თუ ონლაინ შოპინგში ახალი ხართ ან ჯერ არ გისარგებლიათ ჩვენი საიტის მომსახურებით, ეს სტატია თქვენთვისაა. გაგაცნობთ ყველა იმ მნიშვნელოვან დეტალს, რომელიც თქვენი შოპინგის სწორად და ხარისხიანად დაგეგმვაში დაგეხმარებათ.

• გამოწერა და მასთან დაკავშირებული პრობლემები

• როგორ ვიშოპინგოთ უსაფრთხოდ?

• განვადებით გამოწერის უპირატესობები

• როგორ ხდება ჩამოსული ნივთის გატანა?

თუ ონლაინ შოპინგში ახალი ხართ და ჯერ არასდროს გისარგებლიათ ჩვენი საიტის მომსახურებით, ან გისარგებლიათ, თუმცა დეტალებში მეტად გსურთ გარკვევა, ეს სტატია თქვენთვისაა. გაგაცნობთ ყველა იმ მნიშვნელოვან დეტალს, რომელიც თქვენი შოპინგის სწორად და ხარისხიანად დაგეგმვაში დაგეხმარებათ.

უცხოური საიტებიდან გამოწერა საკმაოდ სპეციფიკური თემაა და ეხება საზოგადოების თითქმის ყველა ფენას. ზოგი ცდილობს, თანამედროვე მოდის ტენდენციებს არ ჩამორჩეს და შეიძინოს ის, რაც ჯერ მის ქვეყანაში არ შესულა, ზოგს საკუთარი ბიზნესის გაფართოვება სურს და ახალ ტექნოლოგიებს ეძებს, ზოგსაც უბრალოდ, რაიმეს იაფად შეძენა აინტერესებს.

საქართველოში განსაკუთრებული პოპულარობით გამოირჩევა eBay.com,  რომელიც გახლავთ ამერიკის შეერთებული შტატების ერთ-ერთი უმსხვილესი ონლაინ მაღაზია და აუქციონის ყველაზე დიდი პლატფორმა მსოფლიოში. eBay გამოირჩევა მასზე განთავსებული პროდუქციის მრავალფეროვნებით, ხარისხითა და დაბალი ფასით. იბეიზე შესაძლებელია პრაქტიკულად ყველანაირი პროდუქტის ყიდვა, როგორც ახლის, ისე - მეორადის. განსაკუთრებით გამოვყოფდი აუქციონის ტიპს, რომელიც რაიმე ნივთის იაფად შეძენის შესანიშნავ საშუალებას იძლევა.

თუმცა, ქართველი მომხმარებლები ხშირად უამრავ პრობლემას აწყდებიან ნივთის პირდაპირ eBay-ზე შეძენისას. პროდუქციის უდიდესი ნაწილი პირდაპირ საქართველოში არ იგზავნება, ამიტომაც, ქართველ გამომწერებს უწევთ შუამავალ გადამზიდ საიტზე რეგისტრაცია, რათა მათი ნივთი ჯერ ამერიკის საწყობში მიეწოდოს, ხოლო შემდეგ საქართველოში ჩამოვიდეს. eBay-ზე ვაჭრობისას მომხმარებლებს უწევთ ყოველი გამოწერილი ამანათის დეკლარირება და უმეტეს შემთხვევაში PayPal-ის საფულის გახსნა, რაც სხვადასხვა პროცედურასთანაა დაკავშირებული და მომხმარებლების ნაწილს აბნევს, ნაწილს კი საერთოდ გამოწერას გადააფიქრებინებს ხოლმე.

საბედნიეროდ, არსებობს ebg.ge, სადაც განთავსებულია ebay.com-ის სრული კატალოგი  და ნებისმიერი ნივთის შეძენა შესაძლებელია პირდაპირ ჩვენთან, ზედმეტი პროცედურებისა და დამატებითი სერვისების გარეშე.

რა უპირატესობა აქვს ebg.ge-დან გამოწერას ebay.com-თან მიმართებით?

• „იბიჯი“ქართულ ენაზეა, ასევე აქტიურად მუშაობს დახმარების ცენტრი, რომელიც ნებისმიერ პრობლემას მყისიერად მოგიგვარებთ, ebay.com-იდან გამოწერის შემთხვევაში კი ინგლისური ენის ცოდნა აუცილებელია.
   
