ინტერნეტით ყიდვა უფრო კომფორტული, იაფი და მოსახერხებელია

რატომღაც, ინტერნეტ მაღაზიებით საქართველოს მოსახლეობის ძალიან მცირე ნაწილი სარგებლობს. მე კი, შემიძლია უსასრულოდ ვისაუბრო იმაზე, თუ რა უპირატესობები აქვს ინტერნეტით ყიდვას. მაგრამ დღეს, მხოლოდ რამდენიმე საკითხს შევეხები.

დრო

XXI საუკუნის პრობლემა არის დრო. ადამინისთვის ვინც მუშაობს სრულ განაკვეთზე,ძალიან ძნელია გამონახოს დრო შოპინგისთვის, რადგან სასურველი ნივთის შეძენას სხვადასახვა მაღაზიებში სიარული, დახლების დათვალიერება და სათითაო ნივთის შემოწმება სჭირდება, იმის ალბათობა რომ მთელი დღე დაკარგოთ და სასურველი ნივთი მაინც ვერ იპოვოთ, ძალიან დიდია.

ხოლო, როდესაც ინტერნეტით ყიდულობთ, შეგიძლიათ რამდენიმე მაღაზიაში ერთდროულად მოძებნოთ სასურველი ნივთი, შეადაროთ ფასები, მახასიათებლები და მარტივად განსაზღვროთ ამა თუ იმ პროდუქტის უპირატესობები, ონლაინ რეჟიმში გაიაროთ კონსულტაცია სწრაფად და მარტივად, თქვენი კომფორტის ზონიდან გამოუსვლელად.

ფასი

ორი იდენტური პროდუქტი მაღაზიასა და ინტერნეტში, ფასით ყოველთვის განსხვავდება. ყველამ ვიცით, რომ ინტერნეტით ყიდვა უფრო იაფი ჯდება. ეს ხალხში ონლაინ მაღაზიების მიმართ ეჭვს იწვევს, რომ მათთან უხარისხო ან პატენტი პროდუქტი იყიდება.

რეალური მიზეზი კი არის ხარჯები და შემოსავლები. მაღაზიას სჭირდება ძალიან დიდი ფინანსური რესურსი, მას უნდა ჰქონდეს ფილიალები და ჰყავდეს დასაქმებული ხალხი ამ ფილიალებში, ყოველთვიურად იხდიდეს იჯარას, კომუნალურებს და ზრუნავდეს თანამშრომლების ანაზღაურებაზე. ამასთან ერთად უნდა ჰქონდეს სათავო ოფისი, სადაც ძირითადი გუნდი იმუშავებს. ამ ხარჯებს კი ჩვენ, მომხმარებლები ვიხდით.

ონლაინ მაღაზიას კი სჭირდება მხოლოდ იგივე მაშტაბების სათავო ოფისი და მასში მომუშავე პერსონალი, შესაბამისად, მისი ხარჯებიც ნაკლებია და ამ ხარჯების გასასტუმრებლად ფასის მომატებაც არ უწევს .

აქედან გამომდინარე, ჩემთვის ონლაინ შოპინგი ასოცირდება იაფად

კომფორტი

ნებისმიერი ადგილიდან, ნებისმიერ დროს, სამსახურში, ლანჩზე, ტრანსპორტით მგზავრობისას, სახლში ტახტზე მოკალათებულმა, მაქსიმალურად კომფორტულად შეგიძლიათ ერთ სივრცეში შეიძინოთ ყველაფერი რასაც ეძებთ. დღის ნებისმიერ მონაკვეთში მაღაზია ღიაა და სასურველ ნივთს ერთი დაწკაპუნებით აირჩევთ.

ონლაინ განვადება - კიდევ ერთი დიდი პლიუსი, ამ ყველაფერთან ერთად. მომენტალურად შეგიძლიათ ისარგებლოთ რამდენიმე ბანკის მომსახურებით, ასევე, ბანკებში სიარულის და დროის კარგვის გარეშე.

და ბოლოს, ყველაზე დიდი კომფორტი - ადგილზე მიტანის სერვისი. მხოლოდ ამის გამოც კი ღირს ინტერნეტით ყიდვა.

სანდოობა

ჩემი აზრით, მიზეზი, რის გამოც საქართველოში ნაკლებად იყენებენ ონლიან მაღაზიებს, ნდობის უქონლობაა. პირველი ნაბიჯის გადადგმა მართლაც რთულია, მაგრამ ამ შემთხვევაში მთავარია შეარჩიოთ მაღაზია, რომელსაც ბევრი მომხმარებელი ჰყავს და ამ მომხმარებლების 90% კმაყოფილია.

ნივთის შეძენამდე გაეცანით მომხმარებლების შეფასებებს, როგორც მაღაზიის შესახებ, ასევე კონკრეტულ პროდუქტზე. თუ საიტზე მსგავსი ინფორმაცია ვერ ნახეთ, მოიძიეთ სოციალურ ქსელებში, გაიგეთ რას წერს ხალხი მათზე და თუ მომხმარებელების უმრავლესობა დადებითად აფასებს, შეგიძლიათ ენდოთ. ისეთი მაღაზიები კი, რომლებსაც შეფასების სისტემა არ აქვთ,  ჩემთვის ნაკლებად სანდოები არიან.

ამ ყველაფრის ცოდნის ფონზეც კი, ბევრ ადამიანს უჭირს გადაწყვეტილების მიღება რომ იყიდონ ნივთები ონლაინ, ჰგონიათ რომ რაღაცას არასწორად გააკეთებენ, ან ნივთს ვერ მიიღებენ, ან საერთოდ გაქრება ის ონლაინ მაღაზია.

თუ მაინც გსურთ ისეთი ოლნაინ მაღაზიიდან ნივთის შეძენა, რომელსაც არც მომხმარებლის შეფასებები აქვს და არც პირადად გქონიათ ამ დრომდე მათთან შეხება,

გირჩევთ პირველი შენაძენი აუცილებლად  დაბალფასიანი იყოს, ამით გაეცნობით ონლაინ შეძენის პრინციპებს, პროცედურებს გადახდიდან ნივთის მიღებამდე და შემდეგ ჯერზე, უფრო თამამად შეიძენთ ონლაინ მაღაზიიდან.

გაგვიზიარეთ თქვენი გამოცდილება ონლთაინ შოპინგთან დაკავშირებით. რას  ყიდულობთ უფრო ხშირად, რამდენად კმაყოფილები ან უკმაყოფილოები ხართ მომსახურეობით და რას ურჩევდით მათ, ვინც ვიპრველად აპირებს ინტერნეტით ყიდვას.