1972 წელს ერთ–ერთი გაზეთისთვის მიცემულ თავის ინტერვიუში, ამერიკელმა მეცნიერმა ედვინ ლენდმა ახსნა, თუ როგორ გამოიგონა ფოტოაპარატი, რომელიც მყისიერად ამჟღავნებდა სურათებს. ლენდის თქმით, როცა 1944 წელს ოჯახთან ერთად ისვენებდა, მისი გოგონა სურათებს იღებდა და უცებ მამას ჰკითხა, რატომ არ შეეძლო მათი ნახვა „მაშინვე“. რით იყო აღსანიშნავი ეს კითხვა?

პოლაროიდის რომელი მოდელი შეგვიძლია, მივიღოთ უფასოდ?

ნაწყვეტი ისტორიიდან

1972 წელს ერთ–ერთი გაზეთისთვის მიცემულ  თავის ინტერვიუში, ამერიკელმა მეცნიერმა ედვინ ლენდმა ახსნა, თუ როგორ გამოიგონა ფოტოაპარატი, რომელიც მყისიერად ამჟღავნებდა სურათებს. ლენდის თქმით, როცა 1944 წელს ოჯახთან ერთად ისვენებდა, მისი გოგონა სურათებს იღებდა და უცებ მამას ჰკითხა, რატომ არ შეეძლო მათი ნახვა „მაშინვე“.  რით იყო აღსანიშნავი ეს კითხვა?

როგორც ლენდმა ახსნა, ამ სიტყვების მოსმენიდან დაახლოებით ერთ საათში, გონებაში უკვე წარმოიდგინა, როგორი უნდა ყოფილიყო ფოტოაპარატი, რომელიც სურათს მყისიერად გაამჟღავნებდა. ამ იდეამ დღის შუქი მხოლოდ სამი წლის შემდეგ იხილა, მაგრამ ფაქტია, გოგონას ერთმა შეკითხვამ მუხლჩაუხრელ კველევა-ძიებას ჩაუყარა საფუძველი, შედეგად, მომდევნო ათწლეულების განმავლობაში ფოტოგრაფიაში ნამდვილი გარდატეხა მოხდა.

უმრავლესობას ალბათ გვქონია შეხება „პოლაროიდის“ ფოტოაპარატებთან. მართალია, დღესდღეობით ეს სფერო საგრძნობლად განვითარდა და მრავალი პროფესიონალური ფოტოაპარატი შეიქმნა, მაგრამ დღევანდელ ბლოგში მინდა, ერთად ვიმოგზაუროთ წარსულში. გავიხსენოთ 7 ფოტოაპარატი, რომლებიც თავის დროზე ფუფუნების საგნებად ითვლებოდა.

1) Polaroid SX-70

1972 წელს ლენდმა მსოფლიოს წარუდგინა Polaroid SX-70. მან პიჯაკიდან ეს მოდელი ამოიღო და 10 წამში 5 ფოტო გადაიღო. ეს იყო პირველი შემთხვევა ფოტოგრაფიის ისტორიაში, როცა ფოტოაპარატმა სურათი მყისიერად გაამჟღავნა. კამერის მოხერხებული დიზაინის წყალობით, შესაძლებელი იყო მისი დაკეცვა და ლენდის მსგავსად, პიჯაკის ჯიბეში მოთავსება.

ცოტა რამ კამერის შესახებ: მისი ლინზები შეგიძლიათ, ხელით აკონტროლოთ, უფრო დააახლოვოთ ან შედარებით ფართო სპექტრით გადაიღოთ სურათები. კამერაზე შეგიძლიათ დამატებითი განათების დამაგრება. რაც შეეხება ფირს, მისთვის სპეციალურად დამზადდა SX-70-type ფირი, როგორც შავ-თეთრი, ასევე, ფერადი სურათების გადასაღებად. აპარატის ფასი ინტერნეტ მაღაზიაში 292 ლარამდე მერყეობს. შეგიძლიათ, აუქციონზე უფრო იაფადაც სცადოთ შოვნა.

