ნივთის შეძენა ისეთივე მარტივია როგორც 1,2,3
1. გაიარეთ საიტზე რეგისტრაცია
2. ჩაირიცხეთ თანხა თქვენს პროფილზე
3. დააჭირეთ ღილაკს “ყიდვა”
სხვა დანარჩენი ჩვენ მოგვანდეთ
თანხის ჩარიცხვა შესაძლებელია
Visa, Mastercard, American Express
-თანხის ჩასარიცხად საიტის პროფილიდან გადადით ბალანსის გვერდზე
-დააკლიკეთ ღილაკს "ბალანსის შევსება"
-შეიყვანეთ ბარათის მონაცემები
-დადასტურების შემდეგ თანხა ავტომატურად ჩაგერიცხებათ
Express Pay, TBC Pay, PayBox
-თანხის ჩასარიცხად გადახდებში იპოვეთ ჩვენი ლოგო
-ჩაწერეთ თქვენი ტელეფონის ნომერი, რომლითაც დარეგისტრირდით ჩვენს საიტზე
-ეკრანზე დაინახავთ თქვენს სახელს, გვარსა და ბალანსს
-შეიტანეთ სასურველი თანხა
-დადასტურებიდან რამდენიმე წამში თქვენს პროფილზე აისახება ჩარიცხული თანხა
თიბისი ბანკი
- გადადით კომუნალურ გადახდებში
- აირჩიეთ "გადახდის დამატება"
- აირჩიეთ "ამანათები და ფოსტა"
- აირჩიეთ "Ebaygeorgia"
- შეიყვანეთ მობილურის ნომერი რომლითაც დარეგისტრირებული ხართ ჩვენს საიტზე
საქართველოს ბანკი
- გადადით გადახდებში
- აირჩიეთ "გადახდის დამატება", (მობილური აპლიკაციის სარგებლობის შემთხვევაში "შაბლონის შექმნა")
- აირჩიეთ "სხვა გადახდები"
- აირჩიეთ "ამანათები და ფოსტა"
- დაამატეთ "EBG"
- შეიყვანეთ მობილურის ნომერი, რომლითაც დარეგისტრირებული ხართ ჩვენს საიტზე
↪ სად მივიღებ ამანათს?
გამოწერილი ამანათის გატანას შეძლებთ საქართველოს მასშტაბით 40-ზე მეტი ფილიალიდან
*სასურველ ფილიალს აირჩევთ ყიდვის დროს.
*ამ ეტაპზე გამოწერილი ამანათების სახლში მიწოდების სერვისი არ გვაქვს.
↪ როგორ ჩავრიცხო თანხა?
მზად ხარ ზაფხულისთვის?
წაკითხვა
მოწონება
საით გაგიწევიათ ამ ზაფხულს? ეგვიპტე, თურქეთი, საბერძნეთი, კვიპროსი ან თუნდაც იამაკის მზე დასასვენებლად მშვენიერი ადგილებია. ვერ შეგედავებით, ნამდვილად კარგი არჩევანია და ბევრი რამ დაგრჩებათ სამახსოვროდ. თუმცა უმრავლესობა ალბათ აქ, წელიწადის ამ დროს საქართველოში დარჩებით. ბათუმი, ურეკი, შეკვეთილი თუ სხვა კურორტები პოპულარობას მაინც არ კარგავს. როგორც არ უნდა გადაწყვიტოთ, თქვენ შეგიძლიათ ისიამოვნოთ ზაფხულით, თუკი წინასწარ მოემბზადებით და ბოლო წუთამდე არ გადადებთ სამზადისს. „და თან რა წავიღოთ?“ — კითხვა რომელიც უცებ მოგივიდათ გონებაში. ნივთების სია უსასრულოდ შეიძლება გაგრძელდეს, მაგრამ არის რამოდენიმე ნივთი, რაც აუცილებლად დაგჭირდებათ.
საიდან დავიწყოთ? გააჩნია სად გადაწყვიტეთ წასვლა. ვთქვათ, მეგობრებთან ერთად არჩიეთ ტყეში კარვებით ლაშქრობა.
