გაიგე რის მიხედვით უნდა აირჩიო შენი ნაძვის ხე

იმისათვის, რომ მოახლოებული ახალი წელი სრულყოფილი გავხადოთ, საჭიროა ყველაფერი იდეალურად დავგეგმოთ. დაგეგმვაში იგულისხმება წინა საახალწლო სამზადისი, სახლის მორთვა, საჩუქრების შერჩევა, შეფუთვა, სადღესასწაულო კერძების მომზადება ახალი წლის ღამისთვის. მაგრამ ეს ყველაფერი აზრს დაკარგავს ნაძვის ხის გარეშე, ის ხომ დღესასწაულის მთავარი ჯადოსნობაა.  

მთავარია ნაძვის ხე იყოს, როგორი იქნება, რამხელა და როგორ მორთავთ ეს თქვენს გემოვნებაზეა დამოკიდებული. დღეს მე რამდენიმე მთავარ რჩევას მოგცემთ, თუ როგორ უნდა აარჩიოთ ინტერიერის შესაბამისი  ნაძვის ხე.

1. შევარჩიოთ ნაძვის ხის სწორი ზომა და ფორმა ჩვენი სივრცის მიხედვით

ნაძვის ხის ზომა დამოკიდებულია ჩვენი ოთახის მოწყობასა და სივრცეზე, რაც უფრო მაღალია ჭერი, მით უფრო მაღალი ხე მოუხდება ჩვენს ოთახს. მაგალითად, თუ თქვენი ჭერის სიმაღლე დაახლოებით 240 სმ-დან 380 სმ-მდეა და თუ გსურთ ნაძვის ხემ შეავსოს ოთახი, ასეთი სიმაღლისთვის, დაახლოებით, 225 სმ-დან 360 სმ მდე დაგჭირდებათ, აგრეთვე ასეთი სიმაღლის ნაძვის ხე მიზანშეწონილია უფრო მაღალი ჭერისთვისაც, 380 სმ-ის ზემოთაც.

ასევე გაითვლისწინეთ, თუ გსურთ ნაძვის ხე სწორად იდგას ჭერთან მიმართებით, მათ შორის მანძილი 30-50 სმ-მდე უნდა იყოს.

არ გამოგრჩეთ ნაძვის ხის დასადგამის სიმაღლეც. საშუალოდ იგი 13 სანტიმეტრია, რაც მთლიანობაში ნაძვის სიმაღლეს დაემატება.

2.შევარჩიოთ სწორი ფერის ნაძვის ხე

აღსანიშნავია ფერთა პალიტრაც. თუ თქვენს ოთახში მთლიანად მუქი ფერები ჭარბობს, მაგ: ყავისფერი ან ჩალის ფერი, მაშინ თქვენს ოთახს მთლიანად თეთრი ფერის ნაძვის ხე მოუხდება.

თუ კედლები უფრო ნათელ ფერებშია შეღებილი, მაშინ გირჩევთ მწვანეს, თოვლის ეფექტით.

მთლიანად მწვანეს იმ შემთხვევაში გირჩევთ თუ ჩვენი ნაძვის ხის სიახლოვეს წითელი ფერები ჭარბობს ან ბუხართან ახლოს გვიწევს მისი დადგმა.

3. იდეალური ადგილი ნაძვის ხისთვის

იმისათვის, რომ ნაძვის ხემ ყურადღება მიიქციოს და ხიბლი არ დაკარგოს, საჭიროა სწორად შევარჩიოთ მისი ადგილი. ეს რა თქმა უნდა გემოვნებისამებრ ხდება, თუმცა რამდენიმე რჩევას მაინც შემოგთავაზებთ, რაც ჩვენივე უსაფრთხოებისთვის უნდა გავითვალისწინოთ.

1. ნაძვის ხე არ უნდა დავდგათ სითბოსთან ახლოს, რადგან ამან შეიძლება მისი გადახურება გამოიწვიოს, რასაც მოყვება მისი ხარისხის დაკარგვა ან საერთოდ უსარესი - ხანძარი. თუ მაინცდამაინც მისი ბუხართან ახლოს დადგმა გსურთ, მაშინ ნაძვის ხესა და ბუხარს შორის დაშორება 7-8 ნაბიჯს წარმოადგენდეს.

2. თავიდან უნდა ავიცილოთ ნაძვის ხის ისეთ ადგილებში დადგმა, სადაც ოჯახის წევრების ძირითადი მოძრაობის და გადადგილების სივრცეა.

