თუ გაინტერესებთ:

• როგორ მოუაროთ ცხიმიან კანს,
• შეიმციროთ ღია ფორები,
• მოიშოროთ შავი წერტილები,
• დაიტენიანოთ მშრალი კანი,
• დაემშიდობოთ ჩამუქებულ წრეებს თვალების გარშემო,
• შეინარჩუნოთ ახალგაზრდობა და კანის სიჯასაღე

მაშინ ეს ბლოგი თქვენთვისაა დაწერილი.

იმედია, დაგეხმარებათ ჩემი რჩევები, შეიქმნათ კანის მოვლის თქვენთვის კანკუთვნილი ინდივიდუალური რუტინა.

მე კი პირდაპირ საქმეზე გადავალ! 

როგორ გავუმკლავდე ცხიმიან კანს, ღია ფორებსა და შავ წერტილებს?

ხშირად, ცხიმიანი კანის მიზეზი ჰავაა, საკვები რომელსაც ვიღებთ, ჰორმონალური დარღვევები, გაუწყლოება (დეჰიდრატაცია) ან უბრალოდ გენეტიკა. მაგრამ მაინც უნდა არსებობდეს საშუალებები, რომ შევამციროთ და დავარეგულიროთ ცხიმის გამოყოფა. პირველ რიგში, კატეგორიულად უნდა აკრძალოთ ალკოჰოლის შემცველი პროდუქტების გამოყენება, რომლების უფრო მეტი ცხიმის გამოყოფას უწყობს ხელს.  ცხიმიანი კანი ხშირად, პირდაპირ კავშირშია ღია ფორებთან, რომლებიც შემდეგ წარმოქმნიან შავ წერტილებს. ამ პრობლების აღმოფხვრა მარტივი არ არის, მაგრამ შემიძლია შემოგთავაზოთ შესაბამისი კანის მოვლის ყოველდღიური საფეხურები, რომლებიც დააბალანსებს ცხიმიანობას, მოაგვარებს ღია ფორებისა და შავი წერტილების პრობლემას.

1. გამწმენდი

გამწმენდი, რომელიც ღრმად და ნაზად წმენდს სახის კანს, მორგებულია და რეკომენდირებულია ცხიმიანი კანისთვის. რადგან არეგულირებს და აბალანსებს ცხიმიანობას. შეიცავს ცერამიდს (ceramide), რომელიც კანს ელასტიურობას ანიჭებს და არეგულირებს ცხიმიანობას, ამასთან მის შემადგენლობაში შედის ჰიალურონის მჟავა( hyaluronic acid), რომელიც კანს ეხმარება დატენიანებასა და დამშვიდებაში, ბოლოს კი ნიაცინამიდი (niacinamide), იგი ხელს უწყობს ფორების შემცირებას. მაშასადამე ეს პროდუქტი მთლიანად მორგებულია ცხიმიან კანზე, მაგრამ ყველაფერი აქ არ მთავრდება, პირიქით ეს მხოლოდ დასაწყისია, რადგან კანს სჭირდება ინტენსიური მოვლა. ( რა თქმა უნდა, მხოლოდ ამ ბრენდით არ შემოიფარგლება და შეგიძლიათ ნებისმიერი  ქლინსერი იხმაროთ, რომელიც შეიცავს ზემოთ ჩამოთვლილ ნივთიერებებს და ხელს შეუწყობს თქვენი კანის გაჯანსაღებას).

2. ტონერი

ტონერი ღრმად წმენდს კანსა და ფორებს, რადგან მრავალი ჭუჭყი გროვდება ყოველდღიურად. იგი უნდა გამოიყენოთ რეგულარულად, დღეში ორჯერაც კი. სითხეს ასხამთ ბამბაზე და იწმენდთ კანს. მას ამზადებთ შემდეგი საფეხურითვის.