რაჭა, ბორჯომი, სვანეთი თუ სხვა მთაგორიანი ადგილები შესანიშნავი არჩევანი იქნებოდა. მაგრამ რა უნდა გაითვალისწინოთ ამ დროს? პირველ რიგში საბარგულში ჩადეთ კარავი, სასურველია თუკი ის წყალგაუმტარი იქნება. თუ გაწვიმდა თავს დაცულად იგრძნობთ და წვიმასაც თავისებური ხიბლი ექნება. დამეთანხმებით, რომ თუ დასველდით, ყველაფრის ხალისი დაგეკარგებათ და იფიქრებთ აქ რამ მომიყვანაო. არ უნდა დაგავიწყდეთ გასაბერი ლეიბი. თუ მეორე ნახევართან ერთად მიდიხართ, მაშინ ორსაწოლიანი ლეიბი დაგჭირდებათ. თუ გინდათ სიამოვნება მიიღოთ ბუნებაში ყოფნით, მაშინ შეეცადეთ ყველანაირი კომფორტი შეიქმნათ. კომფორტი კი ხშირ შემთხვევაში დეტალებშია. იმის თქმა მინდა, რომ წვრილმანი ნივთების წაღებას ყურადღება უნდა მიაქციოთ. აუცლიებლად დაგჭირდებათ დანა, თუკი გაქვთ წამოიღეთ მოკლე ზომის ნაჯახი. ეგ რათ გინდათ? ბოლო ბოლო ტყეში მიდიხართ და კოცონის დასანთებად შეშა ხომ უნდა შეაგროვოთ? სამგზავრო მაცივარიც დიდ სამსახურს გაგიწევდათ, სადაც წყალს და სხვა პროდუქტებს ცივად შეინახავდით. გიყვართ ყავა? რას იტყოდით თერმოსი რომ წამოგეღოთ? დამიჯერეთ ნამდვილად არ ინანებთ. ველურ ბუნებაში ყოფნამ მოშიება იცის. ასე რომ, პირადი გამოცდილებიდან შემიძლია ვთქვა, თუკი არ გინდათ შიმშილმა შეგაწუხოთ, გაზქურასთვის აუცილებლად გამონახეთ ადგილი საბარგულში. თან აუცილებლად იქონიეთ წყალგაუმტარი ასანთი, ასეთ შემთხვევაში საგრძნობლად გაგიადვილდებათ ცეცხლის დანთება და ყავასაც უმალ მოადუღებთ. არაფერი სჯობს ღამით ღია ცის ქვეშ ვარსკვლავებით მოჭედილი ცის ყურებას. მართალია მთანობები გზას გვინათებს, მაგრამ აუცილებლად უნდა იქონიოთ თან ჯიბის სანათი. ეს მეტად პრაქტიკული ნივთი ტყეში საღამოს გზის გასაკვლევად აუცილებლად დაგჭირდებათ. საჭმელ-სასმელზე აღარ ვისაუბრებ, რადგან ამ საკითხში ყველას განსხვავებული გემოვნება აქვს. თუმცა ჩემს შემთხვევაში პრაქტიკული აღმოჩნდა კონსერვების წაღება, რადგან ადვილად არ ფუჭდება და განსაკუთრებულ მოვლა-პატრონობასაც არ საჭიროებს.
აი ტანსაცმელს და აღჭურვილობას რაც შეეხება, აქ უფრო მეტი შეიძლება ვისაუბროთ. ზურგჩანთა ამ დროს აუცილებელი ატრიბუტია. ადგილზე მისულს, ძალიან მომეწონა ბუნება და კარვის გაშლის შემდეგ გადავწყვიტე იქაურობა დამეთვალიერებინა. კარგი ვქენი, რომ თან ლაშქრობისთვის შესაფერისი ფეხსაცმელი მეცვა, რისი დახმარებითაც ტყეში კომფორტულად გადაადგილება არ გამჭირვებია. საღამოს სეირნობის შემდეგ დასვენებას და კოცონთან ჯდომას არაფერი ჯობია. დამეთანხმებით, ვისაც მსგავსი სიტუაციები გამოგიცდიათ, დაუვიწყარი დროის გატარება შეიძლება. მაგრამ ორგანიზმი ძილს როცა ითხოვს, წინ ვერ აღუდგები. დროა რომ საძილე ტომარაში შეძვრეთ ან თერმო საბანი მოიფაროთ. გასაგებია, რომ ზაფხულია, მაგრამ ღამით მაინც ცივა. თუ არც ერთი გაქვთ და არც მეორე, ეს არ ნიშნავს რომ სიცივისგან გაიყინებით. გამოსავალი მაინც არსებობს. კოცონთან ახლოს მოკალათდით და ეცადეთ არ ჩაგიქრეთ, თან მეგობარიც თუ დაიყოლიეთ, მარტოს არ მოგიწევს ღამის გათენება. მართალია საძილე ტომარა ამ დროს ბევრად უკეთესია, მაგრამ კოცონთან ჯდომასაც ხომ თავისი ხიბლი აქვს?
