ბევრის ოცნებაა, არასდროს სჭირდებოდეს თმის მოცილებაზე ზრუნვა! უთმო, გლუვი და მბზინვარე კანისთვის არაერთ ხერხს მივმართავთ: ყოველთვიური ვიზიტები ეპილაციაზე, საპარსის ხშირი ხმარება, მტკინვეული ფხრიწები და დეპილაციის ცხელი ცვილი გაცილებით უფრო დიდი ტვირთია, ვიდრე უბრალოდ თავის მოვლა და სილამაზის რუტინის ნაწილი. დღეს, როცა მედიცინა და ტექნოლოგიები ძალიანაა განვითარებული, თმის მოცილების პროცესი გაცილებით ეფექტური და უმტკინვეულო შეგვიძლია გავხადოთ.

თმის მოცილების უამრავ პროდუქტს შორის, შევარჩიეთ ქალებისათვის ყველაზე ეფექტური და მოსახერხებელი ვარიაციები. ეპილატორიდან დაწყებული ბუნებრივი თმის მოსაშორებელი კრემებით დამთავრებული, სტატიაში გთავაზობთ თმის მოსაცილებელ ყველაზე რეიტინგულ პროდუქტებს.

1. Gillette Venus Silk-expert

სამწუხაროდ, ლაზერული ეპილაციის ხელსაწყოები ყოველთვის არ მუშაობს მუქი ფერის კანის მქონე ქალებისათვის, რადგან ზოგიერთი მოწყობილობა ვერ ასხვავებს თმის პიგმენტსა და კანის პიგმენტს, რაც ნიშნავს, რომ ხშირად ხდება კანის წვა ან ბუშტუკების გაჩენა. Gillette-ის ლაზერული გამოსხივების აპარატი არა მარტო ფუფუნებაა ლაზერის მოყვარული ქალბატონებისთვის (რადგან მათ სახლში ექნებათ მოწყობილობა და აღარ მოუწევთ ამისთვის სალონში ხშირი სიარული), არამედ იგი ეფექტურია მუქი კანისთვისაც, რადგან ეს ინსტრუმენტი იყენებს SensoAdapt-ის ტექნოლოგიას -  კანის ტონის ადაპტერ სენსორს, რომელიც გამოყენების პროცესში მუდმივად ეგუება თქვენი კანის პიგმენტს. მუდმივი გამოყენების შემთხვევაში, ინტენსიური პულსირებული სინათლე ხელს უწყობს თმის ზრდის სამუდამო დათრგუნვას.

2. Panasonic Facial Hair Trimmer

მათთვის, ვინც დაიღალა სახის კანზე თმის მოცილების ძველი საშუალებებით -  Panasonic-ის ბატარიაზე მომუშავე თმის მინი ტრიმერი შესანიშნავია ზედა ტუჩის თმის დისკრეტულად მოცილებისთვის. იგი ძალიან კარგად ებრძვის თმის ღერებს სახის კანზე ისე, რომ კანს გაღიზიანებისგან იცავს და მას პირდაპირ არ ეხება. ის შექმნილია და ფორმებით მორგებულია სახის კონტურებს, რათა მარტივად და სწრაფად ისრიალოს კანზე. მოწყობილობა იყენებს სუპერ თხელ პირს და უსაფრთხოდ, ნაზად აშორებს თმას სახეზე. იგი ძალიან მოსახერხებელია სხეულის ნებისმიერი სხვა მცირე ადგილისთვისაც.

3. Neomen Premium Depilatory Cream

თუ თქვენ მოგწონთ ჯადოსნური კრემის იდეა, თუმცა არაერთხელ შეგშინებიათ ყველასთვის ცნობილი დეპილატორი კრემის მოსინჯვა, მსგავსი კრემის ამ ნაზ ვერსიას ნამდვილად არ აქვს თქვენი შეშინების მიზეზი. NEOMEN-ის დეპილატორი კრემი არ აღიზიანებს კანს და არ არის ალერგიული. იგი გამდიდრებულია ნატურალური პროდუქტებით: ალოეთი, ვიტამინი E, ბავშვის ზეთით, ჰიალურონის მჟავით და სინთეზური სკუალენით, რომელიც კვებავს თქვენს კანს, ხსნის თმის თითოეულ ღერს და ტოვებს ბავშვის კანივით ნაზ კანს. ნატურალური ინგრედიენტები და უმტკინვეულო პროცესი სწორედ ის მთავარი დადებითი მხარეა, რაც ამ პროდუქტს გამოარჩევს. 

