დღეს მე ვისაუბრებ ყველასთვის კარგად ნაცნობ პრობლემაზე, რომლისგან თავის დაღწევაც, ალბათ, გოგოების უმეტესობას სურს. ჩაშავებული უპეები მეტ-ნაკლებად ყველას აწუხებს, განსაკუთრებით მათ, ვისაც ძილის პრობლემები აქვთ. განვიხილავ უპეების ჩამუქების სხვადასხვა ტიპსა და თითოეულის გამომწვევ მიზეზებს, შემდგომ კი მიიღებთ რჩევებს, რომლებიც აუცილებლად დაგეხმარებათ სიმუქეების შემცირებაში, მერე კი - გაქრობაში.

ყველაზე რთულად მოსაშორებელი შეფერილობა

ძილი - სილამაზის გარანტი

საუკეთესო კრემები უპეების გასაღიავებლად

დღეს მე ვისაუბრებ ყველასთვის კარგად ნაცნობ პრობლემაზე, რომლისგან თავის დაღწევაც, ალბათ, გოგოების უმეტესობას სურს. ჩაშავებული უპეები მეტ-ნაკლებად ყველას აწუხებს, განსაკუთრებით მათ, ვისაც ძილის პრობლემები აქვთ. განვიხილავ უპეების ჩამუქების სხვადასხვა ტიპსა და თითოეულის გამომწვევ მიზეზებს, შემდგომ კი მიიღებთ რჩევებს, რომლებიც აუცილებლად დაგეხმარებათ სიმუქეების ჯერ შემცირებაში, მერე კი - გაქრობაში.

1. უპეების მოწითალო/მოლურჯო შეფერილობა

თუ თქვენს უპეებს მოწითალო ან მოლურჯო ფერი დაჰკრავს, ეს შეიძლება, გამოწვეული იყოს შემდეგი ფაქტორებით: სტრესული გარემო, ძილის ნაკლებობა და ალერგია. მათ, ვინც მუდმივად სტრესს განიცდიან ან დაძაბულ გარემოში უწევთ მუშაობა, სისხლის ცირკულაცია უნელდებათ და ამის შედეგი სწორედ უპეების ჩალურჯებაა. მათ გასაუფერულებლად, პირველ რიგში, საჭიროა საკმარისი ძილი.

ასევე, არასდროს მოისრისოთ თვალები თითებით, განსაკუთრებით მაშინ, თუ ხელები ახალი დაბანილი არ გაქვთ. თვალის გარშემო კანის სტრუქტურა საკმაოდ თხელი და მგრძნობიარეა, მცირეოდენ გაღიზიანებასაც კი ცუდი შედეგის გამოწვევა შეუძლია. ძილის წინ არ ისარგებლოთ ტელეფონით - ეკრანის სხივები თვალის დაძაბვას იწვევს.

ნაცნობი ფაქტია, რომ კანს მაკიაჟი ყველაზე მეტად ვნებს, განსაკუთრებით - თვალს, მაშინ, როცა მძიმე კონსილერი, ტუში ან თვალის ლაინერი გისვიათ. ამიტომ, დაძინებამდე ყოველთვის უნდა მოიშოროთ მაკიაჟი, რისთვისაც შეგიძლიათ, სახის გამწმენდი გამოიყენოთ, რაც თქვენი კანის ტიპის მიხედვით უნდა შეარჩიოთ. იმისთვის, რომ თვალის მთლიანი არე დაამშვიდოთ და გაღიზიანებისგან დაიცვათ, გამოიყენეთ თქვენთვის კომფორტული თვალის კრემი და თითის მსუბუქი მოძრაობით დაიმასაჟეთ.

2. უპეების იასამნისფერი შეფერილობა

თვალების იასამნისფერი შეფერილობა განპირობებულია ასაკითა და გენეტიკით. მისი გამომწვევი მიზეზებია: კაპილარები, ღია ფერის კანი და თხელი კანი. რაც უფრო თხელია თქვენი კანი, მით უფრო გამოკვეთილია კაპილარები, ეს კი ღია ფერის კანზე ყველაზე შესამჩნევია.

ასეთი სიმუქის შესამცირებლად რეკომენდებულია ასაკის საწინააღმდეგო კრემების გამოყენება. კანზე ზრუნვისთვის ერთ-ერთი საუკეთესოა „Klairs“-ის პროდუქტი „Midnight blue youth activating drop“-ი, რომელიც შეგიძლიათ იხილოთ აქ. სახის გაწმენდის შემდეგ სულ რაღაც ერთი წვეთიც კი საკმარისია იმისთვის, რომ თვალები ზედმეტი გაღიზიანებისგან დაიცვათ. თვალის არე არათითით დაიმასაჟეთ 2 წუთის განმავლობაში, დილამდე დაიტოვეთ და დილით თბილი წყლით ჩამოიბანეთ.

