,,უგემოვნობას თავისი საზღვარი აქვს, გემოვნება კი უსასრულოა''- კოკო შანელი

სახლის ინტერიერი გაცილებით მნიშვნელოვანია, ვიდრე წარმოგიდგენიათ. წარსულს ჩაბარდა დრო, როცა ადამიანები ფიქრობდნენ, რომ ინტერიერის დიზაინი მხოლოდ მგრძნობელობისა და კარგი გემოვნების პომპეზური გამოხატულება იყო სივრცეში. დღესდღეობით უკვე ბევრი ადამიანი მიხვდა იმ სივრცეზე ზრუნვის ჭეშმარიტ მნიშვნელობას, სადაც ცხოვრების ძალიან დიდ დროს და უმშვენიერეს წამებს ატარებენ. ინტერიერის დიზაინის შექმნა ეს არის პროცესი, რომელიც ადამიანებს აძლევს ესთეტიურად სასიამოვნო და ეფექტური გარემოს შექმნის შესაძლებლობას, მიზანი კი ერთმნიშვნელოვნად არის ცხოვრების ხარისხის გაუმჯობესება იმ ადამიანებისთვის, რომლებიც ამ გარკვეული სივრცით სარგებლობენ.

სივრცის ფუნქციური ხასიათი ნაკლებად მნიშვნელოვანია, რადგან ალბათ ხშირად გინახავთ პატარა სახლი უმშვენიერესი დიზაინითა და სივრცის დაზოგვის გასაოცარი შტრიხებით და დიდი სახლი, სადაც ინტერიერი იწვევს ვიზუალურად სივრცის შეზღუდვას. აქედან გამომდინარე, შეიძლება ითქვას, რომ ინტერიერი უფრო მნიშვნელოვანია, ვიდრე თქვენი სახლის არქიტექტურა.  ინტერიერი ფერების, ტექსტილის, განათების შერჩევაზე ბევრად მეტია. ნებისმიერი დეტალი აუცილებლად დიდი სიფრთხილით უნდა შეარჩიოთ, იქნება ეს კედლების ფერი, ფარდები, ავეჯი განათება თუ სხვა. გაითვალისწინეთ რომ სახლის შინაგანი დიზაინი ქმნის თქვენს შინაგან განწყობას, ხელს უწყობს თქვენი სულის სიმშვიდეს და გათავისუფლებთ დაძაბულობისგან დამღლელი დღის შემდეგ.

პირველ რიგში, აირჩიეთ თქვენი დიზაინი. მოისმინეთ სხვისი აზრიც მაგრამ ენდეთ თქვენსას. კარგად დაფიქრდით, განსაზღვრეთ თქვენი მიზანი და შეცვალეთ თქვენი სახლის დეკორი ამ მიზნის შესაბამისად. განსაკუთრებით დიდი ყურადღება დაუთმეთ საძინებელს-ეს არის ადგილი რომელიც სრულიად განსხვავდება სხვა ოთახებისგან. ეს არის ადგილი სადაც თქვენ უნდა მოდუნდეთ და გათავისუფლდეთ უარყოფითი ემოციებისგან. სასიამოვნო ავეჯი და ფერთა გამა ქმნის საძინებელში სრულ ჰარმონიას. ფერები ღრმა ზეგავლენას ახდენენ ჩვენს ემოციებზე, ასე რომ, ისინი შეარჩიეთ, მათი ეფექტის გათვალისწინებით. მე ვეთანხმები სოფი ლორენის უმშვენიერეს სიტყვებს  - ,, უბრალოება გენიალურობის არსია'' და ვფიქრობ რომ ყველაფერი გენიალური მარტივია. ღია და ჰაეროვანი სივრცის შესაქმნელად ღია ფერი საუკეთესო გადაწყვეტილებაა. საძინებელი უნდა იყოს სადა და ნაკლებად გადატვირთული.

თუმცა ღია საძინებელსაც სჭირდება მუქი ელემენტი, ე.წ. Sexy glamour... ბალანსი არის გასაღები... ეს შეიძლება იყოს ხალიჩა, განათება, იატაკი ან სხვა თქვენი არჩევანის შესაბამისად.

ყვავილები აუცილებლად. მიეცით თავს უფლება, მიიღოთ შთაგონება სუფთა ყვავილებიდან, განსაკუთრებით ზამთარში როცა თქვენ სიმწვანის ენერგეტიკა და ხალასი გჭირდებათ.

დიზაინერები თითქმის გამორიცხავენ საძინებელში სამუშაო მაგიდის არსებობას, თუმცა ვერ დავეთანხმები. სურვილის შესაბამისად გამოყავით თქვენს საძინებელში სამუშაო მაგიდის ადგილი, სასურველია თქვენი საწოლიდან რაც შეიძლება შორს, ასე თქვენ თავს დამნაშავედ არ იგრძნობთ დაუსრულებელი დოკუმენტების წინაშე. ასევე შეიძლება დაგაინტერესოთ ჩვენმა ბლოგმა სამუშაო მაგიდის მოწყობასთან დაკავშირებით.

სარკეები დიზაინის ჯადოსნური ელემენტია. სარკე სივრცეს ქმნის უფრო დიდს, ნათელსა და უნიკალურს. მაგრამ თქვენი გადასაწყვეტია, მიუჩინოთ მას ადგილი თქვენს საძინებელში თუ დატოვოთ კედელს მიღმა.

და ბოლოს, არაფერი დაგირღვევთ დილის ბედნიერ წუთებს იმაზე მეტად, ვიდრე ცივ და უხეშ იატაკზე გაღვიძებიდან პირველი ნაბიჯების გადადგმა. აირჩიე ხალიჩა რბილი, ელეგანტური და მუდმივი. შეეცადეთ შეინარჩუნოთ ის სამუდამოდ

გაითვალისწინეთ ,,უგემოვნობას თავისი საზღვარი აქვს,  გემოვნება კი უსასრულოა''- კოკო შანელი