დღეს, როცა სამყარო ცხოვრების სხვა რიტმზე გადაეწყო, და თითქმის ყველაფერმა სახლში გადმოინაცვლა, ვარჯიში სახლის პირობებში უფრო და უფრო აქტუალური გახდა.  ზოგიერთი ჩვენგანი დატვირთული გრაფიკის გამო ვერ ახერხებს დარბაზში სიარულს, ზოგისთვის არც ისე კომფორტულია ისეთ გარემოში ვარჯიში, სადაც სხვა ადამიანებიც არიან. ადამიანებს სხვადასხვა მიზეზი აქვთ იმისთვის, თუ რატომ შეიძლება არ უნდოდეთ ან მოსწონდეთ სავარჯიშო დარბაზებში სიარული. სახლში ვარჯიში დარბაზების ნამდვილად გენიალური ალტერნატივაა. მრავალი ადამიანისთვის ეს გაცილებით მოსახერხებელია განსაკუთრებით იმ სამყაროში, სადაც ვარჯიშების სწორად არჩევისთვის უამრავ რესურსზე გვაქვს ინტერნეტში წვდომა.  

დღეს გაგაცნობთ ძალიან სასარგებლო და გამოსადეგ სავარჯიშო აღჭურვილობას, რომელიც დაგეხმარებათ ნამდვილი სავარჯიშო დარბაზი მოიწყოთ თქვენს საკუთარ სახლში! თანაც კარგი და გამოსადეგი აქსესუარები ვარჯიშს უფრო სახალისოს ხდის.

*იოგას როლერი-სავარჯიშო დასაფენი

პირველი ნივთი, რაც სახლში ვარჯიშზე ფიქრისას გვახსენდება როლერია (იოგა-მატი), რომელიც მხოლოდ იოგასთვის არ არის განკუთვნილი. რა თქმა უნდა, ვარჯიში ცარიელ იატაკზეც შეიძლება, მაგრამ სასიამოვნოა, როცა ჩვენი ტერფები, მუხლები დაცულია და ისედაც რთულ ვარჯიშს, სხვა დეტალები არ ართულებენ, განსაკუთრებით თუ ჩვენ იატაკი ხისტია! იგი ძალიან მოსახერხებელია და არ სრიალებს იატაკზე, კომპაქტურად იხვევა ისე, რომ მისი შენახვა და წაღება ძალიან მარტივი და მოსახერხებელია.

*სავარჯიშო ელასტიური ლენტები

ალბათ, აქამდეც გსმენიათ ან ერთხელ მაინც მოგიკრავთ თვალი მისთვის. ეს ე.წ. წინააღმდეგობის ლენტები მარტივ ვარჯიშებს უფრო ინტენსიურს ხდის. რაც უფრო გაჭიმავთ კუნთების მუშაობა უფრო ინტესიური ხდება და, შესაბამისად, შედეგზეც აისახება. სხვადასხვა ზომის ლენტები, სხვადასხვა სიძლიერისაა, ხუთი სხვადასხვა დაჭიმულობის ლენტები განკუთვნილია სხვადასხვა ვარჯიშისთვის და შესაბამისად ერგება თქვენს სიძლიერეს. განსაკუთრებით გამოყენებადია ეს პროდუქტი მათთვის, ვინც უკვე კარგად აითვისა basic ვარჯიშები და საკუთარი სხეულის გამოწვევების წინაშე დაყენება სურს!

