მას მერე, რაც კომპიუტერულმა ტექნიკამ აიწყო ფეხი, ნელ-ნელა გვავიწყდება, როგორია საოჯახო საღამოები ან თუნდაც მეგობრებთან ერთად დროის გატარება ყურადღებისგადამტანი გაჯეტების გარეშე. როგორ გამოვასწოროთ ეს?
მე გაგაცნობთ/გაგახსენებთ 3 ყველაზე პოპულარულ სამაგიდო თამაშს, რომელიც მოწყენის საშუალებას არ მოგცემთ და დაგეხმარებიან საყვარელ ადამიანებთან ერთად ტკბილი მოგონებების შექმნაში.
სანამ მთავარ თემაზე გადავიდოდეთ, პირველ რიგში, უზრუნველვყოთ, ყველა ჩართული იყოს თამაშში, აქტიურობდეს და შიგადაშიგ არ მიაჩერდეს სმარტფონის ცისფერ ეკრანს.
იცით, მათთვის, ვინც ძლიერი ნებისყოფით არ გამოირჩევა, არსებობს კონტეინერი თაიმერით. კონტეინერში მოათავსებ ნივთს, რომლისგანაც გინდა თავი შეიკავო, ეს იქნება სმარტფონი, შოკოლადი, სიგარეტი . . .  შემდეგ მიუთითებ დროს და ამ დროის განმავლობაში ძალიანაც რომ მოინდომო, ვერაფრით გახსნი.

 მაშ ასე, გამოვკეტოთ სმარტფონები ციხეში და შევუდგეთ თამაშს!

1. Guess who?-გამოიცანი ვინ?

,,გამოიცანი ვინ ვარ მე'' არის ლოგიკური სამაგიდო თამაში,რომელიც 6 წლიდან ზევით არის დაშვებული.ამ თამაშში ორი მოთამაშეა.ერთი ცდილობს გამოიცნოს მეორეს ვინაობა და მხოლოდ კი ან არას თქმის უფლება აქვს.
მაგალითად:
1 მოთამაშე: ქერა თმები გაქვს?
თუ მეორე მოთამაშე პასუხობს ,,დიახ'', მაშინ პირველი ხურავს ყველა დაფას, რომელსაც ქერა თმა არ აქვს.
თუ მეორე მოთამაშე პასუხობს ,,არა'', მაშინ პირველი ხურავს ყველა დაფას, რომელსაც ქერა თმა აქვს.

თუ ოპონენტი წარმატებულად გამოიცნობს თუ ვინ ხარ შენ, მაშინ ის მოიგებს. წესები მარტივია, თამაში კი აზარტული და საინტერესო.

2. UNO-უნო

სიმართლე გითხრათ, უნდა ღრმა ბავშვობიდან ვთამაშობ, მაგრამ მისი სწორად თამაში მაშინ ვისწავლე, როცა უკვე წამოვიზარდე და ბანაკში დავიწყე სიარული. უნივერსალური თამაშია, ნებისმიერ ასაკზეა გათვლილი და ძალიან კარგ საშუალებას გაძლევს,  მეგობარი გააბრაზო და საკუთარი კარგი იღბლით დატკბე. მხოლოდ გამართლება საკმარისი არ არის, UNO  გონიერ თამაშსაც მოითხოვს.
მოდი, ახლა წესებს გაგაცნობ და შემდეგ შენ გადაწყვეტ რამდენად დაგაინტერესებს ის.

უნოს წესები:

• • ითამაშება ორიდან-ათ კაცას შორის;
  • თითეულს ურიგდება 7 კარტი;
  • თამაშის დაწყებისას ერთი კარტი ტრიალდება ,რომლის შემდეგაც  იწყება თამაში;
  • მაგიდაზე თქვენი კარგის  მსგავსი რიცხვები ან ფერები უნდა იყოს,თუ არ გაგიმართლათ, დასტიდან უნდა დაიმატოთ კარტი.

კარტში,როგორც ცნობილია არის ფერადი შემდეგი ციფრები:

ამათ გარდა არის შემდეგი კარტები:

• 1-,,reverse''-შემოტრიალება. რაც იმას ნიშნავს, რომ თუ მას დადებ, თამაში საპირისპიროდ შემოტრიალდება და დაიწყებთ ისრის საწინააღმდეგოდ სვლას;
• 2- ამ კარტით კი შეგიძლიათ შეცვალოთ ფერი;
• 3- წინა და ამ კარტს შორის განსხვავება კი ის არის, რომ ამ კარტის ჩამოსვლას შეგიძლიათ ნებისმიერ დროს, ამასთან ერთად  ირჩევ ფერს და შემდეგ მოთამაშეს უმატებ 4კარტს,რის შემდეგაც ტოვებს სვლას;
• 4- ეს კარტი კი შემდეგ მოთამაშეს +2 კარტს უმატებს, მაგრამ შეიძლება შემდეგ მოთამაშეს გაუმართლოს და მასაც +2 აღმოაჩნდეს ამის შემდეგ კი, უკვე მის შემდგომი იმატებს +4 კარტს;
• 5- ამ კარტით კი შემდეგ მონაწილეს ტოვებ.

და ბოლოს ყველაზე მთავარი წესი: როცა ბოლო ორი კარტი გაქვს ხელში დარჩენილი, ერთი კარტის ჩამოსვლის დროს აუცილებლად უნდა თქვა "UNO"  წინააღმდეგ შემთხვევაში, იმატებ კარტს და აგრძელებ თამაშს.

უნო ძალიან აზარტულია,როდესაც ბევრი ადამიანი თამაშობს

3. monopoly-მენეჯერი

მონოპოლი ერთ-ერთი ყველაზე აზარტული თამაშია, რომელიც კი აქამდე გამოუგონიათ. გრძელდება დაახლოებით 2 საათის განმავლობაში, საიდანაც 1 წუთიც ვერ იქნება ისეთი, როცა ყურადღებას მოადუნებთ, მოდუნდებით ან მოგწყინდებათ. გამოუცდელმა მოთამაშემ შეიძლება იფიქროს, რომ მოგება იღბალზეა დამოკიდებული, სვლებს ხომ კამათეის გაგორება განსაზღვრავს, რეალურად კი მონოპოლის მოსაგებად უნდა შექმნა სტრატეგია, შეგეძლოს მოლაპრაკება და ვაჭრობა. თამაში ისეც შეიძლება განვითარდეს, რომ რამდენიმე მოთამაშე ერთის გასაკოტრებლად შეიკრას.

მოთამაშეთა რაოდენობა 2-10მდეა. კამათელს მონაცვლეობით აგორებთ, თუ ის ადგილი, სადაც თქვენ მოხვდით ეკუთვნის სხვა მონაწილეს, მაშინ თქვენ მას უხდით ქირის საფასურს. თამაშს აგრძელებთ იმავე ადგილიდან სადაც გაჩერდი. თამაში სრულდება, როცა ერთი ამყარებს სრულ მონოპოლიას, დანარჩენები კი კოტრდებიან.

არსებობს ხრიკები, რომლებიც მონოპოლის მოგებაში დაგეხმარებათ, რაც ჯერ კიდევ არ არის საყოველთაოდ ცნობილი. კითხვაზე, როგორ მოვიგოთ მონოპოლი, პასუხი აი, ამ ბლოგში დაგხვდებათ.

დღეისთვის სულ ეს იყო! იმედია მოგეწონათ ჩემი ბლოგი, მე კი  სულ მალე ახლით დაგიბრუნდებით !