პანდემიამ ჩვენს ცხოვრებაში ბევრი ცვლილება მოიტანა, მათ შორის, ალბათ, ერთ-ერთი ყველაზე აქტუალურია დისტანციურად მუშაობა და სწავლა. რა თქმა უნდა, სახლში კომფორტულად ყოფნა და სწავლა ან მუშაობა ძალიან კარგია, თუმცა სამუშაო კუთხის არ ქონამ ან მოუწესრიგებლობამ შესაძლოა დისკომფორტი შეგიქმნათ. დღევანდელ ბლოგში წარმოგიდგენთ ისეთ აქსესუარებსა თუ მოწყობილობებს, რომელიც ნამდვილად დაგჭირდებათ თქვენს მაგიდაზე, მით უმეტეს თუ დროის უმეტეს ნაწილს სწორედ კომპიუტერთან ატარებთ და ასევე, გაგიზიარებთ რამდენიმე სასარგებლო რჩევას, რაც დაგეხმარებათ და არ დაგავიწყდეთ, რომ ნებისმიერი ქვემოთ ჩამოთვლილი ნივთის შეძენა ჩვენთან შეგიძლიათ.

1. ჭიქის სათბობი

შექმენით თქვენთვის კომფორტული გარემო და არ დაგავიწყდეთ საკუთარი თავი!

დილით გამოსაფხიზლებლად და ენერგიისთვის ცხელი სითხე გჭირდებათ, თქვენ კი იმდენი საქმე გაქვთ, ფიზიკურად ვერ ასწრებთ დალევას და გიცივდებათ? მაშინ, ეს მინი მოწყობილობა ნამდვილად საჭიროა, მისი მეშვეობით სითხეს შეუნარჩუნებთ სასურველ ტემპერატურას, შეგიძლიათ მოათავსოთ ნებისმიერი მასალის ჭიქა, არის საკმაოდ პორტატული, რაც კარგია, რადგან მცირე ადგილს დაიკავებს და რაც მთავარია, მას უბრალოდ USB პორტის მეშვეობით გამოიყენებთ. 

2. ჩამკეტი ტაიმერით 

ნუ დაკარგავთ დროს უაზროდ. თუ ჩემსავით მცირე ნებისყოფა გაქვთ და მუშაობის დროს ხშირად სქროლავთ ტელეფონს, ან იყენებთ ისეთ ნივთს, რომელიც ტყუილად გართმევთ დროს, გამოიყენეთ ჩამკეტი ტაიმერით. 

3. ლეპტოპის სადგამი საწოლისთვის 

შექმენი ყველგან შენი სამუშაო გარემო!

 რა სჯობს კომფორტულად საწოლში ნებივრობას და მუშაობას? ასეთ დროს გირჩევთ გამოიყენოთ ლეპტოპის სპეციალური სადგამი საწოლისთვის ან დივანისთვის. 

4. ზურგის ფიქსატორი

 დაიცავით თქვენი ხერხემალი!

ზედმეტად ბევრი დროის გატარებამ ერთ ადგილზე, შეიძლება გარკვეული სახის პრობლემები გამოიწვიოს. გირჩევთ გამოიყენოთ სპეციალური ფიქსატორი თქვენი ხერხემლისთვის, რომელიც თქვენს ნაცვლად იზრუნებს თქვენი ზურგის კომფორტისთვის.

5. სტრესის მოსახსნელი აქსესუარები

 აუცილებლად დაასვენეთ გონება, თუნდაც რამდენიმე წუთით!

ნებისმიერ სიტუაციაში აუცილებელია შევინარჩუნოთ სიმშვიდე, თუმცა ხანდახან არის მომენტი, როდესაც ვიღლებით ან გვჭირდება ყურადღების გადატანა. პირადი გამოცდილებით, გირჩევთ, თუ დიდ დროს ატარებთ სამუშაო მაგიდასთან და ზოგადად კომპიუტერთან, გამოიყენოთ სტრესის მოსახსნელი აქსესუარები, რომელიც ძალიან ბევრი სახისაა და შეგიძლიათ სურვილისამებრ შეარჩიოთ.

 6. მაგიდის ორგანაიზერი

ლამაზად მოაწყეთ ნებისმიერი სამუშაო კუთხე!

 თუ საბუთებთან და ფურცლებთან გიწევთ მუშაობა, ან უბრალოდ სტუდენტი ხართ და კონსპექტები თავზე გაყრიათ, ამისთვის გირჩევთ გამოიყენოთ ორგანაიზერები. ის არა მარტო კომფორტულია, არამედ მისი მეშვეობით თავიდან აიცილებთ თქვენს მაგიდაზე ქაოსს, მარტივად დაახარისხებთ ყველაფერს და ძებნაც ბევრ დროს აღარ წაიღებს, ლინკზე გადასვლით შეგიძლიათ შეარჩიოთ სასურველი ფერები, რაოდენობა და დიზაინი.