3. აგრეთვე არ უნდა იდგეს ღია ფანჯარასთან ახლოს. აგრეთვე ისეთ ადგილებში, სადაც ხელს შეუშლის მოძრაობას, მაგალითად კარების უკან ან კიბეებთან ახლოს.

ნაძვის ხეებს ერთმანეთისგნ ძირითადად განარჩევენ ტიპის მიხედვით – ხელოვნური და ბუნებრივი.

ბუნებრივი ხეების უპირატესობა მათ სურნელსა და ცოცხალ ფერში მდგომარეობს. მაგრამ ცოცხალი ნაძვის მოჭრა იმისთვის, რომ ახალი წლის რამდენიმე დღით ჩვენი სურვილი დავიკმაყოფილოთ, ნამდვილად არ ღირს.

ხელოვნური ნაძვების  მთავარი პლიუსი კი, მრავალჯერადად გამოყენებაა. ახალი ტექნოლოგიის შედეგად ისინი არიან ცეცხლგამძლეები, არ იზიდავენ მწერებს, არ ჭირდებათ წყლის დასხმა, არ კარაგვენ ეფექტს და რაც მთავარია, არ გჭირდებათ ცოცხალი ხის მოჭრა!

ბუნებრივი ხეების მოყვარულთათვის არის შექმნილი ის ნაძვის ხე, რომელზეც ახლა მოგიყვებით.

1. ბუნებრივთან მიახლოებული

ბუნებრივთან მიახლოებული ხელოვნური ნაძვის ხის ტოტები და წიწვები საოცრად ჰგავს ნამდვილს. მასალა და ფორმა ბუნებრივის  იდენტურია. მისი სიმაღლე 210 სანტიმეტრია, აქვს ხშირი ტოტები და დაბურულია, ისევე როგორც ტყეში მდგომი ცოცხალი ნაძვი. მისი ნახვა შეგიძლიათ აქ.

2. დათოვლილი გირჩებით და კენკრით

თუ გსურთ რომ თქვენი ნაძვი გამორჩეული, ეფექტური იყოს დეკორაციების გარეშეც, მაშინ დათოვლილი, გირჩებით და კენკრით, საუკეთესო არჩევანია. მისი ტოტები გამოირჩევა სიხშირით, მასიურად დათოვლილი წიწვები ქმნის თოვლის ეფექტს, გირჩები და კენკრა კი მეტ ბუნებრიობას სძენს. 180 სანტიმეტრიანი მოდელის ნახვა შეგიძლიათ აქ.

3. დაფიფქული, თოვლის ეფექტით

წარმოგიდგნთ 2019 წლის ყველაზე ტრენდულ ნაძვის ხეს. ერთი შეხედვით შეიძლება თეთრი გეგონოთ, მაგრამ ის რეალურად მწვანე, დიდი ფიფქებით დაფარული, დათოვლილი ნაძვის ხეა. მისი ყურება მახსენებს ბავშვობას, ეზოში მდგარ ნაძვს, ტოტზე რომ ვექაჩებოდით და თოვლი იყრებოდა, ეს ნაძვის ხეც ასეა დათოვლილი. აღარ მოგაწყენთ თავს და პირდაპირ გეტყვით რომ 180 სანტიმეტრიანის ნახვა შეგიძლიათ აქ.

მოცემული სამი მოდელი წელს წარმოდგენილ ნაძვის ხეებში ჩემი რჩეულია, თუმცა შეგიძლიათ ნაძვის ხის სხვა მოდელებსაც გადახედოთ და სასურველი ზომის მიხედვით შეარჩიოთ. მათი ნახვა შეგიძლიათ ამ ლინკზე.

კიდევ ერთხელ გვიმეორებ, რომ ნაძვის ხის ფორმა და ზომა იმის მიხედვით უნდა შეარჩიოთ თუ რამხელა შიდა სივრცით გამოირჩევა თქვენი სახლი. დამეთანხმებით, იგი ისე უნდა იდგეს სახლში, რომ არც ხელს უშლიდეს ვენმეს და არც თვალში გვეჩხირებოდეს ცუდად.

იმედი მაქვს, ეს რჩევები დაგეხმარებათ ნაძვის ხის სწორად შერჩევაში, დარწმუნებული ვარ თქვენი ნაძვის ხე ნამდვილად იდეალური იქნება, მიიპყრობს სტუმრების ყურადღებას და ოჯახის წევრებს ნამდვილ სიხარულს აჩუქებს.