უყვარს. ამიტომ, თუკი სხვა ფერებს ამჯობინებთ, შეგიძლიათ, ვერცხლის ან ოქროსფერი საათები შეიძინოთ, რომელიც ელეგანტურობით წინას სულაც არ ჩამოუვარდება.
P.S. ჯიბის საათის გაგონებისას ყოველთვის მახსენდება თეთრი კურდღელი ლუის კეროლის წიგნიდან "ალისა საოცრებათა ქვეყნაში". საათის ჩუქებას თუ წიგნის მოყვარულისთვის გადაწყვეტთ, გახადეთ თქვენი საჩუქარი უფრო სიმბოლური და დაუმატეთ ამ შესანიშნავი ნაწარმოების ძველებური ინგლისურენოვანი ეგზემპლარი, სასურველ შედეგს უცილობლად მიაღწევთ - საჩუქარი ადრესატში ემოციების ზღვას ააღელვებს.
3) ჩიბუხი
საინტერესო ნაწილი მწეველთათვის - ძველებური ჩიბუხი. ამაზე ბევრი არაფერია სათქმელი - ის ფაქტი, რომ დღეს ჩიბუხს ნაკლებად ხმარობენ, ჩემი მთავარი არგუმენტია იმ მოსაზრების განსამტკიცებლად, რომ თქვენ იგი უნდა შეიძინოთ. ის განგასხვავებთ სხვებისგან, დღეს ხომ ასეთი რთულია ისეთი ნივთის მოძებნა, რომელიც ყველა სხვა ადამიანს არ აქვს. რაც მთავარია, ჩიბუხი თამბაქოს საკუთარ, განსაკუთრებულ არომატს სძენს. თუმცა, თუკი მის ნატურალურ გემოს ამჯობინებთ, ყოველგვარი დანამატის გარეშე, შეგიძლიათ, თიხის ჩიბუხით ისარგებლოთ, რომელიც თამბაქოს ბუნებრივ გემოს შეუნარჩუნებს. ყველაფერთან ერთად, იგი სიგარეტზე მეტად "მოუფრთხილდება" თქვენს ჯანმრთელობას.
4) მონოკლი - ყელსაბამი
სიმართლე უნდა ითქვას - ძველებური სტილის ყელსაბმები ახლაც დიდი პოპულარობით სარგებლობს. მეტიც, მათ ყოველი მესამე თინეიჯერის კისერზე შეხვდებით. მაგრამ ის, რომელზეც მე ვსაუბრობ, განსაკუთრებულია! ეს ყელსაბამი, გაგიკვირდებათ, ჩვეულებრივი მონოკლის ფუნქციასაც პატიოსნად ასრულებს და კითხვაში დახმარების გაწევა თავისუფლად შეუძლია. აქვე აუცილებლად უნდა ვახსენო ვიქტორიანული ხანის საკითხავი პენსნე, სათვალე, რომლის გამოყენებაც ასევე შეიძლება ყელსაბამად. აირჩიეთ ფერი, დააკლიკეთ ერთხელ და თქვენს არაორდინალურ გარეგნობას უკანასკნელი დეტალი შემატეთ.
5) მონეტები
კოლექციონერებს EBG შესანიშნავ არჩევანს სთავაზობს. საიტზე უამრავი სახის მონეტას შეხვდებით. ისინი ისტორიის ნაწილია და შესაბამისად, ღირებულია. შეგიძლიათ ნახოთ: კანადური, ამერიკული, ავსტრალიური, ეგვიპტური ოქროსა და ვერცხლის მონეტები. მონეტები, რომლებიც ნებისმიერი კოლექციონერის კუთხეს (და თუნდაც - დარბაზს) გრანდიოზულობას შემატებს.
6) მარკები
კოლექციონერების თემას ძველი მარკებით გავაგრძელებ. კოლექციებში ერთ-ერთი ყველაზე პოპულარული მარკებია. თუ მარკებს ეძებთ, შეგიძლიათ, შეიძინოთ ძალიან ძველი ბრიტანული მარკები წმინდა ელენას კუნძულიდან; ვინტაჟური, სამცენტიანი მარკების კრებული და ა.შ. რაც მთავარია, საიტზე გვხვდება უზარმაზარი ალბომი, რომელიც მოიცავს მარკებს მთელი მსოფლიოდან.
