რამდენიმე რჩევა, როგორ შევქმნათ საახალწლო, დაუვიწყარი მოგონებები

ჩემთვის და, ალბათ, ბევრი თქვენგანისთვის შობა-ახალი წელი გამორჩეულ ემოციებთანაა დაკავშირებული. მისი განსაკუთრებულობა მხოლოდ საჩუქრებით არ შემოიფარგლება,  მნიშვნელოვანია განწყობა, რომელსაც შევიქმნით და გავუზიარებთ გარშემომყოფებს. ეს დღესასწაული წელიწადის ყველაზე მყუდრო დროსაა და ცივი ამინდების მიუხედავად, თბილი და დადებითი ემოციებით გვავსეს. ბლოგში გაგიზიარებთ რამდენიმე რჩევას, რომელთა გათვალისწინებითაც თქვენთვის და თქვენი პატარებისთვის ახალი წელი ტკბილად და დასამახსოვრებლად ჩაივლის.

თავად შექმენით საახალწლო ტრადიციები:

• მადლიერების გამოსახატად დაახვედრეთ სანტას ტკბილეული და რძე, ამ ჟესტით ბავშვებს ვაგრძნობინებთ რომ სანტა არსებობს და მას ისევე სჭირდება გაფრთხილება, როგორც თითოეულ ჩვენგანს, მადლიერების გრძნობა კი ყველაზე დასაფასებელი გრძნობაა ამ ქვეყნად. მოგონებების შესაქმნელად და განსწყობის ასამაღლებლად, უმჯობესია თუ სანტასთვის ორცხობილებს ბავშვებთან ერთად მოამზადებთ. 
    
• უყურეთ საშობაო ფილმებს ოჯახთან ერთად, ეს დაგეხმარებათ განწყობის ამაღლებაში და თბილი, მყუდრო გარემოს შექმნაში. საახალწლო განწყობის შექმნაში მე და ჩემს ოჯახს უკვე მრავალი წელია, ოჯახურ ტრადიციად ქცეული ფილმის ნახვა გვეხმარება, ჩვენთვის საახალწლო ფილმებს შორის გამორჩეულია „მარტო სახლში დარჩენილი“-ს ყველა ნაწილი, ეს ფილმი გვიქმნის საოჯახო იდილიას, დადებით ემოციებს და პოზიტიური განწყობით ვხვდებით ახალ წელს. ასევე საშობაო განწყობას შეგიქმნით და საოჯახო იდიალიას შეგიქმნით, ფილმები როგორიცაა: შობა დღის პრინცი, საშობაო დაბნეულობა, თოვლის ბურთი და ა.შ. 

• დანერგეთ საჩუქრის ჩუქების ტრადიციები, საჩუქრები ახალი წლის ღამით მგრძნობიარე თემაა ბავშვებისთვის, ამიტომ ნუ დატოვებთ მათ იმედგაცრუებულს,არ არის აუცილებელი ძვირადღირებული საჩუქრები.  დაახვედრეთ თქვენს შვილებს ახალი წლის დილას ტკბილეული, რძე და საჩუქრები ნაძვის ხის ქვეშ. საჩუქრად შეიძლება უამრავი ნივთის შერჩევა, საშობაო ორნამენტი, წიგნი, სათამაშო, თბილი წინდა ან ნივთი რომელიც სანტასთვის მიწერილ წერილშია ნახსენები.  