• პირდაპირი შეძენა - გაქვთ შესაძლებლობა, პირდაპირ საიტიდან, გადამზიდი კომპანიებისა და სხვა სერვისების გამოყენების გარეშე, შეიძინოთ პროდუქტი.
   
• თანხის ჩარიცხვა - შეგიძლიათ გადაიხადოთ თქვენთვის სასურველი მეთოდით. როგორც  პლასტიკური ბარათით ასევე თქვენთან ახლოს მდებარე ნებისმიერი სწრაფი ჩარიცხვის აპარატით.
   
• განვადება - ebg.ge-ზე შეგიძიათ ისარგებლოთ საქართველოს ბანკის, თიბისი ბანკის, კრედო ბანკისა და ლიბერთი ბანკის ონლაინ განვადების სერვისით და გადაანაწილოთ თანხა თქვენთვის სასურველ პერიოდზე თქვენთვის მოსახერხებელი პირობებით. 
   
• გადახდილი თანხის უკან დაბრუნება - თუ გამყიდველი არ შეასრულებს თავის მოვალეობას, „იბიჯი“ თქვენს ნაცვლად დაუკავშირდება გამყიდველს და გადახდილ თანხას სრულად დაგიბრუნებთ.

• სრული დაზღვევა ტრანსპორტირებისას. ყველა ამანათი დაზღვეულია და თუ გზაში რაიმე გაუთვალისწინებელ შემთხვევას ექნება ადგილი, თქვენ არ დაზარალდებით. გთხოვთ, დეტალებისთვის გაეცნოთ მოხმარების წესების 3.8-3.15 პუნქტებს
  
   

როგორ შევარჩიოთ პროდუქტი სწორად

გამყიდველის რეპუტაცია

როცა უკვე გავერკვევით, თუ რისი შეძენა გვსურს, აუცილებელია, პროდუქტი სწორად შევარჩიოთ, რადგან სავაჭრო პლატფორმაზე კონკრეტულად ეს ნივთი შესაძლოა რამდენიმე ათეულ ან ასეულ გამყიდველს ჰქონდეს. იბეიზე გამყიდველების უმრავლესობა კეთილსინდისიერად ვაჭრობს, თუმცა არიან, რბილად რომ ვთქვათ, არაპროფესიონალები და დილეტანტებიც. რასაკვირველია, მათგან თავი შორს უნდა დავიჭიროთ.

ყურადღება მიაქციეთ გამყიდველის რეიტინგს! რეიტინგი დადგენილია მყიდველების შეფასებების მიხედვით. თუ მისი პროცენტული მაჩვენებელი 95%-ზე ნაკლებია, არსებობს რაიმე სახის პრობლემის გაჩენის გარკვეული რისკი. მაგალითად, შეიძლება, ნივთის აღწერაში რაიმე დეტალი არ ჰქონდეს მითითებული და როდესაც პროდუქტს მივიღებთ, უსიამოვნო სიურპრიზი აღმოვაჩინოთ. შეიძლება, მან გადააცილოს ნივთის საწყობამდე მიწოდების დროს, გამოაგზავნოს დეფექტური და დაზიანებული პროდუქტი და ა.შ. საერთო ჯამში, შეფასების ანუ Feedback-ის დაბალი პროცენტი გვაჩვენებს, რომ ამ გამყიდველს მიღებული აქვს უარყოფითი შეფასებები.

ჩამოთვლილი რისკების მიუხედავად თქვენი უსაფრთხოება მაინც დაცულია, რადგან ebg უზრუნველყოფს გამყიდველთან და eBay-სთან კომუნიკაციას და მოლაპარაკება ყოველთვის მომხმარებლის სასარგებლოდ წყდება.

როგორც ამ სქრინზე ხედავთ, გამყიდველი - „never-msrp“, რომელიც ყიდის ახალ Samsung Galaxy S9-ს, შეფასებულია, 88,262-ჯერ, საიდანაც მხოლოდ 1%-ია უარყოფითი. შეიძლება ითქვას, რომ ეს იდეალური შედეგია.
 

