კარგი სასკოლო ზურგჩანთის შერჩევა საკმაოდ რთულია, თუმცა როდესაც იცი რა კრიტერიუმები უნდა გაითვალისწინო, საქმე მარტივ ხასიათს იღებს

კარგი ზურგჩანთის შერჩევა თქვენი შვილისთვის განსაკუთრებით მნიშვნელოვანია.

ზურგჩანთის სიკარგე მხოლოდ ლამაზი ვიზუალით არ გამოიხატება, არის რამდენიმე კრიტერიუმი რომლის დაკმაყოფილების შემთხვევაშიც, ვხვდებით რომ ეს კონკრეტული ზურგჩანთა ჩვენი შვილისთვის საუკეთესოა.

პირველ რიგში, უნდა აღინიშნოს რომ არ არსებობს ისეთი ჩანთა, რომელიც ნებისმიერი ბავშვისთვის საუკეთესო ვარიანტად შეიძლება ჩაითვალოს, რადგან განსხვავებულ ასაკობრივ კატეგორიებში ზურგჩანთამ სხვადასხვა კრიტერიუმები უნდა დააკმაყოფილოს.

ჩვენ გამოვყავით სამი ასაკობრივი კატეგორია და თითოეულისთვის ის მნიშვნელოვანი მახასიათებლები, რომლებიც ჩანთის შერჩევისას უნდა გავითვალისწინოთ

1-6 კლასი

თუ თქვენი შვილი დაწყებითი კლასის მოსწავლეა, მისთვის ბევრად მოსახერხებელი იქნება პატარა ზურგჩანთა, რადგან ჯერ არ სჭირდება ბევრი წიგნის ტარება. 35x25x12 სანტიმეტრის ზომების ჩანთა ბავშვისთვის იქნება იდეალური რამდენიმე წიგნის, რვეულისა და პატარა საჭმლის კონტეინერის განსათავსებლად. თუ პატარა ასაკის მიუხედავად თქვენს შვილს ბევრი წიგნის ტარება უწევს, მაშინ უმჯობესი იქნება მისთვის ბორბლებიანი ჩანთის შეძენა, რათა ზედმეტად არ დაიტვირთოს მისი ზურგი და შემდგომში ხერხემლის პრობლემები არ გამოიწვიოს. ამ ასაკის ბავშვებს უყვართ ფერადი ჩანთები, მაგრამ ეს უკვე ინდივიდუალურია, ისევე როგორც ჩანთის დიზაინი. თავი შეიკავეთ მაღალფასიანი ჩანთის შეძენისგან , რადგან ბავშვს შესაძლოა მალევე დაუპატარავდეს ან თუნდაც მობეზრდეს შერჩეული ნივთი. 
აქვე რამდენიმე ზურგჩანთა, რომელიც შეიძლება გამოგადგეთ  ზურგჩანთა გოგონებისთვის , ზურგჩანთა ბიჭისთვის , ბორბლებიანი ჩანთა ბიჭისთვის ,  ბორბლებიანი ჩანთა გოგონებისთვის

6-9 კლასი

​ამ ასაკის სკოლის მოსწავლეებს შედარებით დიდი მოცულობის ზურგჩანთა სჭირდებათ, რადგან ბევრი წიგნი და რვეული აქვთ წასაღები სკოლაში. სწორედ ამიტომ, მათთვისაც უმჯობესი იქნება ბორბლებიანი ჩანთა. მაგრამ ხშირ შემთხვევაში მოსწავლეები ცალსახად ამჯობინებენ ზურგჩანთას და არ სურთ ბორბლებიანი ჩანთით სკოლაში სიარული, თუმცა შედარებით გამხდარი ბავშვებისთვის ბორბლებიანი ჩანთის ტარება თითქმის აუცილებელიც კია მათი ჯანმრთელობისთვის. თუ ასეთ პრობლემასთან საქმე არ გვაქვს შესთავაზეთ ბავშვს ზურგჩანთასთან ერთად ხელის ჩანთის ტარება. 
აქვე რამდენიმე რეკომენდებული ჩანთა :  ჩანთა ბეტმენის გამოსახულებით ,  მრავალგანყოფილებიანი ჩანთა ,  ბორბლებიანი ჩანთა

9-12 კლასი

​დამამთავრებელი კლასის მოსწავლეები შედარებით დამოუკიდებლები არიან ზურგჩანთის არჩევისას, ამიტომ მშობლებს მათთვის მხოლოდ პატარა რჩევების მიცემა შეუძლიათ. ამ ასაკში მნიშვნელოვანია, რომ თქვენს შვილს მაღალი ხარისხის ზურგჩანთა ჰქონდეს, რადგან მათი დღიური განრიგი ხდება ბევრად უფრო ინტენსიური, ამასთანავე შეიძლება ბავშვი სპორტით ან სხვა გარე აქტივობითაც იყოს დაკავებული. ძალიან მნიშვნელოვანია ამ დროს ყურადღება მიაქციოთ ჩანთის ბრენდს და ხარისხს. შეიძლება ასეთი ჩანთა შედარებით ძვირი დაჯდეს, თუმცა გამძლეობით გამორჩეული იქნება.
აი რამდენიმე ვარიანტი  მულტიფუნქციური ჩანთა ,  Hynes Eagle-ის ზურგჩანთა ,  მოდური ჩანთა

რამდენიმე საკითხი რომელიც მხედველობაში უნდა მიიღოთ
 

•  რა ასაკისაც არ უნდა იყოს თქვენი შვილი, ეცადეთ რომ ჩანთა იყოს მაქსიმალურად მსუბუქი, რადგან ზურგჩანთის ხანგრძლივმა გამოყენებამ შეიძლება გამოიწვიოს ზურგის  ტკივილები
   
•  ჩანთაში ნივთების კომპაქტურად განლაგება ბავშვისთვის სარგებლის მომტანია, რადგან იგი შეძლებს ნივთების მარტივად პოვნას და არ დახარჯავს იმ დროს, რომელიც უფრო  მნიშვნელოვან სამუშაოს უნდა დაუთმოს
   
•  ჩანთის ყიდვის პროცესში უმნიშვნელოვანესია თქვენი შვილის ჩართულობა. უნდა დარწმუნდეთ რომ მას არჩეული ჩანთა მოსწონს. ეს ასევე დაეხმარება დამოუკიდებლად  გადაწყვეტილების მიღების უნარის განვითარებაში
  
  ახლა უკვე შეგიძლიათ შეარჩიოთ საუკეთესო ჩანთა თქვენი შვილისთვის
  დაათვალიერეთ ზურგჩანთები, რომლებიც სპეციალურად თქვენთვის შევარჩიეთ  ჩანთები EBG-ზე