*"BOSU" ბურთი

ეს სავარჯიშო აქსესუარი განსაკუთრებით კარგია თქვენი მუცლისა და წელის კუნთებისთვის, რადგან მარტივი მოძრაობების გაკეთება არასტაბილურ ზედაპირზე ყოფნისას იწვევს სხეულის დანარჩენი კუნთების გააქტიურებას, რათა ბალანსი შეინარჩუნოთ. არ აქვს მნიშვნელობა რომელ ვარჯიშს (ფეხების, სხეულის ზედა ნაწილის თუ კარდიოს) გააკეთებთ ამ აქსესუართან ერთად, პროცესში აუცილებლად ჩაერთვება ე.ქ. “core” კუნთები. ბურთის გამოყენებას რეკომენდაციას ხშირად უწევენ ტრენერები, რადგან მისი ეფექტი, ხშირად გამოყენების პირველივე დღეს იგრძნობა. ინტერნეტში მოიპოვება სხვადასხვა ვარჯიშები მსგავსი ბურთის გამოყენებით.

*ლახტი

ლახტი ერთ-ერთი ყველაზე ცნობილი და გავრცელებული სავარჯიშო აქსესუარია. ლახტით ხტუნვა გარდა იმისა, რომ სახალისოა, სასარგებლოც არის. იგი ზედმეტ კილოგრამებს თამაშ-თამაშით გვაშორებს. ხტუნვა განავითარებს ამტანობას, ამაგრებს გულ-სისხლძარღვთა და სასუნთქ სისტემას, ავარჯიშებს სხეულს თითქმის ყველა კუნთს, განსაკუთრებით კი ფეხისა და ხელის კუნთებს. ცხიმის დაწვა ხტუნაობით ბევრად უფრო სწრაფად ხდება, ვიდრე სხვა რომელიმე აქტივობით (ცურვა, ველოსიპედი, ჩოგბურთი და სხვა).  ის შესანიშნავი კარდიო ალტერნატივაა სირბილისთვის, რომელიც ასევე ზრდის ცხიმის წვასა და კუნთების ჩართვას. თანაც, ლახტით სარგებლობისთვის სულ არ გვჭირდება სადმე წასვლა. შედეგის მისაღწევად საკმარისია საკუთარ თავში სურვილი და ოთახში -  ადგილი გამოვნახოთ!

*მაჯისა და ტერფის დამატებითი წონა

 რთულია ვარჯიში სხეულის კონკრეტულ ადგილზე სწორად მივმართოთ. ხშირად ამა თუ იმ მოძრაობას ჩვენი სხეულის შესაბამისი კუნთები არ ეხმაურებიან. ამის მიზეზი ვარჯიშიას არასწორი ტექნიკა, ან არასაკმარისი დატვირთვაა. ეს აქსესუარი კი კიდევ ერთი შესანიშნავი გზაა ვარჯიშისას კუნთზე ძალის დამატებისთვის. ამ წონების თქვენი ტერფებისთვის დამატებით, თვქნი ვარჯიში პირდაპირ იქნება წვივის კუნთებზე მიმართული ისე, რომ იგი ხელს უწყობს ფეხის სიმტკიცესა და ტონუსში მოყვანას. ეს აქსესუარი განსაკუთრებით გამოყენებადია ისეთი ვარჯიშებისთვის, რომელსაც სხეულზე დაბალი ზემოქმედება აქვს. მისი დახმარებით ჩვენი ყოველი მოძრაობა უფრო შედეგიანი ხდება სხეულისთვის.  

და ბოლოს,

 მოხდენილ, კომფორტულ და მოდურ ფორმაში ყოფნა, მხოლოდ სავარჯიშო დარბაზებში როდია სასურველი! კარგი სპორტული სამოსი თავს უფრო თავდაჯერებულად გვაგრძნობინებს და ვარჯიშის პროცესიც უფრო ეფექტური და სასიამოვნო ხდება.

სწორედ ამიტომ, სახლში ვარჯიშის დროსაც უნდა ვიზრუნოთ ჩვენს ჩაცმულობაზე.  მსგავსი კომბინიზონი და სპორტული ფეხსაცმელი იდეალური წყვილია ვარჯიშის დასაწყებად! იგი არა მარტო მოდური, არამედ კომფორტულიცაა.  

დღეისთვის სულ ეს იყო, 

მომავალ შეხვედრამდე :)