გარდა ამისა, ჩემ მსგავსად შეგიძლიათ, სახლის პირობებში თავად დაამზადოთ ნიღაბი ამ ტონერის (სპრეი, რომელიც კანს გაუმჯობესებასა და ცხიმის რეგულაციაში ეხმარება) და ერთჯერადი ხელსახოცის გამოყენებით, რომელიც უპეებს გაუფერულებაში დაეხმარება.

3. უპეების შავი/ყავისფერი შეფერილობა

თუ უპეებს შავი ან ყავისფერი დაჰკრავთ, ამის მიზეზები შეიძლება იყოს: ასაკი, გენეტიკა, ვენები და კანის პიგმენტაცია. ეს უკანასკნელი ლაქების ან ნაოჭების წარმოქმნაა, რასაც სხვადასხვა რამ იწვევს, თუმცა ძირითად შემთხვევაში მიზეზი მზის სხივებია. სწორედ ამიტომ, ყოველთვის უნდა გამოიყენოთ მზისგან დამცავი საშუალება (გადადით ლინკზე) არა მარტო სახეზე, არამედ - თვალის ირგვლივაც. მზის სხივები მკვეთრად ეცემა სახეს და თვალებს, შესაბამისად, თვალები ღიზიანდება, რაც პიგმენტაციის წინაპირობაა.

თუმცა, თუ განსაკუთრებით მძიმე მაკიაჟს ატარებთ, მაშინ ნუღარ დაამატებთ მზისგან დამცავ კრემს, რადგან კანსა და თვალს საგრძნობლად გააღიზიანებს, ამის ნაცვლად შეგიძლიათ, BB კრემი გამოიყენოთ, ის თქვენს კანს ზიანს არ მიაყენებს. ჩაშავებული წრეების გასაღიავებლად ძალიან კარგია „Klairs”-ის “Freshly juiced vitamin drop”-იც, რადგან იგი გაჯერებულია C ვიტამინით, რომელიც კანს მბზინვარებასაც ანიჭებს.

და ბოლოს - „Sheet Mask“, პროდუქტი, რომელსაც მთელი მსოფლიო და განსაკუთრებით, აზია აღმერთებს. იგი სახის ფორმის ნიღაბია, ფურცლისა და ქსოვილის ერთგვარი ნაზავი, რომელიც ერთჯერადად გამოიყენება და უამრავი დადებითი თვისება აქვს: შექმნილია სხვადასხვა ტიპის კანისთვის, ატენიანებს, სუნთქვაში ეხმარება, ელასტიურობას ანიჭებს, უპეებს აღიავებს და აქრობს და ა.შ.

4. უპეების მოყვითალო-მომწვანო შეფერილობა

მოყვითალო-მომწვანო ფერის უპეების მოშორება ყველაზე რთულია. ასეთი შეფერილობა გამოწვეულია ასაკით, წონის მუდმივი ცვლილებითა და თვალის ირგვლივ გამოკვეთილი ღაწვის ძვლებით. გამოდის, რომ ეს დაკავშირებულია სახის სტრუქტურასთან და არა - თავად კანთან. ის, რომ მაკიაჟით დაძინება საზიანოა, განსაკუთრებით ასეთი უპეების მქონე ადამიანებმა უნდა გაითვალისწინონ და უნდა ეცადონ, კანიდან ჭუჭყი და ბაქტერიები რომელიმე გამწმენდი ზეთის საშუალებით მაქსიმალურად მოიშორონ.

მეორე, თვალის არე გამომშრალი არ უნდა იყოს და დატენიანება აუცილებელია. ძალიან ბევრია დამატენიანებელი, რომლის თვალთან მიკარებაც კარგის მაგივრად ცუდ შედეგს გვაძლევს, ამიტომ უმჯობესია ისეთის გამოყენება, რომელიც უკუჩვენებას არ გამოიწვევს. სასურველი დამატენიანებელი შეგიძლიათ აირჩიოთ იბიჯის ამ ბმულზე.



იმედია, ჩემი პირადი გამოცდილებიდან გაზიარებული რჩევები დაგეხმარებათ არსებული პრობლემის მოგვარებაში. კიდევ თუ გაქვთ რაიმე სხვა ხერხი, რითიც უპეების სიმუქეს ებრძვით, გთხოვთ, გაგვიზიაროთ კომენტარის სახით. დაიმახსოვრეთ, რაც უფრო ნაკლებად გააღიზიანებთ თქვენს კანს, მით უფრო მკრთალი და ღია იქნება თქვენი უპეები თვალების გარშემო!