მამაკაცები განვსხვავდებით ერთმანეთისგან გემოვნებით, ასაკითა თუ წარმომავლობით. ეს სხვაობა ჩვენს აქსესუარებში და ჩაცმულობაშიც ჩანს, მაგრამ ამის მიუხედავად ყველას მაინც ერთი საერთო გვაქვს — გვინდა კარგად გამოვიყურებოდეთ

დღეს ზოგიერთი ნივთი საერთო მოხმარებისაა, თუმცა არსებობს ნივთები, რომლებსაც მხოლოდ მამაკაცები თუ გამოიყენებენ ან პირიქით — მხოლოდ მანდილოსნები თუ შეიფერებენ. თუმცა ყველას განსხვავებული გემოვნება, საქმიანობა და ჰობი გვაქ, მაგრამ დღეს მოკლედ გვინდა შევეხოთ იმ ნივთებს, რომლითაც მამაკაცთა უმრავლესობა სარგებლობს.

მაშ ასე, როცა მამაკაცის ნივთებზე ვსაუბრობთ, პირველი რაც უმრავლესობას გონებაში მოგვდის, პირის საპარსი საშუალებებია. უმრავლესობა უპირატესობას ანიჭებს ელექრტო საპარსებს. ამ სფეროში შეუზღუდავი არჩევანი გვაქვს. მისი შერჩევისას ჯობია აქცენტი ფასსზე კი არა, უფრო მეტად ხარისხზე გააკეთოთ და ცნობილი ბრენდების პროდუქცია შევიძინოთ. სასურველი არჩევანი შეგვეძლო გაგვეკეთებინა შემდეგი ფირმის ბრენდებიდან, როგორებიცაა Panasonic, Philips და Braun. მართალია, ელექტრო საპარსების ძიებისას, სხვა, შედარებით იაფიან პროდუქციას წავაწყდებით, მაგრამ გვახსოვდეს, რომ ხარისხი ფასზე მნიშვნელოვანია. საპარსების ზოგი მოდელი გარეცხვის ფუნქციითაც გამოირჩევა, რაც ერთი-ორად გვიადვილებს საქმეს. მათ ბოლომდე დამუტვას (გააჩნია რომელ ფირმას შეიძენთ) დაახლოებით 4 საათი ან ცოტა ნაკლები სჭირდება. ხოლო მუშაობის დრო კი 30 წუთიდან ერთ საათამდე მერყეობს. თითოეულის დამუხტვის და მოხმარების დრო ნივთის აღწერილობაშია მოცემული. შეიძლება გადაწყვიტეთ, რომ ბლანჟე ატაროთ, ან უკვე ატარებთ. ასეთ შემთხვევაში შეგიძლიათ საპარსის სხვადასხა თავი გამოიყენოთ და პარსვისას თქვენს წვერს სასურველი ფორმა მისცეთ.  

მაგრამ ზოგიერთს მაინც ტრადიციული პირსაპარსებით სარგებლობა ურჩევნია. ამ დროს უმჯობესი იქნება თუ კანს ჯერ შევამზადებთ და სპეციალურ ქაფს წავისვამთ. თუ ასე არ მოვიქცევით კანი გაგვიღიზიანდება და ყოველი გაპარსვისას დისკომფორტს შეგვიქმნის. ასევე დიდი მნიშვნელობა აქვს საპარსის სწორად შერჩევას. ბევრი უპირატესობას ანიჭებს Mc 3 Gilllette პირის საპარსები მოძრავი და დამყოლი თავით. ეს სამპირიანი საპარსი საშუალებას გვაძლევს კანი უმტკივნეულოდ და უსისხლოდ გავიპარსოთ. ზაფხულის პაპანებაში გაპარსულ წვერს არაფერი ჯობია! არ დაგავიწყდეთ პარსვის შემდგომი ლოსიონის  წასმა, რომელიც კანის სირბილეს უწყობს ხელს. ესეც მამაკაცური ამბები!