3. შრატი

 ცხიმის გამოყოფის დასარეგულირებლად, ცალკე შეგიძლიათ, გამოიყენოთ კვლავ ჰიალურონის მჟავა. ასევე შეგიძლიათ გამოიყენოთ ნიაცინამიდი, რომელიც ღრმად ჩადის ფორებში და ასუფთავებს, ხელს უწყობს გახდეს ნაკლებად შესამჩნევი(შეუძლებელია ღია ფორების ბოლომდე შემცირება და გაქრობა).

4. დამატენიანებელი

ალბათ, კითხვა გაგიჩნდებათ რაში სჭირდება ცხიმიან კანს დატენიანება, მაგრამ მისი დატენიანება იმდენად საჭიროა, როგორც გამომშრალისთვის. შესაბამისად დამატენიანებელი დიდ როლს თამაშობს ცხიმიანი კანის მოვლის რუტინაში. ამასთან არბილებს და აჯანსაღებს კანს.

5. მზისგან დამცავი კრემი

მზისგან დამცავი კრემი საკმაოდ საჭიროა ცხიმიანი კანის დასაცავად, იგი კანს იცავს გამოსხივებისა და რადიაციისგან. ამასთან, სიცხეში იზრდება ცხიმის გამოყოფა. მაგრამ, ეს იმას არ ნიშნავს რომ მზისგან დამცავი კრემი არ უნდა გამოიყენოთ ზამთარში. სიცივეში კანი უფრო მეტად შრება, მეტი დაცვა და მეტი დატენიანება სჭირდება, შესაბამისად მზისგან დამცავი კრემიც რეგულარულად უნდა გამოიყენოთ.

აღსანიშნავია ის ფაქტიც, რომ ეს ყველაფერი ყოველდღიურად უნდა შეასრულოთ. თანაც მკვეთრი შედეგი ერთ ან ორ დღეში არ იქნება. 

 როგორ მოვუაროთ მშრალ კანს?

გამუდმებით ხდება წყლის აორთქლება კანის ზედაპირიდან, 300-400 მლ დღეში. როცა იმაზე მეტი წყლის აორთქლება ხდება ვიდრე მიზანშეწონილია, კანი შრება, რადგან მისი ფუნქციები ირღვევა და საჭიროებს განსაკუთრებულ მოვლას.

მოვლის საშუალებები

საკმაოდ გავრცელებულია ე.წ. ქოლდ-კრემი.

იგი შეიცავს ცვილს და მინერალურ ცხიმებს, რომლებსაც შეუძლიათ კანის ღრმა წმენდა და ჭუჭყის მოშორება. კორონავირუსის გამოჩენასთან ერთად გვიწევს გამუდმებით პირბადის ტარება, რაც ხშირად უარყოფითად მოქმედებს კანზე.დერმატოლოგები გვირჩევენ, რომ პირბადის გაკეთებამდე და მოხნის შემდეგ აუცილებლად გავიწმინდოთ და დავიბანოთ სახე.

ასევე შეგიძლიათ გამოყენოთ სხვა გამწმენდი საშუალებები, რომლებიც მორგებულია მშრალ კანზე.

დატენიანება

მშრალი კანისთვის მთავარია დატენიანება. რათა გამომშრალი და დეჰიდრირებული კანი გამოასწოროს. მრავალი დამატენიანებელი საშუალება არსებობს, რომლებიც შეიცავენ ჰაილოურის მჟავას, იგი ხელს უწყობს კანის დარბილებას, დატენიანებასა და დაცვას.

წყლის კარგვის შემცირება

შეგიძლიათ წყლის ზედმეტი აორთქლება შეამციროთ, პროდუქტების: ვაზელინი, პარაფინი, ლანოლინი, ცვილი.

რა თქმა უნდა, ეს ყველაფერი მცირედია, რითაც შეგვიძლია ჩვენს კანს სიჯანსაღე შევძინოთ. აუცილებელია კანს მოვუაროთ და სიყვარულით მოვეპყროთ მას, შესაფერისი პროდუქტების შეძენა ახლა უკვე სახლიდან გაუსვლელად შეგიძლია, თუ მათ იბიჯის ვებ გვერდზე შეიძენ.

გმადლობთ ყურადღებისთვის,იმედია ჩემი რჩევები გამოგადგებათ.