 7. მონიტორის დამჭერი/სადგამი

 არ აქვს მნიშვნელობა ლეპტოპს იყენებთ თუ პერსონალურკომპიუტერს, სადგამი ნებისმიერ შემთხვევაში გამოგადგებათ, შეგიძლიათ დაარეგულიროთ ეკრანის სიმაღლე და ასევე, უფრო მეტი სივრცე დაიტოვოთ თქვენს სამუშაო მაგიდაზე.

8. სმარტფონის დამჭერი

თუ კი სმარტფორთან ერთად გიწევთ მუშაობა, აუცილებლად უნდა გქონდეთ მისი დამჭერი/სადგამი. შეგიძლიათ დააყენოთ სასურველ ზომაზე, თავსებადია ყველა ტიპის მოწყობილობაზე, არის მსუბუქი, იკეცება და მინიმალურ ადგილს იკავებს სივრცეში.

 9. მაუსის ქვეშსაგები

   თუ მაუსის გამოყენება გიწევთ, მაშინ აუცილებელია ქვეშსაგები პადი, რომელიც ხელს უწყობს მაუსის კარგად დაფიქსირებას და კომფორტულად გამოყენებას.

 10. კაბელის დასაფიქსირებელი

ალბათ, ყველაზე არასასიამოვნო სანახავია ერთმანეთში ქაოსურად ახლართული კაბელები, ვინ იცის რამდენი დრო დაგიკარგავთ მათი ერთმანეთისგან გარჩევაში? კაბელების დასაფიქსირებელი ერთ-ერთი იდეალური მიგნებაა აბ პრობლემის აღმოსაფხვრელად. უბრალოდ მიაკარით ნებისმიერ ადგილას, მოათავსეთ მასში კაბელები და პრობლემაც მოგვარდება, აღარანაირი ქაოსი თქვენს მაგიდაზე.

 11. მინი მტვერსასრუტი

იქონიეთ თქვენი კუთხე მუდმივად მოწესრიგებული.

დღის დასრულების შემდეგ, ნებისმიერ შემთხვევაში სჭირდება კუთხეს მოწესრიგება, ამიტომ ასევე ერთ-ერთი საჭირო ნივთი, თქვენი მაგიდისთვის - მინი მტვერსასრუტია. მისი დამუხტვა შესაძლებელია USB პორტის მეშვეობით.

 12. დღიური

აუცილებლად შეადგინეთ გეგმა, ეცადეთ დრო პროდუქტიულად გაანაწილოთ!

მართალია უკვე ყველაფერს ელექტრონულ ფორმატში ვინახავთ და დღიურების / პლანერების არსებობა შესაძლოა ბევრმა დაივიწყა, თუმცა წარმოუდგენელია სამუშაო სივრცე მათ გარეშე.

13. სამაგრი USB პორტით

დაზოგეთ ზედმეტი ადგილი!

თუ მაგიდაზე მეტი თავისუფალი ადგილი გინდათ გქონდეთ, მაშინ გირჩევთ გამოიყენოთ სპეციალური სამაგრი, რომელიც მარტივად მაგრდება მაგიდის შიგნით, მასზე შეგიძლიათ დაამაგროთ ნებისმიერი აქსესუარი, ასევე აქვს დამატებით რამდენიმე USB პორტი.

14. მინიატურული ვაზა

მცენარეებს შეუძლიათ გააუმჯობესონ თქვენი განწყობა და აურა. 

მცენარეები ძალიან მნიშვნელოვანია, განსაკუთრებით თუ სამუშაო მაგიდაზე იკავებენ ადგილს. ამისთვის, შეგიძლიათ გამოიყენოთ სხვადასხვა ვიზუალის, მინიატურული ზომის ვაზები.

15. უკაბელო დამტენი

თანამედროვე და მოსახერხებელი დიზაინის მქონე უკაბელო დამტენი ნამდვილად საჭიროა. ერთდროულად შეგიძლიათ დატენოთ 4 მოწყობილობა, აქვს 360 გრადუსით ბრუნვის რეჟიმი.

16. თერმოსი

არ დაგავიწყდეთ წყლის დალევა!

მეც და ალბათ ბევრს გვავიწყდება დღის განმავლობაში წყლის დალევა, განსაკუთრებით ზამთარში. ნორმალური ფუნქციონირებისთვის კი კონკრეტულად წყალი აუცილებელია. გირჩევთ იქონიოთ თერმოსი, რომელიც საათების მიხედვით შეგახსენებთ, თუ რა რაოდენობის წყალი უნდა დალიოთ სამოტივაციო წარწერებით. 

იმედი მაქვს, დღევანდელ ბლოგში აღმოაჩინეთ თქვენთვის საინტერესო და გამოსადეგი ნივთები.