სად იყო ელექტრო საპარსები და სად იყო Mc 3 Gilllette, როცა ძველ თბილისში ხალხი დალაქთან დადიოდა წვერის გასაპარსად?! თქვენც ხომ არ გირჩევნიათ სამართებლის გამოყენება? ალბათ აჯობებდა დალაქთან მისულიყავით, რადგან ბასრი სამართებლის გამოყენებას ცოდნა სჭირდება. ვიღაცამ შეიძლება თქვას: „დიდი ამბავი, მე თვითონ გავიპარსავ!“. რათქმაუნდა, მაგრამ სიფრთხილეს თავი არ სტკივა. სამართებლით სარგებლობისას სიჩქარე არ გამოგვადგება. ჯობია კანი კარგად შევამზადოთ, არ ავჩქარდეთ, ხშირად ამოვავლოთ თბილ წყალში და გავწმინდოთ ის ქაფისგან. რატომ ასე დეტალურად? აბა გაიხსენეთ, შეხვედრიხართ ადამიანს, რომელსაც წვერი აქა-იქ აქვს გაპარსული? რა იფიქრეთ ამ დროს? ალბათ გულში გაგეღიმათ და თქვით, ნეტა სანთლის შუქზე ხო არ გაიპარსაო?! დიახ, სწორად მიმიხვდით, არავის გვინდა ჩვენზეც იგივე იფიქრონ. ამ ყველაფრის შემდეგ ვიღაცამ შეიძლება ინატროს: „ეჰ ნეტავ თავზე მქონდეს იმდენი თმა რამდენზეც წვერი მეზრდება!“. გულს ნუ გაიტეხავთ, ზაფხულში ეს სხვა მამაკაცებთან შედარებით დიდი უპირატესობას გაძლევთ! თქვენს კანს სუნთქვის საშუალება მაინც აქვს. ასე რომ, ყველა უარყოფითში შეიძლება რაღაც დადებითიც გამოინახოს.

გადავინაცვლოთ სუნამოზე. ვინ მოთვლის რამდენი სახის სუნამო არსებობს და რამდენი განსხვავებული გემოვნების ადამიანი დაიარება ამ ქვეყნად. მაგრამ ფაქტია, კარგად გაპარსულ პირს კარგი სუნამოც მოუხდება. შეგიძლიათ ცნობილი ბრენდებდან, Calvin Klein, Paco Rabanne, Crictian Dior ან თუნდაც Axe Effect-ის სუნამოებიდან შეარჩიოთ რამე. რადგან ეს სუფთა გემოვნების საკითხია, ამაზე ბევრს არაფერს ვიტყვი. ბოლო ბოლო გემოვნებაზე არ დაობენ!

ბევრი მამაკაცის მაჯას ამშვენებს მაჯის საათი. მისი შერჩევა დამოკიდებულია როგორც თქვენს გემოვნებაზე, ისე ჩაცმულობის სტილზე. საათების ფართო არჩევანს გვთავაზობს Casio, Swatch, Adidas, Nike და სხვა ფირმები. ნამდვილად, მაჯის საათი მამაკაცების უმრავლესობისთვის შეუცვლელი ატრიბუტია.

სასურველია თუ ჩვენს გარდირობში ადგილს გამოვუნახავთ „ერთი ხელ“ კლასიკურ ტანსაცმელსაც. კლასიკურ ჩაცმულობას თავისი მახასიათებელი დეტალებიც აქვს. მაგალითად, საქმიან შეხვედრებს ამშვენებს კოხტად შერჩეული ჰალსტუხი, ხოლო განსაკუთრებულ მოვლენებს, როგორიც არის ქორწილები ბანკეტები და სხვა, ძირითადად ბაფთას იკეთებენ ხოლმე. ბოლო დროს სულ უფრო მეტი ადამიანი ატარებს ხისგან დამზადებულ სხვადასხვა სტილის ბაფთებს. თუ პირველად გესმით შესაძლოა ცოტა გაიკვირვოთ, მაგრამ ფაქტია, რომ ასეთი ბაფთები დიდი მოწონებით სარგებლობს მამაკაცებში. რას ვიტყოდით ჰალსტუხის სამაგრზე? ეს პატარა და თითქოს შეუმჩნეველი აქსესუარი უფრო ალამაზებს ჩვენს ჩაცმულობას. კლასიკურ ჩაცმულობას ძალიან უხდება მზის სათვალეები. სხვადასხვა ფირმის სათვალეებს შორის თავისი ადგილი მყარად დაიმკვიდრა ხის ჩარჩოიანმა მზის სათვალეებმა. რატომ მოსწონთ ის? როგორც ამბობენ, პლასტმასის ჩარჩოსგან განსხვავებით ხის ჩარჩო სატარებლად უფრო მსუბუქია და თან თავისებური ხიბლიც აქვს.

როგორც ვთქვით, მამაკაცები განვსხვავდებით ერთმანეთისგან გემოვნებით, ასაკითა თუ წარმომავლობით. ეს სხვაობა ჩვენს აქსესუარებში და ჩაცმულობაშიც ჩანს, მაგრამ ამის მიუხედავად ყველას მაინც ერთი საერთო გვაქვს — გვინდა კარგად გამოვიყურებოდეთ და ჩვენს გარშემო მყოფებს კარგი წარმოდგენა შევუქმნათ საკუთარ თავზე. ასე რომ, მინდა წარმატება გისურვოთ და მომდევნო სტატიამდე დაგემშვიდობოთ.