გახსოვს ბავშვობა?

ზოგჯერ უშუქობა, ზოგჯერ ტელევიზორზე შეერთებული დენდი და მარიო, ფოტოალბომები სოციალური ქსელების ნაცვლად და სურათების ბეჭდვა "კოდაკის" სალონში. საეჭვო წარმოშობის ლიმონათები, უფრო საეჭვო ზუკო და ა.შ.

90-ანების ბოლოს დაბადებულთათვის პერსოანლური კომპიუტერი იყო უზარმაზარი მაგიური ყუთი კუზიანი ეკრანით, რომელმაც ელვის სისწრაფით განიცადა ევოლუცია. ჩვენ ვიზრდებოდით, ის პატარავდებოდა. 

ჰოდა, კომპიუტერთან ერთად, დრომ ბევრი სხვა ნივთიც დააპატარავა, რომელზეც შეიძლება ჯერ არ გსმენია. 

GAME BOY

დავიწყებ ჩემთვის ყველაზე ნოსტალგიური ნივთით, დენდი ხომ შემთხვევით არ მიხსენებია.

ეს მშვენიერება არის Gameboy - გეიმბოი, დენდის და ნინტენდოს თანამედროვე, დაპატარავებული ანალოგი, რომელსაც 400-ზე მეტი რეტრო თამაში აქვს საკუთარ მახსოვრობაში, მათ შორის ყველასთვის საყვარელი მარიოც.

• გეიმბოი შეგიძლია ტელევიზორს შეუერთო, ან თავად კონსოლის ეკრანზე ითამაშო.
• მოჰყვება 2 ჯოისტიკი, ანუ შეგიძლია მეგობარსაც ეთამაშო!
• გეიმბოის კორპუსი და ეკრანი მყარია, უძლებს დავარდნას, აქვს სასიამოვნო ტექსტურა, და ძლიერი ბატარეა.

ხედავ რამდენს ვაქებ?  ეს იმიტომ რომ მინდა მეც მაჩუქოს ვინმემ...

ეს მინი კონსოლი ebg.ge - ზე 70 ლარამდე ჯდება, და იდეალური საჩუქარი იქნება არა მარტო მათთვის, ვისაც ახსოვს ნინტენდო და დენდი, და მათთან გატარებული მხიარული დღეები, არამედ სმარტფონის ეპოქაში დაბადებული პატარებისთვის და მათი მშობლებისთვისაც.

 მინი პროექტორი

და ჰო, კინოთეატრიც დავაპატარავეთ!

ეს პაწაწინა ჩემს სახლშიც ბინადრობს და 2020-ში განსაკუთრებით გამოსადეგი აღმოჩნდა. კინოთეატრი დაიხურა? პრემიერას შეგვიძლია ჩემთან ვუყუროთ! პროექტორი კარგი შენაძენი ან საჩუქარი იქნება ფეხბურთის მოყვარულებისთვის. 

• ეს პაწაწინა პროექტორი სულ 12 სმ-ია, არის ჩიტივით მსუბუქი და ბიუჯეტური,
• აქვს შიდა დინამიკი,
• გამოსახულების Full HD ხარისხი.
• შეგიძლიათ, შეუერთოთ ტელეფონს, თამაშების კონსოლს და ა.შ. 

 ფოტო პრინტერი

შემდეგი ნივთი შენს სამახსოვრო ფოტოებს დაბეჭდავს, ნებისმიერ დროს, ნებისმიერ ადგილას:

ჩემი შემოთავაზებული მინი პრინტერი ლეგენდარული კოდაკის ფირმისაა - შეუძლია დაუკავშირდეს ტელეფონს ბლუთუსით, და მომენტალურად დაბეჭდოს ნებისმიერი ფოტო.

ფოტოსურათი ქაღალდზე დღეს იშვიათი და გამორჩეული მოვლენაა. ელექტრონული მოწყობილობებისგან განსხვავებით, დაბეჭდილი ფოტო შეგვიძლია ვაჩუქოთ მეგობარს, ვატაროთ საფულით ჩვენი პატარას, მშობლების, საყვარელი ადამიანის ფოტო, მივაკრათ სახლში კედლებზე, მაცივარზე, ჩავსვათ ჩარჩოში და ამით გამოვარჩიოთ სხვა ასობით ფოტოსგან, რადგან მე მჯერა რომ ჩემი, და შენი განსაკუთრებული მოგონებები განსაკუთრებულ მოპყობას იმსახურებენ. 