ნივთის მდგომარეობა

პროდუქტის ძიებისას სასიამოვნოა, როდესაც გაქვს არჩევანის საშუალება და მოძებნილი პროდუქცია მრავალფეროვანია. ebg-ზე შესაძლებელია, გაფილტროთ პროდუქტები მათი მდგომარეობის მიხედვით. ნივთის მოძიების დროს უნდა გაითვალისწინოთ, რომ პროდუქცია შეიძლება იყოს მეორადი, შეკეთებული ან აღდგენილი. არსებობს რამდენიმე ძირითადი მდგომარეობა, ესენია:

ახალი - ნივთი სრულიად ახალია, დევს ორიგინალ ყუთში, რომელიც უმეტეს შემთხვევაში გაუხსნელია და მოჰყვება ორიგინალი აქსესუარები.

ახალი სხვა - ნივთი სრულიად ახალია, თუმცა შეიძლება აკლდეს ან არ ჰქონდეს ორიგინალი აქსესუარები.

აღდგენილი - ძირითადად ტექნიკას ეხება. დაზიანებულია ან ქარხნული წუნდებულია, თუმცა, უკვე აღდგენილია და მუშაობს გამართულად. არსებობს გამყიდველის მიერ და ქარხნულად აღდგენილი პროდუქტი.

მეორადი - ამგვარ პროდუქციას მეტად ან ნაკლებად აღენიშნება გამოყენების კვალი. შეიძლება, ჰქონდეს ორიგინალი ან არაორიგინალი აქსესუარები. ტექნიკურად ყველაფერი წესრიგშია და თავის ფუნქციას გამართულად ასრულებს.  

არ მუშაობს ან დაშლილია - ამ განყოფილებაში სახელიდან გამომდინარე მხოლოდ დაზიანებული და დეფექტიანი პროდუქცია ხვდება, რომელსაც მხოლოდ ნაწილებად თუ გამოიყენებთ.
 

ნივთის ჩამოსვლის დრო და მდებარეობა

ნივთის ჩამოსვლის დრო პირდაპირ კავშირშია მის ადგილმდებარეობასთან. ნივთები ძირითადად მდებარეობს ა.შ.შ-სა და ჩინეთში (ასევე შეიძლება შეგხვდეთ დიდი ბრიტანეთი, ავსტრალია, ბრაზილია და ა.შ.). ebg.ge-ზე ნივთის ყიდვისას თქვენი ნივთი მიეწოდება ჩვენს საწყობს ა.შ.შ-ში, ხოლო შემდეგ იგზავნება საქართველოში. იბიჯი გამორჩეული იმითაც არის, რომ შეკვეთილი ნივთის მიღება შესაძლებელია საქართველოს 40-ზე მეტ ქალაქში. იხილეთ ქალაქების ჩამონათვალი

აშშ-დან ტრანსპორტირების დრო საშუალოდ 7-9 დღემდე მერყეობს, ხოლო ჩინეთიდან, საიდანაც იბეიზე განთავსებული პროდუქტების საკმაოდ დიდი ნაწილი იგზავნება, შესაძლოა, ეს ვადა 14-15 დღემდე ან 1 თვემდეც კი გაიზარდოს.

აგრეთვე, გასათვალისწინებელია მოახლოვებული დღესასწაულები, რომლებიც მსოფლიო მასშტაბით მნიშვნელოვნად აფერხებენ ფოსტის სერვისებს საერთაშორისო.
 

ანგარიშის შევსება და ბალანსის კონტროლი

გამოწერისას პროდუქტის ღირებულების გარდა, აუცილებელია, გავითვალისწინოთ, რომ მას დაემატება წონის ღირებულებაც, რადგან ამერიკიდან საქართველოში ამანათის ჩამოტანა იანგარიშება წონის მიხედვით. კერძოდ, აშშ-ს ფილიალამდე მიღების და აშშ-დან საქართველომდე ჩამოტანის ხარჯები. ეს უკანასკნელი დგინდება მას შემდეგ, რაც ნივთი ჩამოვა და მოქმედებს შემდეგი ტარიფი - 100 გ = 0.80$

ანგარიშის შევსება შეგიძლიათ როგორც პლასტიკური ბარათით, ისე - სწრაფი გადახდის ტერმინალებიდან. როდესაც ნივთს ყიდულობთ, მაშინვე გეჭრებათ ნივთის ღირებულებას დამატებული აშშ-ს ფილიალამდე მიტანის ხარჯები, ხოლო ამანათის საქართველოში ჩამოსვლის შემდეგ „დავალიანების“ გრაფაში წითლად დაგეწერებათ წონის ღირებულება, რომლის გადახდაც ამანათის გასატანად აუცილებელია. ამ თანხის დაფარვა შეგიძლიათ ორნაირად, როგორც ხელით, ისე - ავტომატურად. დეტალები ტრანსპორტირების საფასურის შესახებ იხილეთ აქ.