7) ანტიკური კომპასის ყელსაბამი
ვერ შეგპირდებით, რომ ეს კომპასი ტყეში დაკარგულს გზის გაგნებაში დაგეხმარებათ, რადგან მისი ისარი არ ბრუნავს, მაგრამ მოდური ყელსაბამის ფუნქციას კი წარმატებით შეასრულებს. ეს ნივთი არ არის ნამდვილი გადმონაშთი წარსულიდან, მაგრამ მაინც, მისი თემატიკა იმ დროს გვახსენებს, ელექტრონული გზამკვლევები ჯერ იდეაშიც რომ არ არსებობდა. სხვათა შორის, ნამდვილი ანტიკური კომპასის შეძენაც შეგიძლიათ. მოგზაურობის მოყვარულისათვის შესანიშნავი, სიმბოლური საჩუქრის გაკეთება თუ გსურთ, ნამდვილად ის უნდა აჩუქოთ.
8) გრამოფონი
მართალია, ფირფიტებზე ჩაწერილ სიმღერებს აღარავინ უსმენს, მაგრამ ამ სიაში შესული ყოველი ეგზემპლარის მიზანიც ხომ წარსულში მოგზაურობაა. იმის გამო, რომ გრამოფონი საკმაოდ ძვირი ღირს და შეიძლება, თქვენს თანამედროვე სახის მინიმალისტურ ავეჯში გემოვნებიანად არც ჩაჯდეს, გთავაზობთ აქსესუარების ყუთს გრამოფონით. ასევე, თუ გსურთ, რომ მსგავსი ბავშვისთვის შეიძინოთ, გრამოფონის ფორმის პატარა მუსიკალური ყუთის შეძენაც შეგიძლიათ.
სტატიის დასასრულს მივუახლოვდით, მე კი საფუძვლიანად მაინც ვერ აღვწერე საკუთარი ლტოლვა სიძველის მიმართ; თითქოს უცნაური, მაგრამ ნამდვილია იმ მოგონებების სიყვარული, რომლებიც ჯერ კიდევ ჩვენს დაბადებამდე შეიქმნა. მხოლოდ იმასღა ვიმედოვნებ, რომ მკითხველი მიმიხვდა, რას ვგულისხმობ, როცა სიძველის მიმართ ვიჩენ უსაზღვრო გატაცებას, მაშინ, როცა ბევრად უფრო კომფორტული, მრავალფუნქციური და თანამედროვე ნივთებით შემიძლია სარგებლობა.
მიჩნდება შეგრძნება, რომ ჩვენი საუკუნე გარკვეულწილად ემოციისგან დაცლილია და წინა საუკუნეების ნივთები იმ პერიოდის სულით აღმავსებს. დიდად ვაფასებ მეცნიერების მიღწევებს, მაგრამ მაინც, ხანდახან ამ გიჟური რეალობიდან გამოთიშვაა საჭირო. მგონია, ეს შეგრძნება ჩვენს თანამედროვეობაში ზოგჯერ ყველა ადამიანს ეუფლება, ამიტომ მისი განეიტრალებისთვის ნივთები სწორედ მათ შევთავაზე, ვინც შესაძლოა, ჩემს ნაწერში საკუთარი თავიც დაინახა.
დეტალურად
.დარეგისტრირდით ჩვენს ვებგვერდზე
.სტატია კავშირში უნდა იყოს ebg-ს საქმიანობასთან ან და პროდუქციასთან
.გაფორმებული უნდა იყოს ხარისხიანი ფოტო მასალით
.არ უნდა არღვევდეს კანონს საავტორო უფლებების შესახებ
.და, რაც მთავარია, უნდა იყოს საინტერესო
.ყოველ გამოქვეყნებულ სტატიაზე თქვენ მიიღებთ 15 ლარს ebg.ge-ს ბალანსზე
.დამატებითი ანაზღაურება განისაზღვრება 30 დღის განმავლობაში დაგროვებული
უნიკალური წაკითხვის შესაბამისად : 2000 წაკითხვა = +5 ლარი
გადმოგვიგზავნეთ სრულყოფილი სტატია.
ჩვენი რედაქტორი მალევე დაგიკავშირდებათ