ორიოდე სიტყვით ვისაუბროთ ფირებზე და ელემენტებზე. „პოლაროიდის“ ყველა კამერას გააჩნია როგორც შავ-თეთრი, ასევე - ფერადი ფირებიც. აი, ელემენტებს რაც შეეხება, თანამედროვე ფოტოაპარატებისგან განსხვავებით, მათ არ სჭირდება დამუხტვა, რადგან თვითონ ფირში მოთავსებული ელემენტის წყალობით ფირის ყოველ ჯერზე შეცვლისას ელემენტიც იცვლება. მართალია, გამონაკლისებიც გვაქვს, მაგრამ ამაზე ცოტა მოგვიანებით ვისაუბროთ.

2) Polaroid 600

აპარატის ნახვა შეგიძლიათ ამ ლინკზე

1980 წლებში ფეხი აიდგა „პოლაროიდ 600“-ის მოდელებმა. Polaroid 600 კი მათი პირველი წარმომადგენელი იყო. აპარატი სულ მალე მეოცე საუკუნის კლასიკად გადაიქცა. კამერაში თავსდება 600-მდე ფირი, რის ნახვაც ამ ლინკზე შეგიძლიათ. აპარატს წინა მხარეს აქვს ღილაკი, რომლის წყალობითაც შეგიძლიათ, „დაზუმოთ“ სასურველი ობიექტი. ხოლო ფასს რაც შეეხება, დაახლოებით 115 ლარი ღირს, განვადებით კი თვეში მხოლოდ 13 ლარი ჯდება.

აპარატის წინა მარჯვენა კუთხეში მოთავსებულია ღილაკი, რომელიც სურვილისამებრ თიშავს ან რთავს კამერის განათებას. ლინზის ქვეშ მოთავსებული ღილაკი არეგულირებს სურათის კონტრასტულობას და აქვე ერთი პატარა დეტალი: ზოგი პოლაროიდით გადაღებულ სურათს არხევს ხოლმე, რათა მასზე ნელ-ნელა გამოჩნდეს გამოსახულება. მაგრამ  ამის გაკეთება ამ მოდელზე აუცილებლობას არ წარმოადგენს.

3) Polaroid 600 – Sun 660

გავიდა 1 წელი და ასპარეზზე Polaroid 600 —  Sun 660 გამოჩნდა. წინამორბედისგან განსხვავებით, ამ აპარატს ავტოფოკუსირების ფუნქცია დაემატა, რამაც საგრძნობლად გააუმჯობესა სურათების ხარისხი. მისთვის დამზადდა სპეციალური ფირი და აპარატში მათი ტევადობა 600 ერთეულამდე ადის. მისი ფასი წინამორბედს დაახლოებით 40 ლარით ჩამოუვარდება და 85 ლარი ღირს, განვადებით თვეში 10 ლარი.

4) Polaroid 600 Impulse

დროის სვლასთან ერთად „პოლაროიდ 600“-ებს ოჯახს Polaroid 600 Impulse შეემატა. ამ შემთხვევაში დიზაინერებმა აპარატის ზომა შეამცირეს და უფრო კომფორტული გახადეს. კამერას აქვს განათება, თუკი უშუალოდ მას დავაჭერთ თითს, ნათურა ზემოთ „ამოხტება“, ხოლო თითის ისევ დაჭერით, საწყის მდგომარეობას დაუბრუნდება. პოლაროიდის ამ მოდელის ფასი ფირთან ერთად ebg–ზე 150 ლარამდე ადის.

5) Polaroid Spectra

უკვე 1986 წელს მსოფლიომ იხილა პოლაროიდის გაუმჯობესებული კამერა Polaroid Spectra. იგი კომპანიის ოქროს ხანის ერთ-ერთი ღირსეული წარმომადგენელი გახდა. სხვა აპარატებისგან მას უკან მოთავსებული სხვადასხვა ფუნქციის ღილაკები განასხვავებს. მოდით, შევეხოთ თითოეულ მათგანს.

ერთია ხმის გასათიში ღილაკი, რომელიც გადაღებისას ხმას თიშავს, მეორე - ავტომატური ფოკუსირების ღილაკი, რისი წყალობითაც ირჩევთ, აპარატმა თავისით გაასწოროს ფოკუსი თუ თავად გირჩევნიათ ამის გაკეთება. ასევე, შეგიძლიათ დააყენოთ ავტომატურად გადაღების რეჟიმზე, არეგულიროთ, რამდენად ნათელი გინდათ, რომ სურათი გამოვიდეს - და ეს ყველაფერი ebg-ზე 80 ლარად.