განსხვავებულად მოქმედებს აუქციონზე შესყიდვის წესი. როდესაც თქვენთვის სასურველ ბიჯს ანთავსებთ კონკრეტულ ნივთზე, ანგარიშზე მაშინვე გეყინებათ განთავსებული ბიჯის 40%, ხოლო აუქციონში გამარჯვების შემთხვევაში ვალდებული ხართ, 24 საათის განმავლობაში დანარჩენი 60%-ც გადაიხადოთ, წინააღმდეგ შემთხვევაში, გაყინულ 40%-ს დაკარგავთ. ასეთი მკაცრი წესი გამომდინარეობს თავად ebay.com-ის პოლიტიკიდან აუქციონებთან მიმართებაში. აუქციონზე თამაშის ინსტრუქცია ნახეთ ამ ბმულზე.
 

ebg-ს განვადება შეღავათიანი პირობებით

ჩვენს დროში სხვადასხვა საჭირო ნივთებისა და მომსახურებების განვადებით შეძენა დღითი-დღე პოპულარული ხდება. ეს განპირობებულია უდავოდ მოსახერხებელი გამოთვლის სისტემითა და სასარგებლო გადახდის პირობებით. მაგალითად, სასურველი ტელეფონის შესაძენად ფულს თვეობით აღარ ვაგროვებთ, როცა შეგვიძლია, დაუყოვნებლივ მივიღოთ იგი საკმაოდ მცირე ფასნამატის სანაცვლოდ, რომელიც შეუმჩნევლად გადანაწილდება რამდენიმე თვეზე.

ეს უნიკალური ფუნქცია საუკეთესო საშუალებაა, გაცდეთ ქართველი იმპორტიორების მიერ დადგენილ ფიქსირებულ ფასებსა და მაღალპროცენტიან განვადების პირობებს და თავად წარმართოთ თქვენი შოპინგი.
 

განვადების მთავარი პლიუსები

• რაიმე ნივთის განვადებით შეძენა ერთგვარი შანსია, იყიდო ძალიან საჭირო, უბრალოდ, აქტუალური ან იმ მომენტში ყველაზე სანატრელი ნივთი, რომელსაც ყიდულობს მაღაზია და არა - თქვენ. თქვენ მხოლოდ გარკვეულ პერიოდზე გინაწილდებათ გადასახდელი თანხა. ყოველთვიურად მცირე თანხის გადახდა კი გაცილებით მოსახერხებელია, ვიდრე ერთდროულად გადარიცხვა.
   
• თუ ნივთი შემდეგში გაძვირდება, თქვენ მაინც ძველი ღირებულების მიხედვით გადაიხდით.
   
• რეალურად საჭირო ნივთს იძენთ იმ მომენტში და არა - ერთი ან ორი წლის შემდეგ.
   

რა განსხვავებაა EBG-ს შემოთავაზებასა და სხვა მაღაზიების განვადებებს შორის?

• იბიჯის მიერ დაწესებული ძალიან დაბალი პროცენტი, რაც უპრეცედენტოა საქართველოში. რეალურად, ფასნამატი 10%-ზე ნაკლებს შეადგენს. ზოგიერთი მაღაზიას ძალიან დიდი პროცენტული მაჩვენებელი აქვს და არის ისეთი შემთხვევები, როდესაც სრული ღირებულების ნამატი 50%-მდეც კი აღწევს. ხშირად სწორედ ეს გახლავთ მთავარი მიზეზი იმისა, თუ რატომ ვერ ახერხებს ესა თუ ის მომხმარებელი სასურველი ნივთის განვადებით შეძენას და იძულებულია, თანხის ერთიანად შეგროვებამდე ყიდვისგან თავი შეიკავოს. ამ მხრივ ebg განვადებაზე სრულიად დაცული ხართ.
   
• ფართო  ასორტიმენტი – სასურველი ნივთი შეგიძლიათ, მოძებნოთ მსოფლიოს ისეთ უმსხვილეს ონლაინ სავაჭრო პლატფომებზე, როგორებიც არიან იბეი, ამაზონი და ალიექსპრესი. ადგილობრივ ბაზარზე კი ის საქონელია წარმოდგენილი, რაც ქართველ იმპორტიორებს შემოაქვთ.
   