4. R.E.M. Spring Facial Hair Remover

პინცენტის ერთგული მოხმარებლებისთვის - დროა გადააგდოთ პინცეტი და მის ნაცვლად თქვენს ნივთებში ადგილი მოუძებნოთ ამ ე.წ ზამბარას. იგი თმას პირდაპირ ფოლიკულიდან აძრობს და არ აშინებს არც მოკლე და არც მსხვილი თმის ღერები.  მისი გამოყენება მარტივია - იგი სახელურებით უნდა დავიჭიროთ და ზამბარა კანზე უწყვეტად ვამოძრაოთ თმის ზრდის საპირისპირო მიმართულებით.  წამიერი ჩხვლეტის შეგრძნება და თქვენ ხვდებით, რომ თმა მოშორდა!

5. Moom Organic Hair Remover

მგრძნობიარე კანის მქონე, ორგანული პროდუქტების მოყვარული ქლბატონებისთვის - MOOM-ის თმის მოცილების ნატურალური საშუალება დამზადებულია 100% ორგანული ინგრედიენტებით, როგორიცაა: გვირილა, ლერწმის შაქარი, ლიმონის წვენი და ჩაის ხის ზეთი. იგი შეგიძლიათ გაათბოთ, წაისვათ თმიან ადგილას და შემდეგ მოაცილოთ ქსოვილის ზოლით. ბევრის აზრით, იგი ეპილაციას სჯობს თავისი ნაზი, დამამშვიდებელი და ანტისეპტიკური ბუნებრივი ინგრედიენტებისგამო. იგი არ მოიხმარება ცხელი, აბსოლუტურად ნატურალურია, კანს მარტივად შორდება წყლითაც და მოკლე თმისაც ეფექტურაც აცილებს.

6. Hair Off Hair Remover Mitten

ვინც ხშირად მოგზაურობს - თმის მოცილების ამ საშუალების მოყვარულები, როგორც ჩანს საკუთარი მიზნის მისაღწევად განსხვავებულ გზას მიმართავენ.  "HAIR OFF" -ის ე.წ "თათმანი" თმას მარტივად და მყისიერად აშორებს, კანს კი გლუვს ტოვებს.  მისი გამოყენება მარტივია - წრიული მოძრაობებით იგი თმის ღერს სწორედ ხახუნის ძალით ანადგურებს ისე, რომ თმის ამოსვლა შემდგომ უკვე გაცილებით ნელა და მცირე რაოდენობით ხდება. აღნიშნული პროდუქტი განსაკუთრებით ეფექტურია ფეხის თმისათვის.

7. BodyHonee Spa Wax

დამწყებთათვის იდეალური "BodyHonee Spa Wax" ნაკრები ხელს უწყობს ყველაზე უხეში, ყველაზე ჯიუტი თმის მოცილებასაც კი. ცვილი მარტივად გაათბეთ, წაისვით, ზემოდან დაადეთ ქსოვილი და სწრაფი მოძრაობით მოიცილეთ.  ზეთის საწმენდი ხელსახოცები, რომელიც ნაკრებს მოყვება, გამოიყენეთ ზედმეტი ცვილის მოსაშორებლად. ამ პროდუქტის ეფექტურობა და დადებითი მხარე სწორედ გამოყენების სიმარტივესა და სისწრაფეშია.

საბოლოოდ, შეიძლება ითქვას, რომ რთულია გამოვყოთ ერთი გზა თმის მოცილებისთვის. ბუნებრივია, რამდენადაც განსხვავებულია სხვადასხვა ქალის კანი და თმა, იმდენად განსხვავებულია თმის მოცილების ხერხები. თუ კი თქვენთვის ლაზერული ეპილაცია საუკეთესო საშუალებაა, სხვისთვის  ეს შეიძლება იყოს თმის ცვენის კრემი. ამასთან, სხვადასხვა ტიპის კანსა და თმას თან ახლავს სხვადასხვა ბიუჯეტური მზაობაც. სწორედ ამიტომ, შემოთავაზებულ საშუალებებს შორის, მთავარი გასაღები სწორი არჩევანის გაკეთებაა ჩვენი მოთხოვნილების, კანის და თმის სპეციფიკის გათვალისწინებით.