საძინებელი არის სივრცე, სადაც ყველა ადამიანი ცხოვრების უმეტეს ნაწილს ატარებს. ალბათ, დამეთანხმებით, რომ მყუდრო და კომფორტულ გარემოში დაძინებაც და გაღვიძებაც მეტად სასიამოვნოა. ასეთი სივრცის მოწყობა თავადაც შეგიძლიათ, ბლოგში წარმოდგენილი ნივთების საშუალებით.

 1. ბალიშები 

სიმყუდროვის შექმნაში, დიდი როლი უჭირავს რბილ და ფუმფულა ნივთებს, როგორიცაა: ბალიშები, რბილი გადასაფარებლები, პატარა ხალიჩები, ან თუნდაც პუფები. საბედნიეროდ, არსებობს დეკორატიული ბალიშების საკმაოდ დიდი არჩევანი, რაც საშუალებას გვაძლევს, ნებისმიერი სტილის ოთახს სიმყუდროვე და მრავალფეროვნება შევმატოთ. შეგიძლიათ არჩევანი გააკეთოთ პრინტიან ბალიშებზე, რომლებზეც დატანილი იქნება თქვენთვის სასურველი გამოსახულება, ან აირჩიოთ კლასიკური სტილის, სასიამოვნო მასალით შექმნილი ბალიშები.

2. ოთახის LED განათება 

როდესაც, თანამედროვე საძინებლის კომფორტსა და სიმყუდროვეზე ვსაუბრობთ, აუცილებლად უნდა ვახსენოთ ოთახის LED განათება. კონკრეტულად, LED განათება ძალიან დიდი პოპულარობით სარგებლობს მთელ მსოფლიოში. ეს გასაკვირი არცაა, რადგან ამ ფერადი მეგობრის დახმარებით შეგიძლიათ, ნებისმიერ ოთახს სიხალისე და ფერადოვნება აჩუქოთ. მისი ერთ-ერთი დადებითი მხარე მდგომარეობს იმაში, რომ არის ძალიან მარტივად სამართავი და ასევე, გააჩნია Bluetooth სისტემა რომლის საშუალებით, ლამაზ განათებასთან ერთად, შეგიძლიათ ისიამოვნოთ საყვარელი მუსიკით.

 3. დეკორატიული სურო 

შეიძლება, ერთი შეხედვით უცნაურად ჟღერს "სურო ოთახში", მაგრამ დამიჯერეთ, ამ დეკორატიულ მცენარეს ნამდვილად შეუძლია ოთახს მინიმალისტური სიმწვანე და კარგი განწყობა შემატოს. შეგიძლიათ ჩამოკიდოთ: კედელზე, კარზე, სარკეზე, ნებისმიერ ადგილას, მთავარია, მან მეტი სიმყუდროვე შეგიქმნათ.

      4. პოსტერები და ფოტოები 

კედლის გაფორმების იდეალური ვარიანტია - საოჯახო ფოტოები ან კედლის პოსტერები. სხვადასხვა ზომის და თემატიკის პოსტერები ძალიან კარგი საშუალებაა ოთახის გასახალისებლად, სივრცის გადატვირთვის გარეშე.

5. ქილა LED განათებით და ყვავილებით 

თუ თქვენთვის სიმყუდროვე, სხვა ყველაფერთან ერთად, დახვილობას და ელეგანტურობასაც ითვალისწინებს, მაშინ, აუცილებლად მოგეწონებათ ხელნაკეთი დეკორაცია, ასეთი ქილის სახით, რომელიც საძინებელში თბილ და რომანტიკულ ატმოსფეროს შექმნის. შეგიძლიათ გამოიყენოთ, არა მხოლოდ საძინებელი ოთახის, არამედ, სახლის სხვა წერტილების გასაფორმებლადაც.

 6. გასაშლელი თარო საწოლისთვის  

საოცრად კომპაქტური და მოსახერხებელი თარო, რომელზეც უამრავი ნივთის თავისუფლად და ორგანიზებულად დატევა შეგიძლიათ. თაროს აქვს ძლიერი დამჭერი სისტემა, რომლის საშუალებითაც, მის მიმაგრებას ნებისმიერი საწოლის ჩარჩოზე შეძლებთ. ეს ნივთი, ნამდვილად კომფორტის მოყვარულებისთვისაა შექმნილი და ასევე მათთვის, ვისაც საძინებელში არასაკმარისი სივრცე აქვს.

 7. სურათების მანათობელი დამჭერები 

შესანიშნავი გზა: ფოტოების, ნახატების და სხვა მსუბუქი წონის ნივთების გამოსაჩენად. ეს განათება საძინებელში შექმნის ნოსტალგიურ, თბილ და მყუდრო ატმოსფეროს. წარმოიდგინეთ, რამდენი სასიამოვნო მოგონების დატევა შეგიძლიათ კედელზე, ლამაზ განათებასთან ერთად. ფოტოების ამ ხერხით გამოფენა ოთახს გამოაცოცხლებს და მის ზოგად იერს უფრო "თამამს" გახდის.

8. ეთერზეთოვანი არომატის დიფუზორი 

თუ გსურთ, რომ თქვენს საძინებელში სასიამოვნო სურნელი და ტენიანი ჰაერი ტრიალებდეს, აუცილებლად უნდა სცადოთ - ეთერზეთოვანი არომატის დიფუზორი, რომელიც არსებულ ჟანგბადს წმენდს, ასუფთავებს, ანიჭებს უკეთეს ხარისხს და სასიამოვნოს ხდის მის მოხმარებას. ამ მრავალფუნქციურ მოწყობილობას შეუძლია დაატენიანოს თქვენი კანი და ხელი შეუწყოს მის განახლებას. ასევე, გამოიყენება არომათერაპიაში. გამოირჩევა დახვეწილი დიზაინით. ვფიქრობ, ის ნამდვილად იმსახურებს საპატიო ადგილს ჩვენს საძინებლებში.

 ესეც ასე, იმედია, მოგეწონებათ თქვენთვის შერჩეული პროდუქცია. თქვენ რას დაამატებდით?