ჯიბის მიკროსკოპი

ევოლუცია მიკროსპოებმაც განიცადა 

თანამედროვე მინი მიკროსკოპებს უკვე 60-ჯერ შეუძლიათ გაადიდონ ნებისმიერი ზედაპირი თუ არსება. ეს მინი მიკროსკოპები ასანთის კოლოფის ზომისაა, იტენება USB კაბელით. ამ მიკროსკოპის გამოყენება მრავალგვარია: 

• გამადიდებელით შეგიძლია ყალბი ბანკნოტი ამოიცნო, ჩაშენებული ულტრაიისფერი განათების საშუალებით.
• შეგვიძლია დავაკვირდე ქსოვილებს, გაარჩიო ნატურალური თუ არანატურალური მასალა, ძვირფასი მეტალების ხარისხი,
• შეამოწმო საკვების სისუფთავე და მდგომარეობა ან უბრალოდ ვნახოთ მინი-სამყარო, რომელიც შეუიარაღებელი თვალისთვის უხილავია. მაგალითად, ამ ვიდეოზე ჩანს 60-ჯერ გადიდებული, უსაყვარლესი პატარა მიკროორგანიზმი: 

განახლებული ფირსაკრავი

სულ ბოლოს მელომანებისთვის საყვარელი ნივთის თანამედროვე ვერსია მინდა გაჩვენო  

მშობლების თაობას ბევრი სასიამოვნო საღამო გაუტარებია ძველ გრამაფონებთან, თითოეული ფირი განსაკუთრებული სინაზით და სიყვარულით ინახებოდა ოჯახებში, ხოლო ფირთა დიდი კოლექციის ქონა საპატივცემულო ჰობი იყო. დღევანდელ ფირსაკრავებს აქვს ბევრად მეტი ფუნქცია, და მათი ზომებიც გაცილებით შემცირებულია. არსებობს ფირსაკრავების როგორც ბიუჯეტური, ასევე ძვირი და ლუქს ვერსიები.

ყველაზე მნიშვნელოვანი განახლება კი, რაც ფირსაკრავებმა დროის განმავლობაში მიიღო, არის ბლუთუს კავშირი თქვენს სხვადასხვა მოწყობილობებთან.  შეგიძლია, ფირსაკრავი დაუკავშირო დინამიკებს ან ყურსასმენებს, და დატკბე საუკეთესო, მელომანური ხარისხის აუდიოთი.

ფირსაკრავებს ასევე ბევრი პროფესიონალი დიჯეი იყენებს, მიქსინგის პროცესში საინტერესო მუსიკის სემპლების, იგივე ნიმუშების ჩასართავად საკუთარ კომპოზიციებში.

დღევანდელი ფირსაკრავები ასევე ულამაზესი დეკორაციაა რეტრო სტილის აპარტამენტებისთვის, თუმცა უპირველეს ყოვლისა, აუცილებელი ნივთია ყველა იმ ადამიანისთვის, ვინც თვლის რომ მუსიკას მის ცხოვრებაში უდიდესი ადგილი უჭირავს.

ამ მინი ბლოგით მინდოდა შემეხსენებინა ძველი, ნოსტალგიური ნივთების არსებობა. მჯერა, რომ ნებისმიერი ნივთი ამ სიიდან საინტერესო საჩუქარი იქნება მათთვის, ვინც ღირებულად მიიჩნევს წარსულის ელემენტებს და მათ დანახვაზე სიამოვნებით გაეღიმება. 

თუ გაინტერესებს, რომელ ნივთს იჩუქებდნენ შენი მეგობრები, გააზიარე ჩემი ბლოგი, და იქნებ შენს საიდუმლო სანტასაც მიაწოდო მომავლი საჩუქრის იდეა, თუნდაც ძველით ახალი წლისთვის :) 

__

მომავალ ბლოგამდე, 

ანა