• ბავშვებმა იციან რომ მათთვის საშობაო საჩუქრები თოვლის ბაბუას მოაქვს, ნუ წაართმევთ მათ ამ დიდ სასწაულს,დაეხმარეთ სწამდეთ შობის და მაგიური სამყაროს. პატარა ცნობისმოყვარეებს ინტერესს უღვივებს ფაქტი რომ იდუმალი სტუმრის გამოჭერა შეუძლებელია, თუმცა მიუხედავად იმისა რომ სანტა შობის ღამით ძალიან დაკავებულია მას მაინც შეუძლია გაესაუბროს თითოეულ ბავშვს. Santa Video Call and Tracker - ეს ის აპლიკაციაა, რომლის გამოყენებით თქვენი პატარების გაოცებას შეძლებთ, მისი დახმარებით შესაძლებელია სანტას დაურეკოთ ან შეტყობინება გაუგზავნოთ. აპლიკაციის გასააქტიურებლად საჭიროა ბავშვის სახელი, ასაკისა და სხვა ინფორმაციის მითითება, ყველაზე მნიშვნელოვანია მონაცემები თუ როგორ იქცეოდა ის მთელი წლის განმავლობაში. აღნიშნულ ინფორმაციაზე დაყრდნობით სანტა კლაუსი თქვენს შვილს ვიდეო ზარით გაესაუბრება, აი მაშინ კი დაიწყება ნამდვილი საშობაო სასწაული თქვენი პატარებისთვის.  ასევე არსებობს აპლიკაცია რომლის მეშვეობით შესაძლებელია დაადგინო სანტა ახლა რომელი ქვეყნის თავზეა, როდის შეძლებს ჩვენამდე მოსვლას და როდის უნდა ველოდოთ მისგან სიურპრიზებს.

• ყველაზე მნიშვნელოვანი და ამაღელვებელი ტრადიცია ახალი წლისთვის ნაძვის ხის მორთვაა, ეს პროცესი დიდ სიხარულსა და ბედნიერებას იწვევს უფროსებსა თუ ბავშვებში. ოჯახური იდილიის შესაქმნელად უმჯობესია თუ ნაძვის ხის მორთვაში ჩართული იქნება ოჯახის ყველა წევრი, სახლში არსებული სივრციდან გამომდინარე ნაწილი ირჩევს დიდ და გრანდიოზულ ნაძვის ხეს, თუმცა ნაწილისთვის პატარა და საყვარელი ნაძვის ხეც საკმარისია, საყვარელი ორნამენტებით მოსართავად. იცოდით, რომ ოჯახის ყველა წევრს ნაძვის ხის თავისი განსაკუთრებული სათამაშო აქვს? ოჯახში შემომატებული წევრისთვის თავისთვის განკუთვნილი სათამაშო უნდა შეემატოს ნაძვის ხეს. საბოლოო შტრიხი ვარსკვლავის დადგმის ტრადიცია კულმინაციურ და ყველაზე ბედნიერ მომენტად ითვლება, ამიტომ ამ მოქმედებას ოჯახის ყველაზე პატარა წევრი ახორციელებს. თქვენი ნაძვის ხის მოსართავად შეგიძლიათ შეიძინოთ უამრავი სიმბოლური ორნამენტი და თბილი განათებები, რომელიც თქვენ გაგაბედნიერებთ.

• ჩართეთ საშობაო მუსიკა და გამოიყენეთ თბილი განათებები, სურნელოვანი სანთლებით. ყველაზე მთავარი და ფასეული რისი შეთავაზებაც შეგიძლიათ თქვენი ოჯახისთვის შობა-ახალი წლის დღესასწაულზე, ეს თქვენი დრო და ყურადღებაა. ეცადეთ გადადოთ ყოველგვარი საქმე და გაატაროთ მეტი დრო ოჯახთან ერთად, საშობაო მოგონებები დაუვიწყარი და ჯადოსნურია. ამბობენ ადამიანები რომელთაც ბავშვობაში ზღაპრულ შობას ატარებდნენ მეტად წარმატებულები და ლაღები არიან, მიეცით თქვენს შვილებს ჯადოსნურ სამყაროში მოგზაურობის საშუალება, გააბედნიერეთ გარსემომყოფები ეს ყველაფერი მაგიური ძალით ბუმერანგივით უკან დაგიბრუნდებათ.

მე ვიცი როგორ ვაქციო შობა-ახალი წელი განსაკუთრებულ და დაუვიწყარ დღესასწაულად ჩემი ოჯახისთვის, სცადე შენც, ამისთვის გადაავლე თვალი ჩვენს ვებ-გვერდს და შეიძინე შენთვის საჭირო და აუცილებელი ნივთები, რომლებიც დაგეხმარება იქცე ყოვლისშემძლე სანტად შენი ოჯახისა და მეგობრებისთვის.