იქნებ სურვილი გაქვთ ამ დროს მეგობარს დაურეკოთ და მოიკითხოთ ან თავგადასავლების შესახებ უამბოთ. მაგრამ დღევანდელი სმართფონების გადამკიდეს, ალბათ ის გაწუხებთ ბატერეა რამდენ პროცენტზეა. თუ აღმოჩნდა რომ თქვენი ტელეფონი კვდება, ეს ნამდვილად არ გაგახარებთ. გამოსავალი ის იქნებოდა, თუკი „ფოვერბანკისთვისაც“ გამოვნახავდით ადგილს ჩანთაში. თუმცა კარგი იქნება მისი ყიდვისას ამპერსაც მივაქციოთ ყურადღება, რადგან მეტი ამპერი მეტ ენერგიას ნიშნავს. ლაშქრობისას ბევრი სხვა ნივთის წაღებაც შეგიძლიათ, უბრალოდ ეს იმაზეა დამოკიდებული კონკრეტულად სად გაქვთ გადაწყვეტილი წასვლა. მაგრამ ის ნივთები, რომლებიც ჩამოვთვალეთ, ნამდვილად დიდ სამსახურს გაგიწევთ.
რა ვქნათ იმათმა, ვინც ზღვაზე მივდივართ? მზე, ქვიშა, ზღვა და პლიაჟი ნამდვილად სიამოვნების მომგვრელია. ალბათ ერთი სული გაქვთ როდის გაიხსება ზღვის სეზონი და გადაწყვიტეთ კიდევაც სად წახვალთ დასასვენებლად.
ასეთ შემთხვევაში, კარვებით ლაშქრობისგან განსხვავებით, ბევრად ნაკლები ნივთების წაღება დაგჭირდებათ. ერთ-ერთი რამ, რის წაღებაც პირველ რიგში მინდა გირჩიოთ, ესაა მზისგან დამცავი ლოსიონი. გარუჯვა რათქმაუნდა კარგია, თუმცა ზედმეტი არაფერი ვარგა. დამწვარ კანზე „მაწონის აბაზანის“ მიღებას ჯობია წინასწარ დავიჭიროთ თადარიგი, რომ შემდეგ ტანსაცმლის ჩაცმა დისკომფორტად არ გვექცეს. თუკი ეფიცხებით ზაფხულის მზეს, მაშინ მაგარი მზის სათვალე დაგჭირდებათ! თუმცა ერთი შეხედვით წვრილმანია, მის გარეშე წასვლას არ გირჩევდით. სურვილისდა მიხედვით შეგეძლოთ წაგეღოთ ე.წ. „დაივინგის ნიღაბი“, რომელიც ყვინთვისას შეუცვლელი ნივთია. დასაკეცი სკამი და გასაბერი ლეიბი ნამდვილად სიამოვნებას მოგანიჭებთ. გიყვართ პლიაჟის ფრენბურთი? არ გირჩევდით, რომ თაკარა მზეზე გეთამაშათ, მაგრამ საღამოთი თამაში ნამდვილი სიამოვნებაა. ხომ არ წაიღებდით ფრენბურთის ბურთსაც? ნუ დარჩებით სხვების იმედად, თუ თამაში გიყვართ ჯობია ბურთი თან წაიღოთ. ასე რომ, გადაწყვიტეთ კონკრეტულად სად ამჯობინებთ დასვენებას და შესაბამისად მოემზადეთ.
წინ ცხელი ზაფხული გველოდება. რაც უფრო მეტად მოვემზადებით, მით მეტ სიამოვნებას მივიღებთ. მაშ ასე, რას აპირებთ? სად ეფიცხებით ზაფხულის მზეს? თუ ბუნებაში დასვენება გიზიდავთ? რაც არ უნდა გადაწყვიტოთ, სასიამოვნო დროის გატარებას გისურვებთ.
დეტალურად
.დარეგისტრირდით ჩვენს ვებგვერდზე
.სტატია კავშირში უნდა იყოს ebg-ს საქმიანობასთან ან და პროდუქციასთან
.გაფორმებული უნდა იყოს ხარისხიანი ფოტო მასალით
.არ უნდა არღვევდეს კანონს საავტორო უფლებების შესახებ
.და, რაც მთავარია, უნდა იყოს საინტერესო
.ყოველ გამოქვეყნებულ სტატიაზე თქვენ მიიღებთ 15 ლარს ebg.ge-ს ბალანსზე
.დამატებითი ანაზღაურება განისაზღვრება 30 დღის განმავლობაში დაგროვებული
უნიკალური წაკითხვის შესაბამისად : 2000 წაკითხვა = +5 ლარი
გადმოგვიგზავნეთ სრულყოფილი სტატია.
ჩვენი რედაქტორი მალევე დაგიკავშირდებათ