• შეიძინე ახლად გამოსული პროდუქტი პირველმა – მაგალითად, სასურველი ელექტრონული მოწყობილობა სანამ ქართულ ბაზარზე შემოვა, შეგიძლიათ, იგი პირდაპირ ამერიკაში ან ჩინეთში ოფიციალურად წარდგენისთანავე განვადებით შეიძინოთ.

• დიდი პლიუსია განვადების პროცესის სიმარტივე და ხელმისაწვდომობა. პრაქტიკულად, სახლიდან გაუსვლელად აფორმებთ განვადებას, არ გჭირდებათ ბანკებში სიარული და დამატებითი დოკუმენტების მოძიება.
   
• პროცედურა მიმდინარეობს გამჭვირვალედ და გადასახდელ თანხას არ ემატება შეფარული „საკომისიოები“ და „დაზღვევის ხარჯები“.
   
• ინდივიდუალური მიდგომაა თითოეული კლიენტის მიმართ. განვადების პროცესში დაგიკავშირდებათ ოპერატორი და ყველა დეტალში გაგარკვევთ.
   
• საქართველოში ჩამოსვლისთანავე ნივთს მიიღებთ თქვენთვის სასურველ ფილიალში.

როდის მოუწევს ნივთს განბაჟება?

საბაჟოზე უკვე რამდენიმე წელია, სტანდარტული ტარიფები მოქმედებს. განბაჟება შეადგენს 18%-ს და ექვემდებარება შემდეგი პროდუქცია:

• რომლის ღირებულებაც 300 ლარზე მეტია.
   
• თუ ერთ რეისზე ჩამოტანილი ნივთების წონა 30 კგ-ს აღემატება.
   
• თუ 3-4 ერთნაირი ნივთი ჩამოგივათ, რაც იმაზე მიანიშნებს, რომ კომერციული ნიშნით აპირებთ მის გამოყენებას.

აგრეთვე, ახალი რეგულაციების მიხედვით, გაითვალისწინეთ, რომ თუ რომელიმე უცხოური საიტიდან გამოიწერთ პროდუქციას და ისინი ერთ დღეს შემოვა საბაჟოზე, თქვენს სახელზე მისული ამანათები შეიკრიბება და თუ ზემოთ ნახსენებ პუნქტებს დააკმაყოფილებენ, დაგეკისრებათ საბაჟო გადასახადი, ღირებულების 18%, რომლის გადახდა შეგიძლიათ ამანათ(ებ)ის ჩამოსვლიდან 30 კალენდარული დღის განმავლობაში. გთხოვთ, დეტალებისთვის გაეცნოთ მოხმარების წესების 5.2-5.3 პუნქტებს.

ჩამოსული ნივთის გატანა

ეს გახლავთ ის ყველაზე სპეციფიური მომენტი, რომელსაც ყველა შოპინგის მოყვარული მოუთმენლად ელოდება. საქართველომდე ტრანსპორტირების ხარჯების დაფარვის შემდეგ ჩამოსული ამანათის გატანა შეგეძლებათ ჩვენი ფილიალებში, რომლებიც საქართველოს თითქმის ყველა მსხვილ ქალაქში ფუნქციონირებენ. ოფისების ჩამონათვალი და მათი მუშაობის დრო შეგიძლიათ იხილოთ აქ.

თუ თავად ვერ ახერხებთ ამანათის აღებას, შეგიძლიათ, თქვენი ID ბარათით, პასპორტით, მართვის მოწმობით ან რომელიმეს ასლით სხვასაც მისცეთ მისი გამოტანის საშუალება.

დასკვნის სახით შეიძლება ითქვას, რომ ონლაინ შოპინგს ძალიან დიდი მომავალი აქვს. მას საკმაოდ მაღალი სარგებლის მოტანა შეუძლია, როგორც გამყიდველებისთვის, ისე - მომხმარებლებისთვის. „იბიჯის“ მიზანია, ეს სერვისი მაქსიმალურად ხელმისაწვდომი და უშუალოდ საქართველოზე მორგებული გახადოს. 

თქვენ რას ფიქრობთ შოპინგზე? რამდენად ხშირად სარგებლობთ ონლაინ გამოწერებით? ან რის გამოწერას აპირებთ ახლო მომავალში? გთხოვთ, გაგვიზიაროთ კომენტარებში.