მანიკური, პედიკური, შილაკი, გელი... გაიკეთე შენი ხელით

ფრჩხილის მოვლა სახლის პირობებში ზოგისთვის ჩვეულებრივი მოვლენაა, ზოგიერთისთვის კი წარმუდგენელი რამ.

რამდენიმე წლის წინ, ვერც მე წარმომედგინა ოდესმე საკუთარი ხელით თუ შევძლებდი მანიკურ პედიკურის გაკეთებას. დიდი ხნის განმავლობაში ვხარჯავდი უამრავ ფულს, რათა ფრჩხილი მუდმივად ფორმაში მქონოდა.

ერთ დღეს შემთხვევით ვნახე ვიდეო გაკვეთილი, თუ როგორ მესწავლა ფრჩხილის მოვლა სახლის პირობებში. ერთი შეხედვით იმდენად მარტივად მომეჩვენა, რომ გადავწყვიტე მესწავლა. შევიძინე ინსტრუმენტები, ჩავრთე ვიდეო და დავიწყე.

პირველ ჯერზე საკმაოდ გამიჭირდა, მაგრამ ყოველი შემდეგი მცდელობა უკეთესი შედეგით სრულდებოდა. ათ დღეში ერთხელ სალონში სიარულზე უარის თქმით დავზოგე დრო და თანხებიც. იმ ფულით რასაც სამ თვეში ვხარჯავდი, შევიძინე ინვენტარი, რომელსაც განახლება სჭირდება წელიწადში ერთხელ და ჩემი ბიუჯეტი საერთო ჯამში საგრძნობლად გაიზარდა. ამასთან ერთად უსაფრთხოებაში ვარ დარწმუნებული 100%ით.

იმის შემდეგ რაც ინსტრუმენტებით ფრჩხილის დამუშავება ვისწავლე, შევიძინე ლაქები და მათი სწორად წასმა ისევ ვიდეო გაკვეთილებით ვისწავლე.

მთავარია ლაქი იყოს ხარისხიანი და ფრჩხილი იერსახეს ინარჩუნებს იმავე დროის განმავლობაში, როგორც სალონური პროცედურის შემდეგ.

როდესაც ჩემი შესაძლებლობები დავხვეწე, გადავწყვიტე საქმე გამერთულებინა და დავიწყე შილაკის გელით მუშაობის შესწავლა. აქაც ასევე ვიდეო გაკვეთილები დამჭირდა.

შევიძინე შილაკის აპარატი რომელიც გელს აშრობს. ის არაფრით განსხვავდება აპარატისგან, რომელსაც სალონებში იყენებენ. ასევე დამჭირდა სპეციალური ქლიბების ნაკრები, რომელსაც ვიყენებ აქტიურად შეძენიდან უკვე ორი წელი.

შილაკის გასაკეთებლად სპეციალური გელის შეძენა არის საჭირო. ის ასევე ხარისხიანი უნდა იყოს და დამიჯერეთ, ინვესტიცია რომელიც ერთი შეხედვით დიდ თანხებთან არის დაკავშირებული, გრძელვადიან დანაზოგს გპირდებათ.

ხელების მოვლა ფრჩხილებით არ იწყება და არ მთავრდება. ფრჩხილი როგორ კარგ მდგომარეობაშიც არ უნდა იყოს, ხელზე კანი თუ გამომშრალი და გაუხეშებულია, მთლიან სილამაზეს კარგავს.

დაიმუშავეთ ხელები სკრაბით, შემდეგ კი დაიტანეთ დამატენიანებელი. დილა საღამოს გაიმეორეთ ეს პროცედურა და გპირდებით აბრეშუმივით ხელის კანი თქვენი სავიზიტო ბარათი იქნება.

გამიზიარეთ თქვენი რჩევები თუ როგორ უვლით ხელებს და ფრჩხილებს სახლის პირობებში.