6) Polaroid Onestep Close up

აპარატი იხილეთ აქ.

პოლაროიდი არ წყვეტდა მოდელების გაუმჯობესებას და დღის შუქი ახალმა აპარატმა Polaroid Onestep Close Up-მა იხილა. ეს კონკრეტული მოდელი აღჭურვილია გაუმჯობესებული ლინზებით და ლინზასთან მოთავსებული ღილაკის გადაწევით გამოდის დამატებითი ლინზა, რაც გაძლევთ საშუალებას, ახლო ხედით გადაიღოთ სურათი. რაც შეეხება ფირებს, მათი ნახვა შეგიძლიათ აქ. თვითონ აპარატის ფასი 100 ლარიდან იწყება.

7) Polaroid Onestep 2 — i-type camera

პოლაროიდზე საუბრისას გვერდს ვერ ავუვლით ამ მოდელს. რატომ? მას შემდეგ, რაც კომპანია “პოლაროიდი” გაკოტრდა და ფირებთან ერთად კამერების წარმოებაც შეწყვიტა, იგი Impossible Projects-მა შეისყიდა და მათი მონდომების წყალობით 10 წლის შემდეგ, 2017 წელს ახალი ქმნილება - Polaroid Onestep 2 — i-type camera გააცნო მსოფლიოს. ეს მოდელი წარსულის და მომავლის იდეალური შერწყმაა.

წინამორბედებისგან განსხვავებით, მას USB შესაერთებელი აქვს, ანუ ელემენტებზე მუშაობს, რომელიც 60 დღე ძლებს. კამერას აქვს ბევრად გაუმჯობესებული ლინზა და ორი სახის ფირის (i-type და ტრადიციული 600 ფირიანი) წყალობით სურათების ხარისხი საგრძნობლად გაუმჯობესდა. მისი ფასი ყველა სხვა დანარჩენს აღემატება და 265 ლარამდე ღირს.

8) Polaroid Snap Touch

სულ რაღაც ორიოდე წლის წინ, 2016 წლის სექტემბერში, ცნობილი გახდა, რომ გამოვიდოდა პოლაროიდის უახლესი მოდელი, Polaroid Snap, რომელიც ყველა მისი წინამორბედისგან განსხვავებული იქნებოდა. აპარატს დაემატა ფუნქციები, რომლებიც ყველა თანამედროვე ფოტოაპარატს გააჩნია.

Snap–ს აქვს 10 მეგაპიქსელის კამერა, ასევე, USB პორტი და შესაძლებელია მისი  კომპიუტერთან შეერთება და სურათების გადატანა. კამერა ძალიან პატარა (12 სმ X 7სმ) და მსუბუქია. პოლაროიდის ამ მოდელში შეგიძლიათ, მიკროჩიპიც მოათავსოთ (მაქსიმუმ 32GB) და სურათები აქაც შეგენახებათ. რა მოსწონთ ყველაზე მეტად ამ მოდელში?

Polaroid Snap–ისთვის შექმნეს სპეციალური აპლიკაცია Polaroid Print App. აპლიკაციის დახმარებით ბლუთუზით ვუკავშირდებით კამერას, მობილურში შევარჩევთ სასურველ სურათს, ვაწვებით Print ღილაკს და ორიოდე წუთში სურათიც მზადაა. დაინტერესდით მისი შეძენით? კამერის ფასი 190 ლარამდეა. მაგრამ შეგიძლიათ, EBG-ზე აპარატი უფასოდაც მიიღოთ, რადგან იბიჯი მას ათამაშებს. დამატებითი დეტალებისთვის გადადით ლინკზე.

ასე რომ, ციფრული კამერების და სმარტფონების ერაში, როგორც ჩანს, პოლაროიდი მაინც პოულობს თავის ადგილს. ძვირფასო მკითხველო, თქვენ რა იცით ამ აპარატების შესახებ? თუ მათთან შეხება გქონიათ, საინტერესო იქნება კომენტარებში თქვენი აზრის გაგებაც.