მოემზადეთ ზამთრის კურორტისთვის და გაითვალისწინეთ ყველა შესაძლო სიტუაცია

არაფერი სჯობს სუსხიანი ზამთრის მთის კურორტებზე გატარებას, მთელი დღე სრიალი, გართობა, გარუჯვა, ცხელი გლინტვეინის დალევა. საღამოს კი ოჯახთან და მეგობრებთან ერთად ბუხრის გარშემო შეკრება.

თუ გვინდა რომ ზამთრის კურორტზე დასვენება მაქსიმალურად კომფორტული იყოს, უნდა მოვემზადოთ ყველანაირი სიტუაციისთვის.

არ აქვს მნიშვნელობა იცი თუ არა თხილამურზე ან სნოუბორდზე დგომა, თბილი წყალგაუმტარი ტანისამოსი ყველას სჭირდება. ქალის სპორტული სამოსიც და კაცის სპორტული  სამოსიც უნდა შედგებოდეს ორი ნაწილისგან, ქურთუკისა და შარვლისგან, რადგან ჩემი აზრით მეტად მოსახერხებელია, ვიდრე ერთიანი კომბინიზონი იმის გათვალისწინებით, რომ დღის განმავლობაში შეიძლება ისე დაცხეს ქურთუკის გახდა მოგიწიოთ.

თოვლს ძალიან უხდება ფერადი ტანსაცმელი. ამიტომ თქვენი და ბავშვის კოსტუმის არჩევისასაც შგიძლიათ მაქსიმალურად ჩართოთ ფანტაზია და შეარჩიოთ ფერად-ფერადი კოსტუმები როგორც გოგოსთვის, ისე ბიჭისთვის. აქაც სჯობს ორნაწილიანი მოდელები აირჩიოთ. რაც შეეხება ახალშობილს სჯობს მთლიან კომბინიზონზე შეაჩეროთ არჩევანი.

ფეხსაცმელი ზამთრის კურორტზე ყველაზე მნიშვნელოვანი აქსესუარია, მისი არჩევისას გაითვალისწინეთ: უნდა იყოს თბილი, წყალგაუმტარი და ასევე კანი უნდა სუნთქავდეს. ქალის ფეხსაცმელი ისევე როგორც მამაკაცის შეარჩიეთ შარვლის ფერებში. ბავშვის ფეხსაცმელებიც მაქსიმალურად ფერადები აარჩიეთ. თქვენი პრინცესებისა  და პრინცებისთვის  შეარჩიეთ მათი საყვარელი ფერები.

კიდევ ერთი მნიშვნელოვანი აქსესუარი, რომელიც არ უნდა დაგრჩეთ არავითარ შემთხვევაში არის სათვალე. ქარში, თოვლში, მზეში, ხარისხიანი სათვალე საიმედოდ დაგიცავთ. მთავარია სახეზე კარგად გერგებოდეთ, რომ არ დაიორთქლოს.

სახის ნიღაბი ქარიან და სუსხიან ამინდში თქვენი განუყრელი მეგობარი გახდება, მისი  დახმარებით თავიდან აიცილებთ, როგორც სიცივისგან კანის გამოშრობას, ასევე მზის დამწვრობას. ბავშვებისთვის აუცილებელია მათი ზომა ნიღბის გამოყენება.

ხელთათმანების გარეშე არ წახვიდეთ ზამთრის კურორტზე. უკეთესია თუ იქნება თხელი და თბილი რათა სრიალიც გაგიადვილდეთ და ბავშვებთან ერთად გუნდაობაც. არც თვენი პატარებისთვის დაგავიწყდეთ ხელთათმანის წაღება სიცივემ რომ არ შეაწუხოს ისინი.

კარგი თერმოსი  გამოგადგებათ ნებისმიერ სიტუაციაში. მე სულ თან დამაქვს ცხელი ყავა, ჩაი ან შოკოლადი.

ასევე შეიძლება გამოიყენოთ მათარა,  ზამთრის კურორტს ძალიან უხდება.

თუ ფიქრობთ რომ რაიმე გამომრჩა გთხოვთ მომწეროთ თქვენი რჩევები.